بۋىرشىن ساپالى ەمدەۋدى جەبەپ،حالىق تۇرمىسىنا تيىمدىلىك جاسادى

  ەرىكتى ءتىلشى جازيرا حابارلايدى . پارتيا 19- كەزەكتى ورتالىق كوميتەتىنىڭ التىنشى جالپى ماجىلىسىندە بىلاي دەپ اتاپ كورسەتىلدى: الەۋمەتتىك نەگىزدىك قۇرىلعىلاردىڭ دارەجەسىن جوعارىلاتۋدى ىلگەرىلەتىپ، اۋىل-قىستاقتىڭ وقۋ-اعارتۋ، ەمدەۋ، زەينەتكەرلىك، مادەنيەت سياقتى نەگىزگى الەۋمەتتىك قىزمەت وتەۋ ورەسىن ۇزدىكسىز جوعارىلاتۋ كەرەك.

  بۋىرشىن اۋدانىنىڭ ەمدەۋ، دەنساۋلىق ساقتاۋ، كۇتىمدەۋ نىسانى اۋداندىق پارتكوم مەن حالىق ۇكىمەتىنىڭ حالىق تۇرمىسىن الدىمەن ەسكەرۋگە، بۇقارانى ٴبىرىنشى ورىنعا قويۋعا تاباندى بولىپ، اۋداننىڭ ەمدەۋ، دەنساۋلىق ساقتاۋ ىستەرىنىڭ دامۋىن جەدەلدەتۋدەگى ماڭىزدى شەشىمى، بۋىرشىن اۋدانى ساپالى ەمدەۋ، دەنساۋلىق ساقتاۋ بايلىعىن ەنگىزۋ ارقىلى بۋىرشىن اۋدانىنىڭ ەمدەۋ ورتالىعىن قۇرىپ، اۋداننىڭ ەمدەۋ ورەسى مەن قىزمەت وتەۋ دەڭگەيىن جاپپاي جوعارىلاتىپ، ٴار ۇلت بۇقاراسىنا اناعۇرلىم ويداعىداي قىزمەت وتەدى.

  بۋىرشىن اۋداندىق حالىق شيپاحاناسىنىڭ امبالاتوريا زالىنا ورنالاسقان اۆتوماتتى ٴنومىر الۋ ماشيناسى، اقى تاپسىرۋ ماشيناسى، كەڭەس بەرۋ، قىزمەت وتەۋ، الدىن الا كەلىسۋ تەكشەسى، اقى تولەۋ تەكشەسى، 3-دارەجەلى الىس ارالىقتى دياگنوز قويۋ جۇيەسى سياقتىلاردىڭ اينالىمى جاقسى بولىپ، بۇقارانىڭ ەسىك الدىندا جۇلدىز دارەجەلى ەمدەۋ، كۇتىمدەۋ قىزمەت وتەۋىنەن يگىلىكتەنۋىنە مۇمكىندىك جاسادى. بۋىرشىن اۋداندىق حالىق شيپاحاناسى 2A دارەجەلى جالپىلىق شيپاحانانىڭ ولشەمى بويىنشا جوبالانىپ سالىنعان، سونىمەن بىرگە كورىكتى شيپاحانا، زەردەلى شيپاحانا، تىنىش شيپاحانا قۇرىلىسىن توعىستىرىپ، بۇكىل شينجياڭداعى ماڭداي الدى اۋدان دارەجەلى ەمدەۋ، دەنساۋلىق ساقتاۋ، كۇتىمدەۋ ورتالىعىنا اينالدى.

  2021-جىلى ەمدەۋ اقىسىن تاپسىرۋ ەلەكتروندىق تالونى جەلىگە شىعارىلىپ، ءداستۇرلى قاعاز تالوننىڭ ورنىن باسىپ، ناۋقاستاردىڭ ەمدەلۋىنە بارىنشا قولايلىلىق جاراتتى. جۇكتىلىك مەزگىلىندەگى تەكسەرىلۋگە كەلگەن تۇرعىن گۇلميرا قاتارعا تۇرماي-اق وزىق جابدىقتار الا كەلگەن وراسان زور قولايلىلىقتان يگىلىكتەندى.

  ” شيپاگەر دياگنوز قويعاننان كەيىن، ٴدارىحانا تەرەزەسىنەن تىكەلەي ەسەپ جاساپ، ٴدارى الۋىما بولادى، بەرگەن تالونداردا ەلەكتروندىق تالونعا وزگەرتىلىپ، قولفونعا ساقتاپ قويۋعا قولايلى ەكەن، ساپالى ەمدەۋ قىزمەت وتەۋىنە ٴدان ريزا بولدىم“،-دەدى گۇلميرا.

  جاڭا شيپاحانا رايونى كونە شيپاحانا رايونىمەن سالىستىرعاندا 2 ەسە كەڭەيتىلىپ، توسەك سانى 378 گە جەتتى ٴارى امبۋلاتوريا، شۇعىل ەمدەۋ، ەمدەۋ تەحنيكاسى، بالنيتسا ٴبولىمىنىڭ كۇتىمدەۋى سياقتى فۋنكتسيالاردى نەگىز ەتىپ، شينجياڭ مەديتسينا ۋنيۆەرسيتەتىنە قاراستى 1-شيپاحانا، 2-شيپاحانا، اۆتونوميالى رايوندىق وسپە اۋرۋلار شيپاحاناسى، اۋە ارمياسى 474-شيپاحاناسى سياقتىلارمەن دوستىق سەلبەستىك قاتىناس ورناتىپ، تەحنيكالىق سەلبەستىك جانە اۋىس-كۇيىس جاساپ، ناۋقاستاردىڭ شينجياڭ مەديتسينا ۋنيۆەرسيتەتىنە قاراستى 1-شيپاحانامەن ۇقساس ەمدەۋ تەحنيكالىق دەڭگەيىندە ەمدەلۋىنە جانە ساۋىعۋىنا مۇمكىندىك جاسادى ٴارى ناۋقاستاردىڭ ۋاقىتى مەن ەمدەلۋ قاراجاتىن ۇنەمدەدى.

