جاۋاپكەرلىكتى ادالدىقپەن ارقالاپ، ساقشى بەلگىسىن جارقىراتتى

  التاي گازەتىنىڭ جالپىلىق اقپارات قۇرالدارى ءتىلشىسى گۇلناز حابارلايدى.

      1-ايدىڭ 10-كۇنى، 2-رەتكى جۇڭگو حالىق ساقشىلارى مەرەكەسى. كۇرەس جىگەرىنە ونان ارى دەم بەرىپ، جاۋىنگەرلىك جىگەردى تاسقىنداتىپ، بارلىق ساقشىنى پارتيا مەن حالىق جۇكتەگەن جاڭا داۋىردەگى بورىش پەن مىندەتتى شىن مانىندە ويداعىداي اتقارۋعا شابىتتاندىرۋ ءۇشىن، بىرنەشە كۇننەن بەرى، ايماقتاعى ءار دارەجەلى قوعام حاۋىپسىزدىگى ورگانى فورماسى الۋان ءتۇرلى، مازمۇنى باي قۇتتىقتاۋ قيمىلدارىن ۇيىمداستىرىپ، حالىق ساقشىلارى مەن كومەكشى ساقشىلاردىڭ اۋەلگى ماقساتتى، بورىشتى ەستە بەرىك ساقتاپ، باتىلدىقپەن جاۋاپكەرلىك ارقالاپ، ىسكەرلىك كورسەتەتىن تاماشا وبرازىن ايگىلەدى.

ايماقتىق قوعام حاۋىپسىزدىگى مەكەمەسى ساقشى تۋىن شىعارۋ سالتىن وتكىزدى. (سۋرەتتى ايماقتىق قوعام حاۋىپسىزدىگى مەكەمەسى قامداعان)

  1- ايدىڭ 5- كۇنى ايماقتىق قوعام حاۋىپسىزدىگى مەكەمەسىنىڭ قىلمىستىق ىستەردى بارلاۋ تارماق اترەتىنىڭ حالىق ساقشىلارى ۋاكىلىنەن ۇيىمداسقان ۇگىت-لەكسيا جاساۋ اترەتى ايماقتىق تەلەۆيزيا ستانسياسىنا بارىپ «مەن حالىققا مالىمەت بەرەمىن» اتىنداعى ارناۋلى باعدارلاما ارقىلى ءار ۇلت كادرلارى مەن بۇقاراسىنا 2021-جىلدان بەرگى ايماقتىق قوعام حاۋىپسىزدىگى سالاسىنىڭ قول جەتكىزگەن تابىستارىن مالىمدەدى ءارى تيپتىك مىسالدار ارقىلى تەلەگراف الدامكوستىگىنەن ساقتانۋ قاتارلى ءتۇرلى حاۋىپسىزدىك ساقتىق بىلىمدەرىنە تالداۋ جاساپ ءتۇسىندىردى. سول كۇنى ايماقتىق قوعام حاۋىپسىزدىگى مەكەمەسىنىڭ قىلمىستىق ىستەردى بارلاۋ تارماق اترەتىندەگى، قاتىناس ساقشى تارماق اترەتىندەگى، ەسىرتكىگە تيىم سالۋ تارماق اترەتىندەگى حالىق ساقشىلارى التاي قالالىق تاجىريبە باستاۋىش مەكتەبىنە بارىپ زاڭ-ءتۇزىم ۇگىتى تاربيەسىن جۇرگىزىپ، وقىتۋشى-وقۋشىلاردىڭ القاۋىنا بولەندى.1-ايدىڭ 6-كۇنى ايماقتىق قوعام حاۋىپسىزدىگى سالاسى ”جۇرەگىم پارتيا دەپ سوعادى“ اتىنداعى لەكسيا جارىسىن وتكىزدى. ايماقتىق قوعام حاۋىپسىزدىگى سالاسىنداعى اۋدان، قالا، تاراۋلاردان كەلگەن 30 نەشە حالىق ساقشىسى جارىسقا قاتىناستى.1-ايدىڭ 7-كۇنى ايماقتىق قوعام حاۋىپسىزدىگى سالاسىنىڭ ”جاڭا داۋىردە ەڭبەك ءسىڭىرىپ، شارۋاشىلىق قۇرىپ، پارتيانىڭ 20-قۇرىلتايىن قۋانىشپەن قارسى الايىق“ اتىنداعى پارتيالىلىق تاربيەسى ارناۋلى كۋرسى تابىسپەن اياقتادى. كۋرسانتتار بىلاي دەدى: مامانداردىڭ ساباعىن تىڭداپ، پارتيالىلىق جاقتان سىننان ءوتىپ، جىگەرىمىز تاسقىنداي ءتۇستى.

