ايماعىمىزدا ماي بوياۋلى سۋرەت تۋىندىلارى كورمەسى اشىلدى

  ءوز ءتىلشىمىز دۇڭ شىجۇي حابارلايدى. 1-ايدىڭ 11-كۇنى تۇستەن بۇرىن، التاي ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسى، شينجياڭ كوركەمونەر شۋەيۋانىنىڭ اسەمونەر شۋەيۋانى، ايماقتىق پارتكومعا توتە قاراستى ورگاندار قىزمەت كوميتەتى بىرلەسىپ ۇيىمداستىرعان، ايماقتىق مادەنيەت سارايى (اسەمونەر سارايى) ۇستىنە العان التاي ايماقتىق 7- كەزەكتى ”جەر ءجانناتى — قاناس، قارلى مەكەن — التاي“ اتتى ماي بوياۋلى سۋرەت تۋىندىلارى كورمەسى قارلى مەكەن تەاترحاناسىندا وتكىزىلدى.بۇل رەتكى كورمەگە قويىلعان تۋىندىلار ”ءبىزدىڭ جۇڭگو ارمانىمىز — مادەنيەتتى سان مىڭداعان وتباسىنا جەتكىزۋدى“ نەگىزگى تاقىرىپ ەتىپ، التاي ايماعىنىڭ جاراتىلىستىق كورىنىسىن تولىق ايگىلەپ، التاي ايماعىنىڭ ”تۇنىق سۋ، جاسىل تاۋ — باعالى بايلىق، قار-مۇزدىڭ ءوزى اسىل قازىنا“ ۇعىمىن دايەكتى تياناقتاندىرعان زور تابىسىن بەينەلەدى. بۇل التاي ايماعىنىڭ اسەمونەر، فوتو سۋرەت ىستەرىنىڭ گۇلدەنىپ-كوركەيۋىنىڭ، قارىشتاپ دامۋىنىڭ جاندى بەينەسى، سونداي- اق مادەنيەت-كوركەمونەر سالاسىنداعى دارىندىلاردىڭ توپ-توبىمەن جارىققا شىعۋىنىڭ، ءوسىپ-وركەندەۋىنىڭ ناقتى بەينەسى.

  ” كورمەگە قويىلعان تۋىندىلار ادامعا شىنايى سەزىمدى، ۋاقىتتىڭ ءىزىن سەزىندىرىپ، تەرەڭ اسەر قالدىرادى ەكەن“،-دەدى التاي قالاسىنىڭ تۇرعىنى لەي شيۋليڭ.ۇعىسۋعا قاراعاندا، ”شينجياڭدى مادەنيەتپەن نارلەندىرۋ“ ينجەنەرياسىن بار كۇشپەن اتقارىپ، التاي ايماعىنداعى ءار ۇلت بۇقاراسىنىڭ ءوندىرىس-تۇرمىستا قول جەتكىزگەن شۇعىلالى تابىستارىن، سونداي-اق التايدىڭ وزگەشە جاراتىلىستىق كورىنىسى، ۇلتتىق سالت-ساناسى، ەكولوگيالىق وركەنيەتى سىندى مىڭ شاقىرىمدىق ساياحات كاريدورىن ايگىلەۋ ءۇشىن، 2021-جىلى 8-ايدا شينجياڭ كوركەمونەر شۋەيۋانىنىڭ اسەمونەر شۋەيۋانى التاي ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسىمەن بىرلەسىپ، 10 كۇندىك ”100 جىلدىق پارتيا تاريحىن جاقسى ۇيرەنىپ، اتا مەكەندەگى جاڭا وزگەرىستەردى جىرلاۋ“ اتتى اسەمونەر تۋىندىلارىن جاراتۋ كۋرسىن اشىپ، 300 دەن استام تۋىندى جاراتقان، ساتىلار بويىنشا سارالاۋ ارقىلى 100 تاڭداۋلى تۋىندى كورمەگە قويىلدى.

  ”ءبىز ءتۇرلى ادەبيەت-كوركەمونەر جاسامپازدىعى قيمىلدارى ارقىلى ۇلى وتاندى جىرلاپ، ۇلتتىق رۋحتى ساۋلەلەندىرىپ جانە جەتىلدىرىپ، كۇش-قۋاتتى ونان ارى ۇيىستىرىپ، ومىرشەڭدىك كۇشتى تاسقىنداتىپ، ايماقتىڭ اسەمونەر، فوتو سۋرەت ىستەرىنىڭ گۇلدەنۋى مەن دامۋىن جەبەۋدى ءۇمىت ەتەمىز. سونىمەن بىرگە، ءبىز بۇكىل ايماقتاعى قالىڭ ادەبيەت-كوركەمونەر قىزمەتكەرلەرىنىڭ نەگىزگى ساتىعا، بۇقارانىڭ جانىنا، اتىز باسىنا، ۇلى تابيعاتقا بارىپ، اناعۇرلىم كوپ، اناعۇرلىم ۇزدىك ادەبيەت-كوركەمونەر تۋىندىلارىن جاراتىپ، ءار ۇلت بۇقاراسىنىڭ رۋحاني مادەنيەت تۇرمىسىن بايىتۋىن جانە جانداندىرۋىن دارىپتەيمىز“،-دەدى ايماقتىق مادەنيەت-دەنە تاربيە، راديو-تەلەۆيزيا جانە ساياحات مەكەمەسىنىڭ ورىنباسار باستىعى ۋاڭ شينحۇي.

جاۋاپتى رەداكتور: بەردىقان مۇراتقان ۇلى