قىزمەت وتەۋ لەنياسىنىڭ زەردەلى قايتالاي ۇعىسۋجۇيەسى ىسكە قوسىلدى

  ءوزء تىلشىمىز قۇرمانگۇل جەڭىسبەك قىزى حابارلايدى. ”سالەمەتسىز بە، بۇل التاي ’ 12345 ‘ اكىمشىلىك قىزمەت وتەۋ ىستىق لەنياسى، ءبىزدىڭ قىزمەت وتەۋىمىزگە رازى بولعان-بولماعاندىعىڭىز جايلى باعا بەرسەڭىز... “. جاڭا جىل باستالىسىمەن، التاي ايماعىنىڭ ”12345“ اكىمشىلىك قىزمەت وتەۋ ىستىق لەنياسى (تومەندە قىسقارتىلىپ ”12345“ ىستىق لەنياسى دەلىنەدى) زەردەلى دىبىستى قايتالاي ۇعىسۋ يقۋاتى رەسمي ىسكە قوسىلدى. بۇدان بىلاي تۇرعىندار ”12345“ ىستىق لەنيادا اڭىس ەتىلگەن اقىل-كەڭەس سۇراۋ، ۇسىنىس تۇرىندەگى تالاپ-تىلەكتەر ءبىر جاقتى ەتىلگەننەن كەيىن، ”12345“ ىستىق لەنياسىنىڭ قايتالاي ۇعىسۋ تەلەفونىن قابىلداپ، دىبىستىق ەسكەرتپە بويىنشا ءبىر جاقتى ەتۋ ناتيجەسى مەن ستيل قۇرىلىسىنا ريزا بولعان-بولماعانى جايلى باعا بەرە الادى.

  ۇعىسۋعا قاراعاندا، التاي ايماعىنىڭ”12345“ ىستىق لەنيالى ورتالىعىندا قازىر 8 ادام قىزمەت ىستەپ، تەلەفون قابىلداۋ جانە قايتالاي ۇعىسۋ تەلەفون سوعۋ سياقتى كوپ ٴتۇرلى مىندەتتى ارقالاپ، بۇقارانىڭ ٴتۇرلى ارىز-ارماندارىن %100 قايتالاي ۇعىسۋ مەحانيزمىن تياناقتاندىرىپ، كەڭەس بەرۋ، ۇسىنىس بەرۋ تۇرىندەگى ارىز-ارمانداردى كەلتە حات ارقىلى قايتالاي ۇعىسىپ، اشكەرەلەۋ تۇرىندەگى ارىز-ارمانداردى قىزمەتكەرلەر تەلەفون سوعۋ ارقىلى قايتالاي ۇعىسادى. ”12345“ ىستىق لەنيا ورتالىعى ىسكە قوسىلۋدان بۇرىن، تەلەفوندا قىزمەت وتەۋدە ادام كۇشى جۇمسالىمى زور، قىزمەت ونىمدىلىگى تومەن، تەلەفون جەلىسىنىڭ بوساماۋ مولشەرى جوعارى بولۋ سىندى ماسەلەلەر ساقتالعان، قازىر زەردەلى قايتالاي ۇعىسۋ ارقىلى كوپ رەت قايتارما تەلەفون سوعىپ، ارىز-ارماننىڭ ءبىر جايلى بولۋ ناتيجەسىن وزدىگىنەن قالىپتاستىرىپ، ارىز-ارمان قىزمەتىنىڭ ادام كۇشى مەن زاتتىق كۇشىنىڭ وزىندىك قۇنىن ٴونىمدى تومەندەتتى. تەلەفون جەلىسىنىڭ بوساماۋ مولشەرىن ازايتىپ، دىبىستى، زەردەلى، ولشەمدى جاۋاپ قايتارۋ ارقىلى قايتالاي ۇعىسۋ قىزمەتىنىڭ اتقارىلۋ ساپاسىن، قىزمەت ونىمدىلىگىن بارىنشا جوعارىلاتتى.

  ايماقتىق اكىمشىلىك قىزمەت وتەۋ ورتالىعى پارتگرۋپپاسىنىڭ مۇشەسى، ورىنباسار مەڭگەرۋشى لي حۋانىڭ تانىستىرۋىنا قاراعاندا، التاي ايماعى بۇكىل شينجياڭدا ”12345“ ىستىق لەنياسى زەردەلى قايتالاي ۇعىسۋ جۇيەسىن الدىمەن ىسكە قوسقان، قازىر زەردەلى قايتالاي ۇعىسۋ العاشقى مەزگىلدە تۇر، تەحنيكالىق دەڭگەيى ٴالى دە كەمەلدەنەتىن بولادى. ”بۇدان بىلاي ٴبىز ٴىس جۇزىندىك قاجەتكە ساي، زەردەلى كۇتىپ الۋ، دىبىستى كوشىرىپ جازۋ، زەردەلى ساپانى باقىلاۋ-تەكسەرۋ سياقتى باسقا دا كاسىپتەردى ىركەس-تىركەس جولعا قويىپ، قىزمەت وتەۋ ونىمدىلىگى مەن قىزمەت وتەۋ ساپاسىن اناعۇرلىم جوعارىلاتىپ، تەكشەنىڭ پارتيا مەن ۇكىمەتتىڭ بۇقارامەن تىعىز بايلانىس ورناتۋداعى كوپىرلىك رولىن ۇزدىكسىز ويداعىداي ساۋلەلەندىرىپ، كاسىپورىندار مەن بۇقاراعا اناعۇرلىم قولايلى، ساپالى قىزمەت وتەيمىز “،-دەدى لي حۋا.

جاۋاپتى رەداكتور: بەردىقان مۇراتقان ۇلى