شينجياڭنىڭ پروكۋراتۋرا ورگاندارى كوپ ءتۇرلى شارا قولدانىپ، ازامات جاسىنا تولماعانداردى قورعاۋ تورىن بەرىك توقىدى

  انار بۇلت / شينجياڭ گازەتىنىڭ ءتىلشىسى ۋاڭ نا 1 - ايدىڭ 12 - كۇنى ۇرىمجىدەن حابارلايدى. ازامات جاسىنا تولماعاندارعا زيانكەستىك جاساۋ قىلمىستارىن قاتاڭ جازالاۋ، ازامات جاسىنا تولماعانداردىڭ قىلمىس ەستەلىگىن تەكسەرىپ سۇراستىرۋعا شەك قويۋ، كۇشتەپ مالىمەت بەرۋ جانە قىزمەتكە قابىلداۋعا بايلانىستى سۇراستىرۋ سىندى ”ەكى ءتۇرلى ءتۇزىمدى“ جولعا قويۋ... 1 - ايدىڭ 12 - كۇنى ءتىلشىنىڭ اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان ”4 ۇلكەن پروكۋراتۋرا فۋنكتسياسىن ءبىر تۇتاس جوسپارلاپ، ازامات جاسىنا تولماعانداردى جاپپاي، جان - جاقتى ءادىليالىق قورعاۋدى كۇشەيتۋ“ جونىندەگى اقپار جاريالاۋ ماجىلىسىنەن ۇعىسۋىنا قاراعاندا، سوڭعى جىلداردان بەرى رايونىمىزداعى پروكۋراتۋرا ورگاندارى ءبىر قىدىرۋ جارامدى شارالار ارقىلى ازامات جاسىنا تولماعانداردى قورعاۋ تورىن بەرىك توقىعان.

  اقپار جاريالاۋ ماجىلىسىندە اۆتونوميالى رايوندىق حالىق پروكۋراتۋراسى پروكۋراتۋرا كوميتەتىنىڭ ارناۋلى مىندەتتەگى مۇشەسى ۋاڭ چيۋلي مىنالاردى ءبىلدىردى: رايونىمىزداعى پروكۋراتۋرا ورگاندارى ازامات جاسىنا تولماعانداردىڭ زاڭدى ۇقىق - مۇددەسىنە سۇعاناقتىق جاساعان ءتۇرلى قىلمىستىق ىستەر قىلمىستارىنا استە راقىم ەتپەۋگە تاباندى بولىپ، قاتاڭ تۇردە دەرەۋ تۇتقىنداپ، تەز شاعىم بەرىپ، ازامات جاسىنا تولماعاندارعا زيانكەستىك جاساۋ قىلمىستارىن ايىپتاۋ تەبىنىن ارتتىرىپ، دەلو بولسا دا دەلو تۇرعىزىلماعان، قىلمىسى بولسا دا قۋزاستىرىلماعان جانە جازا بەلگىلەۋدە، شىنىندا، قاتەلىك بار دەلولاردى باتىل تۇزەتىپ، جازانىڭ قىلمىسىنا لايىق بولۋىنا شىنايى كەپىلدىك ەتتى.

  رايونىمىزداعى پروكۋراتۋرا ورگاندارى ازامات جاسىنا تولماعاندارعا زيانكەستىك جاساۋ قىلمىسىن زاڭ بويىنشا قاتاڭ جازالاۋمەن بىرگە، زيانكەستىككە ۇشىراعان ازامات جاسىنا تولماعانداردى قورعاۋعا، قۇتقارۋ - كومەك بەرۋگە باسا ءمان بەردى. قايتا - قايتا سۇراستىرۋدان وڭاي تۋىلاتىن ”2 - رەتكى زاقىمداۋ“ ماسەلەسىنە مەڭزەس، بۇكىل رايونداعى پروكۋراتۋرا ورگاندارىنىڭ دالەل - ىسپات الۋ، پسيحيكالىق جەتەكتەۋ، دەنساۋلىق تەكسەرۋ سياقتى فۋنكتسيالارى ءبىر تۇلعالاندىرىلعان ”ءبىر بەكەتتىك“ دەلو ءبىتىرۋ رايونىنان 68ىن قۇردى. 2020 - جىلدان بەرى ازامات جاسىنا تولماعان زياندالۋشىلاردان 220داي ادامدى قۇتقارىپ، ولارعا كومەك بەردى، قۇتقارۋ، ولارعا كومەك بەرۋ سوماسى 3 ميلليون 800 مىڭ يۋانعا تايادى، ءسويتىپ، ازامات جاسىنا تولماعان زياندالۋشىلارعا جانە ولاردىڭ وتباسىنداعىلارعا ءادىليانىڭ مەيىرىن سەزىندىردى. مۇنان سىرت، رايونىمىزداعى پروكۋراتۋرا ورگاندارى ”تاربيەلەۋ، اسەرلەندىرۋ، قۇتقارۋ“ باعىتىن جانە ”تاربيەلەۋدى نەگىز، جازالاۋدى قوسىمشا ەتۋ پرينسيبىن“ بەلسەنە دايەكتىلەندىرىپ، قوسىمشا شارتپەن ايىپتاماۋ، قوعامدىق تەكسەرۋ جۇرگىزۋ، ۇيلەسىمدى ەرەسەك ادامدى باسى - قاسىنا جىبەرۋ سياقتى ەرەكشە تارتىپتەردى قاتاڭ تياناقتاندىردى ءارى قوعام حاۋىپسىزدىگى ورگاندارىمەن، سوت مەكەمەلەرىمەن ازامات جاسىنا تولماعانداردىڭ قىلمىس ەستەلىگىن پەشەتتەپ ساقتاۋ قىزمەت مەحانيزمىن ورناتىپ، پەشەتتەپ ساقتاۋ ءادىسىن اناعۇرلىم ارناعا ءتۇسىرىپ جانە ەگجەي - تەگجەيلىلەندىرىپ، ازامات جاسىنا تولماعانداردىڭ قىلمىس ەستەلىگىن سۇراستىرۋعا شەك قويۋ ارقىلى قىلمىسقا شاتىلعان ازامات جاسىنا تولماعانداردىڭ ءساتتى وقۋعا تۇسۋىنە، جۇمىستانۋىنا شىنايى كەپىلدىك ەتتى.

