بۋىرشىن دەنەتاربيە ساياحاتى ستراتەگيالىق كەلىسىمىنە قول قويىستى

  جارقىن، پراكتيكانت ٴتىلشى جاۋ جىۋي حابارلايدى. 1-ايدىڭ 10-كۇنى، بۋىرشىن اۋداندىق حالىق ۇكىمەتى بەيجيڭ جيڭشۋي دەنە تاربيە مادەنيەتى كاسىبى شەكتى سەرىكتەستىگىمەن بۋىرشىن اۋداندىق دەنەتاربيە ساياحاتى كاسىبى ستراتەگيالىق سەلبەستىك جۇلگەلىك كەلىسىمىنە ٴساتتى تۇردە قول قويىستى.جۇڭگو قالا جوباسىن جوبالاۋ-زەرتتەۋ مەكەمەسىنىڭ ورىنباسار مەكەمەسى باستىعى جاۋ زىچياڭ، بەيجيڭ جيڭشۋي دەنەتاربيە مادەنيەتى كاسىبى شەكتى سەرىكتەستىگىنىڭ قۇرۋشىسى سۇن چاۋ، بۋىرشىن اۋداندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ياڭ يۇڭميڭ، بۋىرشىن اۋدانىنىڭ ورىنباسار اكىمى ياڭ يانميڭ، اۋداندىق مادەنيەت-ساياحات مەكەمەسى، قازىنا مەكەمەسى، دامۋ-رەفورمالاۋ كوميتەتى، قالالىق باقىلاۋ مەكەمەسى، سەلبەستىك، اۋىس-كۇيىس ورتالىعى قاتارلى قاتىستى تاراۋلاردىڭ (ورىنداردىڭ) جاۋاپتىلارى قول قويىسۋ سالتىنا قاتىناستى.

  بۋىرشىن اۋدانىنىڭ ساياحات كاسىپ قۇرىلىمىن بەلسەنە رەتتەۋ جانە دارەجەسىن جوعارىلاتۋ ٴۇشىن، بۋىرشىن اۋداندىق ۇكىمەت بەيجيڭ جيڭشۋي دەنەتاربيە مادەنيەتى كاسىبى شەكتى سەرىكتەستىگىمەن ەرىكتى، ٴوزارا ٴتيىمدى، تەڭ بولۋ پرينسيپى مەن تولىق كەڭەسۋ نەگىزىندە، وسكەلەڭ ورتاق تانىمعا كەلىپ، بۋىرشىن اۋدانىنىڭ دەنەتاربيە ساياحاتىنىڭ توعىسپالى دامۋىن جەدەل ىلگەرىلەتۋ ٴۇشىن، الدا ٴبىر قىدىرۋ سەلبەستىك ورىستەتەدى.

  بۋىرشىن اۋدانىندا شينجياڭ جارىسى (بۋىرشىن) دەنەتاربيە ساياحاتى كاسىبى شەكتى سەرىكتەستىگىنىڭ تيجارات ناقتى تۇلعاسى قۇرىلادى. بۇل ناقتى تۇلعا بۋىرشىن اۋدانىنىڭ تۇتاس وڭىرلىك دەربەس دەنەتاربيە جارىسى كاسىپ تىزبەگىن قۇرۋ، دەنەتاربيە جارىستارىنا ساۋداگەر شاقىرىپ، قارجى ەنگىزۋ، سونداي-اق ونى تياناقتاندىرىپ، اتقارۋ، تۇتاس ۋاقىتتا دەنەتاربيە ساياحاتىنىڭ جالپى كاسىپ سالاسىن جوسپارلاۋ-ساتۋ جانە اينالىمعا سالۋ، زەردەلى ساياحات تەكشەسىن قۇرىلىسى جانە تەحنيكالىق زەرتتەۋ-اشۋ جانە ناقتى قولدانۋ سياقتىلاردى بار كۇشپەن ىلگەرىلەتىپ، دەنەتاربيە ساياحاتى مازمۇنىن جوبالاۋ، دەنەتاربيە ساياحاتى عىلىم-تەحنيكالىق زەرتتەۋ-اشۋ، دەنەتاربيە ساياحاتى توعىسپالى اقپارات قۇرالدارىنىڭ مازمۇنىن جاساۋ جانە تاراتۋ، دەنەتاربيە ساياحاتى تاربيەسى جوباسى، دەنەتاربيە ساياحاتى جابدىقتارىن جاساۋ جانە ساتۋ سياقتى كاسىپ جۇيەسىن جۇزەگە اسىرادى.

  ”بۇل رەتكى كەلىسىمگە قول قويۋ ٴبىز ٴۇشىن ەرەكشە سەنىم ارتۋ بولماق، بۋىرشىن اۋداندىق حالىق ۇكىمەتىنىڭ بايلىق جانە ساياساتتىق قامتاماسىزداندىرۋىنا ساي، بەيجيڭ جيڭشۋي دەنەتاربيە مادەنيەتى كاسىبى شەكتى سەرىكتەستىگى دەنەتاربيە ساياحاتى بايلىعىن سايكەستىرىپ، بۋىرشىن اۋدانىنىڭ دەنەتاربيە ساياحاتىن زەرتتەپ اشۋىن جان-جاقتى قولداۋ كورسەتۋ، قۇرۋ، جاساۋ، اينالىمعا سالۋ ٴبىر تۇلعالانعان قىزمەت كورسەتۋىمەن قامداپ، بۋىرشىن اۋدانىندا بىرلەسىپ قارجى قوسۋ سەرىكتەستىگىن تىركەۋگە الدىرادى ٴارى بۋىرشىن دەنەتاربيە، ساياحات تاراۋلارىمەن بىرگە بۋىرشىن ساياحات كاسىبى مەن قاتىستى تياناقتانعان نىسانداردى بىرىكتىرىپ تيجارات جۇرگىزەدى. ەكى جاق ’ ٴبىر رەت جوبا جاساۋ، قادامعا ٴبولىپ اتقارۋ‘ پرينسيبى بويىنشا، ساياحات نىساندارىن زەرتتەۋ-اشۋ، ساياحاتتى زەردەلەستىرۋ قۇرىلىسى، دەربەس ٴبىلىم مەنشىك ۇقىعى IP ىن قۇرۋ، ساياحات نىساندارىن جوسپارلاۋ-ساتۋ جانە تيجارات ەتۋ ورتالىعى، ساياحات كاسىپ تىزبەگىن كەمەلدەندىرۋ سياقتى جالپىلىق سيپاتتى تۇلعالاردى قۇرادى“،-دەدى بەيجيڭ جيڭشۋي دەنەتاربيە مادەنيەتى كاسىبى شەكتى سەرىكتەستىگىنىڭ قۇرۋشىسى سۇن چاۋ.

