”شينجياڭعا كومەككە كەلگەن شيپاگەرلەر ’جاقسى‘“

  【پارتيا تاريحىن ۇيرەنۋ، يدەيانى ٴتۇسىنۋ، ناقتى ٴىس ىستەۋ، جاڭا جاعداي اشۋ】

  تيانشان تورى - شينجياڭ گازەتىنىڭ ٴتىلشىسى ۋاڭ شينحۇڭ

  ”شينجياڭعا كومەككە كەلگەن شيپاگەرلەر ’جاقسى‘!“ تاياۋدا ٴۇيىنىڭ ماڭىندا تەگىن تەكسەرىلگەن جاڭىلقان جياڭسۋ ولكەسى جياڭيىن قالاسىنىڭ قورعاس اۋدانىنا باعىتتامالى كومەكتەسۋ الدىڭعى شەپ قىزمەت گرۋپپاسىنىڭ شينجياڭعا كومەكتەسۋ ەمدەۋ اترەتىنىڭ تەگىن دياگنوز قويعان شيپاگەرلەرىنە باس بارماعىن شىعاردى.

  جياڭيىن قالاسىنىڭ قورعاس اۋدانىنا باعىتتامالى كومەكتەسۋ الدىڭعى شەپ قىزمەت گرۋپپاسىنىڭ شينجياڭعا كومەكتەسۋ ەمدەۋ اترەتى جۇڭگوشا شيپاگەرلىك وسپە ٴبولىمىنىڭ مامانى شي لەي ناۋقاسقا رەتسەپ جازىپ بەرۋدە. سۋرەتتى جاڭ ۋىنجۇن تۇسىرگەن

  پارتيا تاريحىن ۇيرەنۋ تاربيەسى ورىستەتىلگەننەن بەرى، جياڭسۋ ولكەسى جياڭيىن قالاسىنىڭ قورعاس اۋدانىنا باعىتتامالى كومەكتەسۋ الدىڭعى شەپ قىزمەت گرۋپپاسى ”مەن بۇقارا ٴۇشىن ناقتى ءىس ىستەيمىن“ امالياتتىق قيمىلىمەن ۇشتاستىرىپ، ەمدەۋدى قىستاقتارعا، الەۋمەتتىك اۋماقتارعا جەتكىزۋدىڭ ”ەڭ سوڭعى ٴبىر كيلومەترىن“ بار كۇشپەن تۇتاستىرىپ، جايشىلىقتا ەمدەلۋى ٴبىرشاما قيىن بولعان قورعاس اۋدانى كەڭساي مال فەرماسىنىڭ مال شارۋاشىلىق الەۋمەتتىك اۋماعىندا ”ەمدەۋ بازارى سالاماتتى بولۋ“ ەگىنشى ـ مالشىلارعا تەگىن دياگنوز قويۋ قيمىلىن ۇيىمداستىرىپ، ٴار ۇلت بۇقاراسىنىڭ ٴۇيىنىڭ ماڭىندا ەمدەلۋ قىزمەت وتەۋىنەن يگىلىكتەنۋىنە مۇمكىندىك جاسادى.

  كەڭساي مال فەرماسى تاۋلى وڭىرگە ورنالاسقان، مالشىلاردىڭ قونىستانۋ ٴتۇيىنى ٴبىرشاما بىتىراڭقى، جول الىس، ٴجۇرىس - تۇرىسقا قولايسىز، ەمدەۋ شارت - جاعدايى ناشار. ٴار ۇلت بۇقاراسىنىڭ ادەتتە اۋرۋ جونىندەگى تۇسىنىگى ٴبىرشاما از بولىپ، وزدەرىنىڭ اۋرۋ جاعدايىن دەر كەزىندە بىلە المايدى.

