شينجياڭعا كومەكتەسۋ كورىنىس جەلىسى丨حىناننىڭ شينجياڭعا كومەكتەسۋى: ەرەكشە اۋىل شارۋاشىلىق قوسىمشا ونىمدەرى ”تىكە جەتكىزىلدى“

  انار بۇلت / شينجياڭ گازەتىنىڭ حابارى (ءتىلشى بارشا تەگىس، ەرىكتى ءتىلشى تيان يۇي حابارلايدى). قۇمىل جوعارى، جاڭا تەحنيكالىق كاسىپ سالالارىن اشۋ رايونىنداعى قۇمىل قالاسى شينحا جەمىس - جيدەك شەكتى سەرىكتەستىگىنىڭ ءوندىرىس زاۆود وڭىرىندە، وسى سەرىكتەستىك قامداعان تۇڭعىش توپتاعى مەيىز، قاۋىن قاعى تاپسىرىستارى حىنان ولكەسى جىڭجوۋ قالاسىنا ىركەس - تىركەس جونەلتىلدى.

  جەرگىلىكتەگى اۋىل شارۋاشىلىق قوسىمشا ونىمدەرىنىڭ ساتىلىم ارناسىن كەڭەيتۋ ءۇشىن، 2021 - جىلى قۇمىل قالاسى حىناننىڭ شينجياڭعا كومەكتەسۋ ورايىنان پايدالانىپ، اۋىل شارۋاشىلىق قوسىمشا ونىمدەرىن ءوندىرۋ - ساۋدالاۋ قىزمەتىن ۇشتاستىرۋ تاسىلىنە بەلسەنە جاڭالىق ەنگىزىپ، وندىرىلگەن جەر مەن تەرمينال، ينتەرنەت جەلىسىندەگى مەن ينتەرنەت جەلىسىنەن تىسقارعى سايكەستىرىلگەن ءوندىرۋ - ساتۋ ۇشتاستىرىلعان بىرىككەن كۇشىن قالىپتاستىرىپ، اۋىل شارۋاشىلىق قوسىمشا ونىمدەرىن سىرتقا ”تىكە ساتتى“.

  قۇمىل قالاسى شينحا جەمىس - جيدەك شەكتى سەرىكتەستىگى — مەيىز، شىلان، قاۋىنداردى مانەرلەۋمەن شۇعىلداناتىن اۋىل شارۋاشىلىق قوسىمشا ونىمدەرىن ءوندىرۋ - ساتۋ كاسىپورنى، سونداي - اق اۆتونوميالى رايوننىڭ كاسىپ سالالاندىرىلعان باستاماشى كاسىپورنى. ديقانداردىڭ قاۋىن ساتۋىنا كومەكتەسۋ ءۇشىن، 2020 - جىلى، بۇل سەرىكتەستىك يجوۋ رايونى نانحۋ اۋىلىندا 5 ميلليون يۋانعا جۋىق قارجى قوسىپ، قاۋىن كەپتىرۋ بازاسىن قۇردى، قولدانبا پاتەنتتى تەحنيكانى قولدانىپ، قاۋىنداردى تولىق مانەرلەپ، 100دەن استام شارۋا وتباسىلارىن كىرىستى ارتتىرۋعا جەبەدى. سونىمەن بىرگە، كاسىپورىن مەيىز، شىلان سىندى جەرگىلىكتى ەرەكشە اۋىل شارۋاشىلىق قوسىمشا ونىمدەرىن نەگىز ەتىپ، 40قا جۋىق كەپتىرىلگەن جەمىس ونىمدەرىن شىعاردى، بۇل تۇتىنۋشىلاردىڭ كوڭىلىنە ايىرىقشا ۇنادى.

  قۇمىل قالاسى شينحا جەمىس - جيدەك شەكتى سەرىكتەستىگىنىڭ باس ديرەكتورى جاۋ يۇڭجۇڭ بىلاي دەدى: ”ءبىزدىڭ ساپالى قاۋىن كەپتىرمەمىز، مەيىزىمىز، قاتتى قابىقتى جەمىستەرىمىز سۇرانىستى قاناعاتتاندىرا المايدى. 1000 تونناعا جۋىق جاڭا قاۋىن ساتىپ الىپ، 65 تونناسىن كەپتىردىك. بازاردىڭ اڭىسى نەداۋىر جاقسى. تاعى دا 200 تونناعا جۋىق قۇمىل شىلانىن، مەيىزدىڭ ءار تۇرىنەن 150 توننا ساتىپ الدىق“.

