جۇڭگو كوممۋنيستىك پارتياسى ءتارتىپ تەكسەرۋ كوميتەتىنىڭ قىزمەت ەرەجەسىن باسىپ تاراتتى

  جۇڭگو كوممۋنيستىك پارتياسى ورتالىق كوميتەتى

  جۇڭگو كوممۋنيستىك پارتياسى ءتارتىپ تەكسەرۋ كوميتەتىنىڭ قىزمەت ەرەجەسىن باسىپ تاراتتى

  شينحۋا اگەنتتىگىنىڭ 1 - ايدىڭ 4 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسى ءتارتىپ تەكسەرۋ كوميتەتىنىڭ قىزمەت ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ تاراتىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: پارتيا قۇرىلعاندىعىنىڭ 100 جىلدىعى قارساڭىندا «ەرەجەنى» جاساۋ پارتيامىزدىڭ وزىنە - ءوزى باتىلدىقپەن توڭكەرىس جاسايتىن كۇشتى بەكىمىن ايگىلەدى. «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيا ۋستاۆىن ءتۇبىرلى بويسۇنۋ ولشەمى ەتىپ، پارتيا 18 - قۇرىلتايىنان بەرگى پارتيانى جاپپاي قاتاڭ باسقارۋدىڭ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىلگەرىلەتۋدىڭ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ىلگەرىلەتۋدىڭ نازاريالىق جەتىستىكتەرىنەن، امالياتتىق جەتىستىكتەرىنەن، ءتۇزىم جەتىستىكتەرىنەن تولىق پايدالانىپ، پارتيانىڭ ءتارتىپ تەكسەرۋ كوميتەتىنىڭ باسشىلىق ءتۇزىلىسى، سايلانۋى، جۇمىس جۇرگىزۋى، مىندەت جاۋاپكەرشىلىگى، ءوز قۇرىلىسى سياقتىلاردى جالپى بەتتىك جۇيەگە ءتۇسىردى، بۇل پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋ، باقىلاۋدىڭ اتقارۋدى قامتاماسىز ەتۋ، دامۋدى جەبەۋ، كەمەلدەندىرۋ رولىن تولىق ساۋلەلەندىرۋ جونىنەن كەلەلى ماڭىز الادى.

  حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) «ەرەجەنى» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات ويداعىداي يگەرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ باسقارۋ ستراتەگيالىق باعىتىن ىشكەرىلەي دايەكتىلەندىرىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تاباندىلىقپەن ىلگەرىلەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا ۋستاۆى مەن «ەرەجەدە» بەلگىلەنگەن مىندەت جاۋاپكەرشىلىكتەرىن مۇقيات اتقارىپ، باتىل تۇردە ”ەكىنى قورعاۋدى“ ەڭ جوعارى ساياسي پرينسيپ جانە ءتۇبىرلى ساياسي جاۋاپكەرشىلىك ەتىپ، پارمەندى دە قۋاتتى ساياسي باقىلاۋ ارقىلى پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تىڭعىلىقتى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك. ءتارتىپ تەكسەرۋ، باقىلاۋ - تەكسەرۋ ورگاندارى ءوز قۇرىلىسىن ىشكەرىلەي كۇشەيتىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ زاڭدىلىعىنا ۇيلەسەتىن ۇيىمدىق ءتۇزىمدى، جۇمىس ءتاسىلىن جانە تەكسەرىپ بەكىتۋ ءتارتىبىن اقاۋسىزداندىرىپ، ءتارتىپ اتقارۋ، زاڭ اتقارۋ ۇقىقتارىنىڭ جۇيەلى، دۇرىس جۇرگىزىلۋىنە شىنايى كەپىلدىك ەتۋ كەرەك. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى احۋالدار مەن ۇسىنىستاردى دەر كەزىندە پارتيا ورتالىق كوميتەتىنە مالىمدەۋ كەرەك.

  «ەرەجە» 8 تاراۋ، 59 تارماق، جاريالانعان كۇننەن باستاپ اتقارىلادى.

جاۋاپتى رەداكتور: بەردىقان مۇراتقان ۇلى