تۇڭعىش بايقاۋ! ساۋساق بەدەرىندە مىناداي قۇپيالىقتار بولادى ەكەن

جۋىردا ەلىمىز عالىمدارى جەتەكشىلىك ەتكەن حالىقارالىق زەرتتەۋ ناتيجەسى ادامنىڭ ساۋساق بەدەرى مەن ادام دەنەسىنىڭ جەتىلۋى اراسىندا گەندىك بايلانىستىڭ جوعارى بولاتىنىن العاش رەت اشتى.

  ادام دەنەسىنىڭ سىرتقى ەرەكشەلىكتەرى مەن تۇقىم قۋالايتىن گەن تۋرالى ىشكەرىلەي زەرتتەۋ جۇرگىزۋ ارقىلى تۋما اۋرۋلاردى ەرتە باستان انىقتاۋ، ادام دەنەسىندەگى ناۋقاس وزگەرىسىنەن الدىن الا ساقتانۋ، بەلگىلى كاسىپكە قاجەتتى ادامداردى دەنە ساپاسىنا قاراي ساراپتاۋ قاتارلى ءتۇرلى سالالاردا ماڭىزدى ءمان الادى. قازىر نارەستەنىڭ ساۋساق بەدەرىنە قاراي وتىرىپ، ونىڭ داۋىن كۇردەلى ناۋقاسىنا شالدىققان – شالدىقپاعانىن پارىقتاۋدىڭ دۇرىستىق دارەجەسى %98 كە جەتەدى.

  ادام دەنەسىنىڭ جەتىلۋىنە قاتىستى گەندەر ساۋساق بەدەرىنىڭ قالىپتاسۋىندا باستى رول اتقارادى

  ۇزاق ۋاقىتتان بەرى، ادامدار ساۋساق بەدەرى تەك تەرىمەن قاتىستى تۇقىم قۋالايتىن ەرەكشەلىك دەپ قاراپ كەلگەن، 2018 – جىلى ەلىمىز «ادامزاتتىڭ فەنوتيپتەرى» حالىقارالىق ءىرى عىلىمي جوسپاردى ورتاعا قويىپ، ادامزاتتىڭ ءتۇرلى تىرشىلىك ەرەكشەلىكتەرىنە تۇقىم قۋالاۋ تۇرعىسىنان اناعۇرلىم ىشكەرىلەي زەرتتەۋ جۇرگىزگەن.

  فۋدان داشۋەسى مەن جۇڭگو عىلىم اكادەمياسىنىڭ قاتىستى ۇجىمى ەل ءىشى – سىرتىنداعى ون نەشە عىلىمي زەرتتەۋ قۇرىلىمىمەن سەلبەسە وتىرىپ، كوپ ناسىلدىك توپتىڭ ساۋساق بەدەرىنە قاتىستى ينفورماتسيالاردى جيناقتاپ، ميلليونعا جۋىق تۇقىم قۋالاۋ تۇيىنىنە تالداۋ جاساپ، ەڭ سوڭىندا ادام دەنەسىنىڭ جەتىلۋىمەن قاتىستى گەندەردىڭ ساۋساق بەدەرىندەگى فەنوتيپتى قالىپتاستىرۋدا باستى رول اتقاراتىنىن تۇراقتاندىرعان. بۇل كەلەلى جەتىستىك 1 – ايدىڭ 7 – كۇنى حالىقارالىق ۇزدىك ورەدەگى بيولوگيا عىلىمىنا قاتىستى «كلەتكا» جۋرنالىنىڭ 2022 – جىلعى 1 – سانىندا باسىلادى.

جاۋاپتى رەداكتور: بەردىقان مۇراتقان ۇلى