  كاسىپ قولايلىلىعىنان پايدالانىپ ازامات جاسىنا تولماعانداردى جىنىستىق جاقتان زيانداپ زاڭعا قايشىلىق جاساپ قىلمىس وتكىزۋىنەن ءونىمدى ساقتانۋ ءۇشىن، رايونىمىزداعى پروكۋراتۋرا ورگاندارى كۇشتەپ مالىمەت بەرۋ جانە قىزمەتكە قابىلداۋعا بايلانىستى سۇراستىرۋ سىندى 2 ءتۇرلى ءتۇزىمدى ورناتتى ءارى اتقاردى، سونىمەن بىرگە ازامات جاسىنا تولماعاندار تىعىز ارالاساتىن كاسىپتەر مەن سالالارداعى اكىمشىلىك باسقارۋ ماسەلەلەرىنە قاراتا پروكۋرورلىق ۇسىنىس بەرىپ، تيجارات سيپاتتى توراپحانا، كوڭىل اشۋ ورنى جانە قوناق ءۇي قاتارلىلارعا ازامات جاسىنا تولماعانداردى زاڭعا قايشى قابىلداۋ، سۇراستىرۋ، مالىمدەۋ بورىشىن وتەمەۋ سياقتى ماسەلەلەر جونىندە پروكۋرورلىق ۇسىنىس جاساپ جانە شىعارىپ، ازامات جاسىنا تولماعاندارعا زيانكەستىك جاساۋ قىلمىستىق دەلولارى وڭاي تۋىلاتىن، كوپ تۋىلاتىن كاسىپتەر مەن سالالاردى باسقارۋدى كۇشەيتۋگە قۋزادى.

  ۋاڭ چيۋلي مىنالاردى ءبىلدىردى: بۇدان بىلايعى قىزمەت بارىسىندا رايونىمىزداعى پروكۋراتۋرا ورگاندارى قاتىستى تاراۋلاردىڭ قولداۋى مەن كومەگىندە، ازامات جاسىنا تولماعانداردىڭ قىلمىس وتكىزگەندەرىن، قاتەلەسكەندەرىن تاربيەلەپ - قۇتقارۋدىڭ اناعۇرلىم پارمەندى بولۋىن جۇزەگە اسىرىپ، ازامات جاسىنا تولماعاندارعا قاراتىلعان پروكۋراتۋرا ىستەرىن ءبىر تۇتاس شوعىرلى ءبىر جاقتى ەتۋدى ىلگەرىلەتۋ رەفورماسىن اناعۇرلىم تەرەڭدەتىپ، ازامات جاسىنا تولماعانداردى قورعاۋدى جەبەۋدىڭ قوعامدىق باسقارۋ ونىمدىلىگىن اناعۇرلىم كورنەكتىلەندىرىپ، ازامات جاسىنا تولماعانداردى زاڭمەن باسقارۋ ۇگىت تاربيەسىن اناعۇرلىم تەرەڭدەتىپ، ازامات جاسىنا تولماعانداردىڭ اقاۋسىز ەسەيىپ - ەرجەتۋىنە اناعۇرلىم پارمەندى ءادىليالىق قورعاۋ ازىرلەيدى.

جاۋاپتى رەداكتور: بەردىقان مۇراتقان ۇلى