  جاقىنعى جىلداردان بەرى، بۋىرشىن اۋداندىق حالىق شيپاحاناسى جۇرەك ينتەرفەرەنتسيالىق وپەراتسياسى، قان تامىرلاردى سۋرەتكە الۋ جانە سۇيەك تىعىزدىعىن تەكسەرۋ سياقتى 3 ٴتۇرلى جاڭا تەحنيكانى ٴساتتى ورىستەتتى، سونىمەن بىرگە، جۇرەك ىشكى اۋرۋلار ٴبولىمى، ايەلدەر ٴبولىمى، بالالار ٴبولىمى، سۇيەك ٴبولىمى، جۇڭگوشا ەمدەۋ ٴبولىمى، وسپە ٴبولىمى جانە اس قورىتۋ ىشكى اۋرۋلار ٴبولىمى سياقتى ٴتۇيىندى ارناۋلى بولىمدەردى كۇش سالا قۇرىپ، بۇقارانى اناعۇرلىم ساپالى، جوعارى ٴونىمدى ەمدەۋ قىزمەت وتەۋىمەن قامدادى.

  ”بۋىرشىن اۋداندىق حالىق شيپاحاناسى حالىقتى وزەك ەتۋگە تاباندى بولىپ، ارناۋلى ءبولىم قۇرىلىسى جونىندە ىزدەنىس جاساۋدى جانە جاڭا تەحنيكا مەن جاڭا نىسانداردى اشۋدى بەلسەنە ورىستەتتى. قازىر حالىق شيپاحاناسىندا كاسىپتىك جۇرەك ينتەرفەرەنتسيالىق وپەراتسيا توبى بار، قازىرگە دەيىن 200 دەن استامعا جۇرەك ينتەرفەرەنتسيالىق وپەراتسياسى جاسالدى، جۇرەك بۇلشىق ەتى جەدەل ولەتتەنگەن 10 نەشە ادام شۇعىل قۇتقارىلىپ، سالماقتى ناۋقاستاردىڭ اۋداننان شىقپاۋىنا كەپىلدىك ەتىلدى“،-دەدى بۋىرشىن اۋداندىق حالىق شيپاحاناسى ىشكى اۋرۋلار ٴبولىمىنىڭ مەڭگەرۋشىسى ران زىيۋان.

  2021-جىلى ەمدەۋ بىرىككەن ماماندارىنان جالپى 25 ادام (رەت) شيپاحاناعا كەلىپ قىزمەت ىستەپ، 68 رەت كۇردەلى وپەراتسيا جاساپ، 600 ادام (رەت) امبۋلاتوريادا ەمدەلدى؛ بۋىرشىن اۋداندىق حالىق شيپاحاناسى 13 ميلليون 860 مىڭ يۋان قارجى قوسىپ، ەمدەۋ ورتاق تۇلعاسىن ينفورماتسيالاندىرۋ قۇرىلىسىن جۇرگىزىپ، ينفورماتسيالانعان ەسەپ جابۋ ، اقى تولەۋ ٴتاسىلىن جولعا قويىپ، زەردەلى ەمدەۋ اقىسىن تولەۋدى جۇزەگە اسىردى؛ 2021-جىلى بۋىرشىن اۋداندىق حالىق شيپاحاناسىنىڭ ەمدەۋ ەلەكتروندىق تالونى رەسمي ىسكە قوسىلىپ، بۇقارانىڭ ەمدەلۋ قاراجاتىن ەسەپتەن كوتەرۋىنە قولايلىلىق جاسالدى.

  بۋىرشىن اۋدانى دەنساۋلىق ساقتاۋ، سالاماتتىق ىستەرىن كەلەلى حالىق تۇرمىسى ينجەنەرياسى ەتىپ، ۇكىمەت باسقارۋىنداعى شيپاحانالاردىڭ جوعارى ساپالى دامۋىن ىلگەرىلەتىپ، ەمدەۋ ورتالىعىنىڭ ساپالى ەمدەۋ قىزمەت وتەۋىن ٴتۇيىندى تۇردە جوعارىلاتىپ، كوپ ساتىلى ەمدەۋ بىرىككەن تۇلعاسى مەن اۋدان كولەمىندەگى تىعىز ەمدەۋ ورتاق تۇلعاسى قۇرىلىسىن جەدەل ىلگەرىلەتىپ، ەلەكتروندىق سالاماتتىق كارتچكاسىنىڭ قولدانىلۋىن بىرتىندەپ جالپىلاستىرىپ، دارەجەگە ٴبولىپ ەمدەۋ ٴتۇزىمى قۇرىلىسىن تەرەڭدەتىپ، ەمدەۋ، دەنساۋلىق ساقتاۋعا قىزمەت وتەۋ جۇيەسىن اقاۋسىزداندىرىپ، ”ەمدەۋ مەن كۇتىمدەۋدى ۇشتاستىرۋ، سالاماتتىق پەن كۇتىمدەۋدى ۇشتاستىرۋ، ساياحات پەن كۇتىمدەۋدى ۇشتاستىرۋ“ سىندى ەمدەۋ جالپى كاسىپ تىزبەگىن العاشقى ادىمدا قالىپتاستىرىپ، بۇقارانى اناعۇرلىم ساپالى ەمدەۋ قىزمەت وتەۋىنەن يگىلىكتەندىرەدى.

  

جاۋاپتى رەداكتور: بەردىقان مۇراتقان ۇلى