  بۋىرشىن اۋداندىق حالىق ۇكىمەتى كوپ جاق سەلبەسۋ ارقىلى دەنەتاربيە ساياحاتى جانە قاتىستى كاسىپ نىساندارىن ورىندايتىن تۇتاس كاسىپ تىزبەگى بايلىق ارناسىن، تاماشا دەنەتاربيە ساياحاتى كاسىبى نىسانىن ءونىمدى قۇرىپ، كەمەلدى، زەردەلى دەنەتاربيە ساياحاتى كاسىبى جەلىدەگى الەۋمەتتىك بايلىق تەكشەسىن جانە اشىق تەحنيكالىق اشۋ تەكشەسىن قۇرىپ، بۋىرشىننىڭ كوزدەۋلى جەر ساياحات كاسىپ تىزبەگىنىڭ ساپالى بايلىعىمەن ىشكەرىلەي ۇشتاستىرىپ، تاڭداۋلى تەحنيكا مەن قوسىندى شوعىرلاندىرىپ، ساياحات كاسىبى نىساندارىن دامىتۋ قۇرىلىسىنىڭ نەگىزىن قالاۋدى كۇشەيتۋ ءۇشىن، بۋىرشىندا ىرگە تەپكەن دەنەتاربيە ساياحاتى عىلىم-تەحنيكا جاڭالىق اشۋ كاسىپورىندارىنا كومەكتەسىپ، دەنەتاربيە كاسىبىنىڭ بازارعا شىققان كاسىپورىندارىن قۇرادى.

  سونىمەن بىرگە، بۋىرشىن اۋداندىق حالىق ۇكىمەتى ەل ٴىشى-سىرتىنداعى تاڭداۋلى دەنەتاربيە ساياحاتى كاسىبى بايلىعىن، كوزدەۋلى جەر نىسانىن جوسپارلاۋ-ساتۋ، جاسامپازدىققا تولى دەنەتاربيە ساياحاتى نىسانى، كاسىپ كاپيتالى جانە فينانستىق ساۋداگەر شاقىرۋ سياقتىلاردى سايكەستىرىپ جانە ەنگىزىپ، ساياحات كاسىبىنىڭ تۇتاس قۇرىلىمىن رەتتەۋ مەن جاڭاشا ساياحات كاسىبى ٴتارتىبىنىڭ قالىپتاسۋىن ٴونىمدى جەبەپ، عىلىم-تەحنيكا جاسامپازدىعى ارقىلى ساياحات كاسىبىنىڭ دامۋى مەن سايكەستى قۇرىلعىلاردىڭ كەمەلدەنۋىن ىلگەرىلەتىپ، بۋىرشىن دەنەتاربيە ساياحاتىنىڭ كاسىپ كولەمى مەن باسەكەلىك قۋاتىن جاپپاي جوعارىلاتىپ، بۋىرشىن اۋدانىنىڭ ەكونوميكاسىنىڭ دامۋىنا دەم بەرەدى. زەردەلى ساياحات ۋنيۆەرسال تەكشەسى جانە دەنەتاربيە ساياحاتى جاڭالىق اشۋ كاسىبى شوعىرى نىسانى قۇرىلىسى ارقىلى جوعارى ساپالى جانە ساپالى بۋىرشىن دەنەتاربيە ساياحاتى كاسىبى مەن ساۋدا ورتاسىن بىرگە جاراتىپ، جەرگىلىكتى ساياحات كاسىبى شوعىرىنىڭ ٴارقايسى نىسان بولەكتەرىنىڭ سەلبەستىگىن تەرەڭدەتىپ، كاسىپ سالاسىنىڭ دارەجەسىن باياندى جوعارىلاتۋ جانە توعىستىرۋ نىساناسىن جۇزەگە اسىرادى. جارىس كاسىبى ەكونوميكاسىن دامىتىپ، دەنەتاربيە جارىستارىن وتكىزۋ ارقىلى ادامداردى ۇزدىكسىز باۋراپ، بۋىرشىن اۋدانىنىڭ دەنەتاربيە، مادەنيەت، ساياحات كاسىبى، وسىزامانعى قىزمەت وتەۋ كاسىبىنىڭ ورگانيكالى توعىسپالى دامۋىن جۇزەگە اسىرىپ، بۋىرشىن اۋدانىن بۇكىل ەلدىڭ دەنەتاربيە ىستەرىنىڭ توعىسپالى دامۋىنىڭ تۋى ەتەدى.

   

جاۋاپتى رەداكتور: بەردىقان مۇراتقان ۇلى