ايماعىمىز”110“ ۇگىت كۇنى ۇگىت قيمىلىن ورىستەتتى

  ءوز ءتىلشىمىز قۇرمانگۇل جەڭىسبەك قىزى حابارلايدى. 2-رەتكى”جۇڭگو حالىق ساقشىلارى مەرەكەسى“ جانە 36 ـ رەتكى”110 ۇگىت كۇنى“ كەلۋ قارساڭىندا، 1-ايدىڭ 10-كۇنى ايماق، قالا دارەجەلى قوعام حاۋىپسىزدىگى ورگانى، ايماقتىق ءورت ءسوندىرۋ، ورتتەن ساقتانۋ، قۇتقارۋ-كومەك بەرۋ بولىمشە اترەتى، 120 قولباسشىلىق ورتالىعى سياقتى تاراۋلار بىرلەسىپ، ”حالىقتى بارىنەن جوعارى قوياتىن 110 بولۋعا كۇش سالىپ، قايىسپاس قايسارلىقپەن جاڭا جورىققا جول اشايىق“ دەگەندى نەگىزگى تاقىرىپ ەتكەن شوعىرلى ۇگىت قيمىلىن ورىستەتتى.

  قيمىلدا، ناق مايداندا اقىل-كەڭەس الۋ، كورمە تاقتالارىن قويۋ، ۇگىت ماتەريالىن تاراتۋ سياقتى فورمالارمەن قالىڭ حالىق بۇقاراسىنا تەلەگراف الدامشىلىعىنان ساقتانۋ، ورتتەن، ۇرىدان ساقتانۋ، قاتىناس حاۋىپسىزدىگى، ەسىرتكىگە تيىم سالۋ سياقتى زاڭ-ەرەجەلەردى ۇگىتتەدى. سونىمەن بىرگە، حالىق ساقشىلارى بۇقاراعا ساقشىعا مالىمدەۋدىڭ دۇرىس جولى، ساقشىلارمەن سايكەسىپ، ازاماتتىق بورىشىن وتەۋ، كۇندەلىكتى جانە حاۋىپتى جاعدايدا ءوزىن-ءوزى قالاي قورعاۋ سياقتى ساۋاتتاردى ءتۇسىندىردى.

  ” بۇرىن بىرەر ىسكە تاپ بولعاندا، تەك 110 ساقشىعا مالىمدەۋ تەلەفونىنا حابارلاسىپ كومەك سۇرايتىنبىز، بۇگىن حالىق ساقشىلارىنىڭ تۇسىندىرمەسىن تىڭداعاننان كەيىن، قانداي جاعدايلاردا قوعامدىق الەۋمەتتىك بايلىقتى يەلەۋگە جاتادى، تەلەگراف الدامشىلىعىنان قالاي ساقتانۋعا بولادى، بۇدان كەيىن بىرەر ىسكە جولىققاندا قالاي ءبىر جاقتى ەتۋ كەرەكتىگىن ءبىلىپ، حاۋىپسىزدىك تانىمىمىزبەن ءوزىمىزدى قورعاۋ تانىمىمىزدى ونان ارى جوعارىلاتىپ، زاڭدى جالپىلاستىرۋ جونىندەگى تاماشا ۇگىت-تاربيەگە يە بولدىق. بۇدان كەيىنگى قىزمەت پەن تۇرمىستا، ءوزىمدى جانە ماڭايىمداعى تۋىس-تۋعان، دوس-جاراندارىمىزدى”110“ دى دۇرىس پايدالانۋعا، ”110“ دى ۇگىتتەۋگە، تارتىپكە، زاڭعا بويسۇناتىن جاڭا داۋىردەگى جاقسى ازامات بولۋعا جەتەلەيمىن“،- دەدى التاي قالاسىنىڭ تۇرعىنى لي گۇيلان.

  قوعام حاۋىپسىزدىگى ورگاندارى قالىڭ قالا تۇرعىندارىنا مىنانى ەسكەرتەدى: 110 ساقشىعا مالىمدەۋ تەكشەسىنىڭ قالىپتى جاعدايدا قابىلداۋ كولەمى قىلمىستىق ىستەر دەلوسى، اماندىق دەلوسى، باس اماندىعىنا حاۋىپ توندىرەتىن، مال-مۇلىك اماندىعىنا حاۋىپ توندىرەتىن توپتىق وقيعا، جاراتىلىستىق اپات، قوعام حاۋىپسىزدىگى ورگاندارىنىڭ ءبىرجاقتىلى ەتۋىن قاجەت ەتەتىن باسقا دا زاڭعا قايشى قىلمىستار مەن قاتىستى احۋالدار، سونداي-اق الەۋمەتتىك اماندىققا نەمەسە بۇقارانىڭ اماندىعىنا حاۋىپ توندىرەتىن، شۇعىل ءبىرجايلى ەتۋدى قاجەت ەتەتىن شۇعىل كومەك سۇراۋ قاتارلىلار. ”110“ بايلىعىن قاستەرلەپ، ”110“عا دۇرىس حابارلاسۋدى ۇيرەنىپ، شەكتى ساقشى بايلىعىن كومەكتى وتە قاجەت ەتەتىن ادامدارعا قالدىرۋ كەرەك.

  ”وسى رەتكى قيمىلدى ورىستەتۋ ارقىلى”110“ نىڭ قىلمىسقا سوققى بەرۋ، قوعام اماندىعىن قورعاۋ، بۇقاراعا قىزمەت وتەۋ سياقتى جاقتارداعى ماڭىزدى رولىن تولىق ساۋلەلەندىرىپ، قالىڭ حالىق بۇقاراسىنىڭ قوعام حاۋىپسىزدىگى قىزمەتى جونىندەگى تۇسىنىگى مەن قولداۋىن كۇشەيتىپ، جاراسىمدى قوعامدىق ورتا قالىپتاستىردى“،- دەدى التاي قالالىق قوعام حاۋىپسىزدىگى مەكەمەسى ”110“ ساقشىعا مالىمدەۋ تەلەفونىن قابىلداۋ ورتالىعىنىڭ مەڭگەرۋشىسى ليڭ يان.

جاۋاپتى رەداكتور: بەردىقان مۇراتقان ۇلى