قارلى مەكەن جارمەنكەسىنىڭ “مەرەكەلىك بۇيىمدارمەرەكەسى باستالدى

  ءوز ءتىلشىمىز دۇڭ شىجۇي حابارلايدى. ” 1-ايدىڭ 10-كۇنى، التاي قالاسىنداعى تۇڭعىش كەزەكتى ”قارلى مەكەن جارمەنكەسىنىڭ“ مەرەكەلىك بۇيىمدار مەرەكە مايدانى قالا تۇرعىندارى مەن ساياحاتشىلارعا لىق تولىپ، مەرەكەلىك تۇسكە بولەندى.

  ”بۇل جەردە كوپتەگەن جەرگىلىكتى ەرەكشە ونىمدەر بار ەكەن، ٴبىز مەرەكەلىك بۇيىمداردى ساتىپ الۋمەن بىرگە، جەرگىلىكتى ورىننىڭ قار-مۇز ساياحاتىن دا باستان كەشىردىك، راسىندا، ءبىر تاماشا ساياحات كەشىرمەسى بولدى“،-دەدى شاندۇڭدىق ساياحاتشى جاڭ جيڭ.

  ”قارلى مەكەن جارمەنكەسىنىڭ“ مەرەكەلىك بۇيىمدارى مەرەكەنىڭ دۋمانىن اسىردى! الارماندارعا تاڭبالى كولىنىڭ سۋىق سۋ بالىعىن تاڭداپ بەرىپ جاتقان ساۋداگەر جاڭ شينيان بىلاي دەدى: ”بۇگىن تاڭەرتەڭنەن باستاپ دايىندالدىم، بۇلاردىڭ بارلىعى التايدىڭ جەرگىلىكتى ەرەكشە اۋىل شارۋاشىلىق قوسىمشا ونىمدەرى“. مەرەكەلىك بۇيىمدار مەرەكەسىنىڭ باستالعانىن ەستىگەن قالا تۇرعىنى لي ميڭفاڭ بىلاي دەدى: ”بۇل ارادا مەرەكەلىك بۇيىم مول ەكەن، ٴبىر جولدا كوپ نارسەمدى تولىقتاپ الدىم“.

  ءتىلشىنىڭ ۇعىسۋىنشا، ”قارلى مەكەن جارمەنكەسىنىڭ“ مەرەكەلىك بۇيىمدار مەرەكەسى 1-ايدىڭ 10-كۇنىنەن باستالىپ، 1-ايدىڭ 25-كۇنى اياقتايدى، جالپى 15 كۇن اشىلىپ، ناق مايدانداعى 36 كورمە ورنىندا 100 تۇردەن استام ٴونىم ساتىلادى ەكەن. وسى مەرەكەلىك بۇيىمدار مەرەكەسى التايدىڭ جەرگىلىكتى ەرەكشەلىككە يە ٴداستۇرلى مادەنيەتى مەن جەرگىلىكتى ەرەكشە ونىمدەرىن كورنەكتىلەندىرىپ، ەرەكشە ازىق-تۇلىك، جاسىل اۋىل شارۋاشىلىق ونىمدەرى، ۇلتتىق سالت-سانا مادەنيەت ونىمدەرى، قولونەر بۇيىمدارى، قوسىمشا ازىق-تۇلىك ونىمدەرى رايونى، سونداي-اق تەڭىز ونىمدەرى، توڭازىتىلعان ەت تاعامدارى سىندى 5 ۇلكەن جارمەنكە رايونىن قۇردى.” مەرەكەلىك بۇيىمدار مەرەكەسى قالا تۇرعىندارىنا مەرەكەلىك بۇيىمداردى ساتىپ الۋدىڭ ٴبىر بەكەتتىك تۇعىرىن ازىرلەۋدەن سىرت، ٴتىپتى دە كوپ ادامنىڭ التايدىڭ قار-مۇز ساياحاتى مەن كەشكى ەكونوميكاسىنىڭ قارىشتاپ دامۋىن تۇسىنۋىنە مۇمكىندىك جاسادى“،-دەدى شينجياڭ ميڭرۇي ساۋدا باسقارۋ شەكتى سەرىكتەستىگىنىڭ باس مەڭگەرۋشىسى ليڭ يۇيفي.

  ۇعىسۋعا قاراعاندا، قالا تۇرعىندارىنىڭ، ساياحاتشىلاردىڭ مەرەكەلىك بۇيىمدار مەرەكەسىنەن حاۋىپسىز، الاڭسىز تاۋار ساتىپ الۋىنا كەپىلدىك ەتۋ ٴۇشىن، ساۋداگەرلەر مەرەكەلىك بۇيىمدار مەرەكەسىندە ٴورت ٴسوندىرۋ، ورتتەن ساقتانۋ حاۋىپسىزدىگى جانە ازىق-تۇلىك حاۋىپسىزدىگى جاۋاپكەرلىك حاتىنا قول قويعان. بۇدان سىرت مەرەكەلىك بۇيىمدار مەرەكەسى الاڭىندا ۇلتتىق سالت-سانا ٴان ـ ٴبي ويىندارى سياقتى قيمىلدار وتكىزىلىپ، ٴبىر جاعىنان ساياحاتتاپ، ەندى ٴبىر جاعىنان زات ساتىپ الۋ فورماسىمەن قالا تۇرعىندارىنىڭ، ساياحاتشىلاردىڭ زات ساتىپ الۋ اسەرىن كۇشەيتتى.

جاۋاپتى رەداكتور: بەردىقان مۇراتقان ۇلى