  كوكتوعاي اۋداندىق قوعام حاۋىپسىزدىگى مەكەمەسى ”قىزىل ىزدەردى ىزدەپ، قىزىل رۋحقا مۇراگەرلىك ەتەيىك“ تاقىرىپتىق قيمىلىن ورىستەتتى. (ەرىكتى ءتىلشى لۋ جۇنۋي فوتوسى)

  1- ايدىڭ 5-كۇنى بۋىرشىن اۋداندىق قوعام حاۋىپسىزدىگى مەكەمەسى ”جۇرەگىم پارتيا دەپ سوعادى“ اتىنداعى 2-رەتكى جۇڭگو حالىق ساقشىلارى مەرەكەسى جەلىلەس قيمىلىن ۇيىمداستىرىپ، ساقشى لاگەرى مادەنيەتىن جانداندىرىپ، مەرەكە رايىن قويۋلاتتى. 1-ايدىڭ 6-كۇنى جەمەنەي اۋداندىق قوعام حاۋىپسىزدىگى مەكەمەسى حاتكەرلىك، فوتو سۋرەت تۋىندىلارى كورمەسىن اشىپ، مادەنيەت ارقىلى ساقشى تاربيەلەۋدىڭ بەلسەندى رولىن ساۋلەلەندىرىپ، حالىق ساقشىلارى مەن كومەكشى ساقشىلاردىڭ قوعام حاۋىپسىزدىگى مادەنيەت دەڭگەيىن ءونىمدى جوعارىلاتىپ، قوعام حاۋىپسىزدىگى مادەنيەتىنىڭ نەگىزىن ايگىلەدى. 1-ايدىڭ 7-كۇنى كوكتوعاي اۋداندىق قوعام حاۋىپسىزدىگى مەكەمەسى ”قىزىل ىزدەردى ىزدەپ، قىزىل رۋحقا مۇراگەرلىك ەتەيىك“ اتىنداعى 2-رەتكى حالىق ساقشىلارى مەرەكەسىن قارسى الۋ ەرەكشە تاقىرىپتىق قيمىلىن ورىستەتتى. 1-ايدىڭ 8-كۇنى قار ويما، مۇز ويما تۋىندىلارى شىڭگىل اۋدانىنىڭ كوشەلەرىندە بوي كورسەتتى. شىڭگىل اۋداندىق قوعام حاۋىپسىزدىگى مەكەمەسى قاراستى رايونداعى قار-مۇز بايلىعىمەن ۇشتاستىرىپ، حالىق ساقشىلارى مەن كومەكشى ساقشىلاردى قار ويما جاسامپازدىق قيمىلىن قانات جايدىرۋعا ۇيىمداستىردى.

  1- ايدىڭ 9 - كۇنى التاي قالالىق قوعام حاۋىپسىزدىگى مەكەمەسىندەگى حالىق ساقشىلارى زاڭ جالپىلاستىرۋ ۇگىتى قيمىلىن ورىستەتتى. (التاي گازەتىنىڭ جالپىلىق اقپارات قۇرالدارى ءتىلشىسى ارداقتىڭ فوتوسى)

  ايماقتىق قوعام حاۋىپسىزدىگى مەكەمەسى ساياسي ءبولىمى تاربيەلەۋ بازاسىنىڭ مەڭگەرۋشىسى كاڭ سۋتاۋ تىلشىگە بىلاي دەدى: 2-رەتكى جۇڭگو حالىق ساقشىلارى مەرەكەسىن قۇتتىقتاۋ ءۇشىن، ايماقتىق قوعام حاۋىپسىزدىگى مەكەمەسى 12 ءتۇرلى جەلىلەس قۇتتىقتاۋ قيمىلىن ۇيىمداستىرىپ، 2021-جىلى 12-ايدىڭ 28-كۇنىنەن 1-ايدىڭ 10-كۇنىنە دەيىن ساقشىلار مەرەكەسى كۇنى سالتاناتتى ساقشى تۋىن شىعارۋ سالتىن وتكىزدى ءارى سول كۇنى مەملەكەتتىك تاڭداۋلى قوعام حاۋىپسىزدىگى مەكەمەسى ــ كوكتوعاي اۋداندىق قوعام حاۋىپسىزدىگى مەكەمەسىن، مەملەكەتتىك 2-دارەجەلى قاھارمان ۇلگى لي جيڭدى جانە بۇكىل شينجياڭداعى تاڭداۋلى حالىق ساقشىسى اتاعىنا يە بولعان 6 وزات ۋاكىلدى ۇگىت-لەكسيا جاساۋعا ۇيىمداستىردى.

  قابا اۋدانى سارتام شەكارا ساقشى بولىمشەسى ”1.10“ زاڭمەن جونگە سالۋ ۇگىتىن قاراستى رايونعا جەتكىزۋ قيمىلىن ورىستەتتى. (ەرىكتى ءتىلشى جاڭ چۋانيۋە فوتوسى)

جاۋاپتى رەداكتور: بەردىقان مۇراتقان ۇلى