التاي قالاسى ءتۇرلى كوكونىستەردىڭ قىستىق قورىن مولايتتى

  ءوز ءتىلشىمىز دۇڭ شىجۇي حابارلايدى. 1-ايدىڭ 5-كۇنى، ءتىلشىنىڭ التاي قالالىق جۋجين قارجى قوسۋ شەكتى سەرىكتەستىگىنەن ۇعىسۋىنشا، بۇل سەرىكتەستىك قالا رايونىنداعى 27 حالىققا قولايلى دۇكەندى ءار ءتۇرلى كوكونىس قىستىق قورىمەن قامداپ، قالا تۇرعىندارىنىڭ تاڭداپ ساتىپ الۋىنا مۇمكىندىك جاساعان.

  التاي قالاسى بايياڭچياۋ حالىققا قولايلى دۇكەنىنىڭ كوكونىس ساتۋ رايونى ورامجاپىراق، بالدىركوك، جەمجەمىل جانە سارىمساق سياقتى كوكونىستەردى جاڭادان ەگىزىپ، قالا تۇرعىندارىن جاڭا ءارى ارزان باعاداعى قىستىق كوكونىسپەن قامدادى. التاي قالاسى تاسجول شاعىن رايونىندا تۇراتىن قالا تۇرعىنى شۇي مەيشياڭ بىلاي دەدى: ”مىنا پيازدىڭ ساپاسى جاقسى، باعاسى دا ارزان ەكەن“.

  ۇعىسۋعا قاراعاندا، قىستا كوكونىسپەن دەر كەزىندە قامداۋعا كەپىلدىك ەتۋ ٴۇشىن، 2021-جىلى قىس كىرگەننەن بەرى، التاي قالالىق جۋجين قارجى قوسۋ شەكتى سەرىكتەستىگى توڭازىتىلعان ازىقتىق تىزبەگى بازاسىندا قامبادا ساقتاۋدان پايدالانىپ، ٴتۇرلى داعدىلى قىستىق كوكونىس، جەمىس-جيدەك جانە ”مەزگىلدىك كوكونىستەردى“ دايىندادى ٴارى بارلىق حالىققا قولايلى دۇكەنگە ”التاي قالاسىنىڭ تۇراقتى كوكونىس باعاسى كەستەسىن“ ءبىر تۇتاس بەلگىلەپ، قىستىق قورداعى كوكونىستىڭ باعاسىن حالىققا اشىق جاريالادى.

  ” ٴبىز قىستىق كوكونىستەردىڭ ٴتۇرىن بىرتىندەپ تولىقتاپ، كوكونىسپەن قامداۋ مولشەرىنىڭ جەتكىلىكتى، باعاسىنىڭ تۇراقتى بولۋىنا، تۇرعىنداردىڭ ارزان باعاداعى جاڭا كوكونىستەردى تۇتىنۋىنا كەپىلدىك ەتىپ، التاي قالاسىنداعى تۇرعىندارىنىڭ قاجەتىن قاناعاتتاندىردىق“،-دەدى التاي قالاسى حۇيلي ساۋدا شەكتى سەرىكتەستىگىنىڭ ورىنباسار باس ديرەكتورى ۋاڭ حۇي.

جاۋاپتى رەداكتور: بەردىقان مۇراتقان ۇلى