【شينجياڭعا كومەكتەسۋگە نازار】 شينجياڭ تۇرپان قالاسى: 55 مىڭ جاشىك ساپالى قۇرعاق جەمىس شينجياڭنان حۋنانعا جەتتى

  اۆتور: جاڭ رۇيلين، دۋ حۋ

  1 ـ ايدىڭ 10 ـ كۇنى تاڭەرتەڭ، شينجياڭ تۇرپان قالاسى بويلىق كورىنىس وڭىرىندە ”قىزىل انار . شينجياڭ بۇيىمدارىن حۋنانعا جەتكىزۋ“ كوكتەم مەرەكەسى تاقىرىپتىق قيمىلىنىڭ اۆتوموبيل جونەلتۋ سالتى وتكىزىلىپ، كوپتەگەن ساياحاتشىلاردى باۋرادى. 55 مىڭ جاشىك قۇرعاق جەمىس وسى ارادان جولعا شىعىپ، حۋنان حالقىنىڭ داستارقانىنا توتە جەتكىزىلەدى.

  وسى رەتكى ”قىزىل انار . شينجياڭ بۇيىمدارىن حۋنانعا جەتكىزۋ “ كوكتەم مەرەكەسى قيمىلىندا ”ينتەرنەت +“ اۋىل شارۋاشىلىق ونىمدەرىن قىستاقتان قالاعا جەتكىزۋ ينجەنەرياسى جانە جۇڭگو پوچتا ەلەكتروندى ساۋداسىن ٴبولىپ ساتۋ تۇعىرىمەن ۇشتاستىرىپ، حۋنان بازارىنا جيىنى 55 مىڭ جاشىك تۇرپاننىڭ ەرەكشە قۇرعاق جەمىستەرى ساتىلادى.

  تۇرپاننىڭ قۇرعاق جەمىس ونىمدەرىنىڭ حۋنان ولكەسىندە ساتىلۋ كولەمىن كەڭەيتىپ، ”قىزىل انار . شينجياڭ بۇيىمدارىن حۋنانعا جەتكىزۋ “ كوكتەم مەرەكەسى قيمىلىنا دەم بەرۋ ٴۇشىن، شينجياڭ پوچتاسى حۋنان پوچتاسىمەن بىرلەسىپ، حۋنان ولكەلىك باس جۇمىسشى ۇيىمى، ساۋدا مەڭگەرمەسى، اۋىل ـ قىستاقتى گۇلدەندىرۋ مەكەمەسى سياقتىلارمەن بەلسەنە بايلانىس جاساپ، پوچتا ەلەكتروندى ساۋداسى، جەدەل جەتكىزۋ زات اينالىمى، پوچتا فينانسى سياقتى باسىم بايلىقتاردان تولىق پايدالانىپ، تۇرپاننىڭ اۋىل شارۋاشىلىق ونىمدەرمەن قامداۋ تىزبەگىنىڭ جاڭالانۋىن، دارەجەسىن ٴوسىرۋدى ىلگەرىلەتتى.

  1 ـ ايدىڭ 10 ـ كۇنى ”قىزىل انار . شينجياڭ بۇيىمدارىن حۋنانعا جەتكىزۋ “ كوكتەم مەرەكەسى تاقىرىپتىق قيمىلىنىڭ اۆتوموبيل جونەلتۋ سالتى. (سۋرەتتى دۋ حۋ تۇسىرگەن)

  تاياۋ جىلداردان بەرى، حۋنان ولكەسىنىڭ تۇرپان قالاسىنا باعىتتامالى كومەكتەسۋ الدىڭعى شەپ قولباسشىلىق شتابى تۇرپاننىڭ ەرەكشە كاسىپ سالاسىن ارقاۋ ەتىپ، ”قوس اينالىمدى“ ىركىلىسسىزدەندىرۋگە كۇش سالىپ، پوچتا ەلەكتروندى ساۋداسىن ٴبولىپ ساتۋ، جەدەل جەتكىزۋ زات اينالىمى جانە پوچتا فينانسى سياقتى كاسىپورىنداردىڭ باسىم بايلىعىن سۇيەنىش ەتىپ، تۇرپاننىڭ اۋىل شارۋاشىلىق ونىمدەرىن تاسىمالداۋ قيىن بولۋ، ساقتاۋ قيىن بولۋ، ساتۋ قيىن بولۋ سياقتى قيىن ماسەلەلەردى شەشىپ، ساتىپ الۋ ۇشى، تاسىمالداۋ ۇشى، ساتۋ ۇشىنا كۇش سالىپ، سۋىق تىزبەكتى تاسىمال جاڭا جابدىقتارىنان، جاڭا تەحنيكالاردان پايدالانىپ، تۇتاس ”ٴۇش ۇشتى توعىستىرۋ“ كاسىپ تىزبەگىن قالىپتاستىرىپ، تۇرپاننىڭ ساپالى اۋىل شارۋاشىلىق ونىمدەرىن اتىز باسىنان حۋنان ولكەسىنىڭ جەر ـ جەرىنە، ٴتىپتى بۇكىل ەلدىڭ جەر ـ جەرىندەگى تۇتىنۋشىلاردىڭ داستارقانىنا تىكە جەتكىزىپ بەرەدى.

  حۋنان ولكەسىنەن شينجياڭعا كومەككە كەلگەن كادر، جۇڭگو پوچتا توبى سەرىكتەستىگى تۇرپان قالاسى بولىمشە سەرىكتەستىگى پارتكومىنىڭ مۇشەسى، ورىنباسار باس ديرەكتورى حۋاڭ كىۋىن بىلاي دەدى: شينجياڭعا كومەكتەسۋ ارناسىنان پايدالانىپ، حۋناننىڭ جوعارى دەڭگەيلى بازارىن تۇتاستىرىپ، تۇرپاننىڭ ساپالى قۇرعاق جەمىسىنىڭ دەر كەزىندە حۋنانعا جەتكىزىلۋىنە كومەكتەسىپ، حۋناننىڭ تۇتىنۋشىلارىنىڭ ساپالى، باعاسى ارزان شينجياڭ قۇرعاق جەمىستەرىن ساتىپ الۋىنا مۇمكىندىك جاساپ، تۇرپانداعى شارۋالاردىڭ كىرىسىن ارتتىرۋدى دا جەبەدىك، مەجەمەن كوكتەم مەرەكەسىنەن كەيىن 2 ـ توپتاعى قۇرعاق جەمىستەردى جونەلتەمىز.

  اۋدارعان: قادىر ماقان

جاۋاپتى رەداكتور: بەردىقان مۇراتقان ۇلى