التايدىڭ كوشەلەرىندە اشەكەيلى شامدارجارقىراپ،مەرەكە لەبى ەستى

  ءوز ءتىلشىمىز قۇرمانگۇل جەڭىسبەك قىزى حابارلايدى. كوكتەم مەرەكەسى قارساڭىندا قويۋ مەرەكەلىك راي قالىپتاستىرۋ ٴۇشىن، التاي قالاسى الدىن الا ورنالاستىرىپ، دەن قويا ۇيىمداستىرىپ، قالانى جارىقتاندىرۋ،كورىكتەندىرۋ ينجەنەرياسىن اتقارىپ، قالىڭ قالا تۇرعىندارىنىڭ كوكتەم مەرەكەسىن شات-شادىمان وتكىزۋىنە مۇمكىندىك جاسادى.

  1-ايدىڭ 5-كۇنى ،ٴتىلشى التاي قالاسىنىڭ ازاتتىق جولىنان جۇمىسشىلاردىڭ جولدىڭ ەكى جاعىنداعى اعاشقا ٴتۇستى شىراقتار مەن جۇڭگو تۇيىنشەگىن ءىلىپ جاتقاندىعىن كوردى. ىمىرت ۇيىرىلىسىمەن، الۋان ءتۇستى شىراقتار جارقىراپ، قالا تۇرعىندارىنا قويۋ مەرەكەلىك رايدى سەزىندىردى. ”جۇڭگو تۇيىنشەگى ىلىنىسىمەن مەرەكە شاتتىعىن سەزىندىك، كوزدىڭ جاۋىن الاتىن ٴتۇستى شىراقتار قالانىڭ كوركىنە كورىك قوستى“،-دەدى التاي قالاسىنىڭ تۇرعىنى گۇلنار داۋلەتقان قىزى قۋانا.

  التاي قالالىق اكىمشىلىك الەۋمەتتىك ىستەرگە قىزمەت وتەۋ ورتالىعىنىڭ مەڭگەرۋشىسى ليۋ مين بىلاي دەدى: ”قالا قۇرىلىسىنىڭ جەتىستىكتەرىن ايگىلەپ، شات-شادىمان، جاراسىمدى مەرەكەلىك راي جاراتۋ ءۇشىن، ٴارقايسى الاڭ، نەگىزگى جول، ايقاسپالى جول سياقتى كوپتەگەن جەرلەرگە الۋان ٴتۇرلى ٴتۇستى شىراقتار ىلدىك. ءبىز ’كوكتەم مەرەكەسىن قارسى الىپ، قىسقى وليمپيادا سپورت جارىسىنا دەم بەرۋدى‘ نەگىزگى تاقىرىپ ەتىپ، قىران وزەنىنىڭ ەكى جاعالاۋىن، ازاتتىق جولىن جانە ىنتىماق جولىن بويلاي كوشەنى جارىقتاندىرۋ ينجەنەرياسىن اتقارامىز، مەجەمەن 1-ايدىڭ 15-كۇنى جۇمىس اياقتايدى، قالا-كورىنىس رايونى ءبىر تۇلعالانعان قالا وبرازىن سومداۋ ارقىلى شات-شادىمان مەرەكەلىك راي قالىپتاستىرىپ، قالا تۇرعىندارىنا قالا قۇرىلىسىنىڭ وزگەرىسىن سەزىندىرىپ، باقىت سەزىمىن ارتتىرامىز“.

جاۋاپتى رەداكتور: بەردىقان مۇراتقان ۇلى