  كاسىپورىنداردىڭ سايكەسىپ، ءوندىرىس قۋاتىن ۇزدىكسىز زورايتۋىنا كومەكتەسۋ ءۇشىن، قۇمىل قالالىق اۋىل شارۋاشىلىعى، اۋىل - قىستاق مەكەمەسىنىڭ جانە حىنان ولكەسىنىڭ قۇمىلعا باعىتتامالى كومەكتەسۋ الدىڭعى شەپ قولباسشىلىق شتابىنىڭ سايكەسىپ، قىزمەت ۇشتاستىرۋىندا، وندىرىلگەن جەر مەن تەرمينال تىكەلەي ۇشتاسقان تۇتىنۋ ارقىلى كومەكتەسۋ، سۇيەمەلدەۋ تاپسىرىستارى تياناقتاندى.

  شينجياڭعا كومەكتەسۋگە كەلگەن كادرلاردىڭ قيسىنىن تاۋىپ كەلىستىرۋىندە، 2021 - جىلى 12 - ايدىڭ 23 - كۇنى، جۇڭگو پوچتاسىنىڭ قۇمىلداعى بولىمشە سەرىكتەستىگى قۇمىل اۋەجايىندا قۇمىلدان حىنان جىڭجوۋعا باراتىن اۋىل شارۋاشىلىق قوسىمشا ونىمدەرىنىڭ سىرتقى بازار پوچتا جولىن اشتى، قۇمىلدىڭ جاس سيىر - قوي ەتتەرى، ەكىنشى كۇنىندە - اق جىڭجوۋداعى تۇتىنۋشىلاردىڭ داستارقانىنا قويىلاتىن اس - تاعامدارى بولدى.

  اۋەدەگى پوچتا جولىنىڭ اشىلۋى، قۇمىل اۋەجايىنىڭ زاتتاردى قابىلداۋ - جونەلتۋ قابىلەتىن جوعارىلاتۋعا دا شارت - جاعداي ازىرلەدى، اۋەجاي بەلگىلەنگەن قامبالاۋ بازاسىن قۇرۋ، ءبىر بەكەتتىك قىزمەت وتەۋ سىندى شارالار ارقىلى جىبەرەتىن ورىندار مەن جەكەگە اناعۇرلىم قولايلىلىق تۋدىردى.

  شينجياڭ اۋەجاي توبى قۇمىل اۋەجايىنىڭ جەر بەتىندە قىزمەت وتەۋ ءبولىمىنىڭ قىزمەتكەرى لي جيڭ بىلاي دەدى: ”بۇل رەتكى پوچتا جولىنىڭ اشىلۋى، اۋەجايىمىزدىڭ اۆياتسيالىق ونىمدەر ءتۇرىن بايىتىپ، اۋەجايدىڭ جەرگىلىكتىڭ ەكونوميكالىق، قوعامدىق دامۋىنا قىزمەت وتەۋ قابىلەتىن دە جوعارىلاتىپ، اۋە تاسىمالىنىڭ جىلدام، قولايلى بولۋ ابزالدىلىعىن تولىق ساۋلەلەندىردى، سونداي - اق اۋىل - قىستاقتىڭ اۋىل شارۋاشىلىق قوسىمشا ونىمدەرىن سىرتقى بازارعا سالۋ نارقىن تومەندەتىپ، ساپالى، جاڭا اۋىل شارۋاشىلىق قوسىمشا ونىمدەرىنىڭ سان مىڭداعان وتباسىنا ءتىپتى دە وڭاي جولمەن جەتۋىنە مۇمكىندىك تۋدىردى“.

  2020 - جىلدان بەرى، حىنان ولكەسىنىڭ قۇمىلعا باعىتتامالى كومەكتەسۋ الدىڭعى شەپ قولباسشىلىق شتابى ينتەرنەت جەلىسىندە، ينتەرنەت جەلىسىنەن تىسقارى جەكە ساتۋ، ساۋدا سارايلارىندا، ەرەن بازارلاردا تولايىم ساتۋ، كاسىپورىن، ءىسورىندارىنىڭ توپتىق ساتىپ الۋى سىندى كوپ ءتۇرلى فورمالارمەن، قۇمىلدىڭ جەرگىلىكتى ءجۇزىمى، قاۋىنى سىندى اۋىل شارۋاشىلىق قوسىمشا ونىمدەرىنەن 50 مىڭ توننادان استام ساتتى. حىناننىڭ حاۋشياڭني شىلان شارۋاشىلىعى شەكتى جارنا سەرىكتەستىگى سىندى كاسىپورىنداردىڭ قامداۋ - ساتۋ تۇعىرىنان پايدالانىپ، قاۋىن، نان، سيىر - قوي ەتى سىندى اۋىل شارۋاشىلىق قوسىمشا ونىمدەرىنەن جيىنى 10 مىڭ توننادان استامىن ساتىپ، قۇمىلدىڭ اۋىل - قىستاعىن گۇلدەندىرۋدى جانە كاسىپ سالاسىن دامىتۋدى ءونىمدى جەبەدى.

جاۋاپتى رەداكتور: بەردىقان مۇراتقان ۇلى