  ”’ەمدەۋ بازارى سالاماتتى بولۋ‘ ەگىنشى ـ مالشىلارعا تەگىن دياگنوز قويۋ قيمىلىن ۇيىمداستىرۋدان بۇرىن، ٴبىز الدىمەن جەرگىلىكتى ورىنداعى ٴار ۇلت بۇقاراسىنىڭ تۇرمىس ٴتاسىلى، ادەتى، ٴجيى كەزدەسەتىن اۋرۋى، كوپ تۋىلاتىن اۋرۋى سياقتىلاردى جان - جاقتىلى ۇعىستىق، مۇنداعى ماقسات تەگىن دياگنوز قوياتىن شيپاگەرلەردىڭ ەمدەلۋگە كەلگەن بۇقاراعا اناعۇرلىم باعىتتامالى ەمدەۋ جانە جەتەكشىلىك ەتۋ“، ـ دەدى جياڭيىن قالاسىنىڭ قورعاس اۋدانىنا كومەكتەسۋ الدىڭعى شەپ قىزمەت گرۋپپاسى شينجياڭعا كومەكتەسۋ ەمدەۋ اترەتىنىڭ جەتەكشىسى جياڭ ۋىنلۇڭ.

  جياڭ ۋىنلۇڭ بىلاي دەپ تانىستىردى: وسى رەتكى تەگىن دياگنوز قويۋ جۇرەك ىشكى اۋرۋلار ٴبولىمى، ارالاسۋ ٴبولىمى (ينتەرۆەنسسيا)، نەرۆ ىشكى اۋرۋلار ٴبولىمى، ادەتتەگى سىرتقى اۋرۋلار ٴبولىمى، جۇڭگوشا فيزيكالىق ەمدەۋ، انا-بالالاردىڭ دەنساۋلىعىن قورعاۋ سياقتى پاندەر مەن سالالاردى قامتيدى. تەگىن دياگنوز قويۋ ماشيناسىندا B تيپتى ۋلترا دىبىستىق تەكسەرۋ، جۇرەك سۋرەتتەگىش سياقتى تەكسەرۋ جابدىقتارى بار بولىپ، مالشىلاردىڭ شيپاگەرگە تەكسەرىلۋىنە بارىنشا قولايلىلىق تۋدىردى.

  شينجياڭعا كومەككە كەلگەن تەگىن ەمدەۋ شيپاگەرىنە ماداق ايتقان جاڭىلقان بيىل 60 جاستا. بۇرىن ۇيقى بەزى قابىنۋ اۋرۋىنا شالدىعىپ، تالاي رەت شيپاحاناعا جاتىپ ەمدەلگەن. شينجياڭعا كومەككە كەلگەن شيپاگەرلەردىڭ كەلمەكشى بولعانىن ەستىگەن ول وتباسىنداعىلاردىڭ سەرىك بولۋىندا تەگىن دياگنوز قويۋ ورنىنا كەلدى.

  جياڭيىن قالاسىنىڭ قورعاس اۋدانىنا باعىتتامالى كومەكتەسۋ الدىڭعى شەپ قىزمەت گرۋپپاسى شينجياڭعا كومەكتەسۋ ەمدەۋ اترەتىنىڭ سىرتقى اۋرۋلار مامانى ماۋ ۋيدا قارتتىڭ بۇرىنعى اۋرۋ تاريحىن ەگجەي ـ تەگجەيلى كورگەننەن كەيىن، ونىڭ ٴوت قاينارىندىق ۇيقى بەزى قابىنۋىنا شالدىققاندىعىنا تۇجىرىم جاسادى.

  ”مۇنداي اۋرۋدىڭ سوڭعى كەزەڭدە قايتالانۋ ىقتيمالدىعى ٴبىرشاما جوعارى، ٴوت قالتاسىن الىپ تاستاۋ وپەراتسياسىن جاساتۋىڭىزدى ۇسىنىس ەتەمىن“. ماۋ ۋيدا قارتقا وسى اۋرۋدىڭ سەبەبى، ۇلعايۋى، وپەراتسيا جاساۋدىڭ پايدا ـ زيانى جانە ەمدەلۋ قاراجاتى سياقتىلاردى سابىرلىلىقپەن ٴتۇسىندىردى، سونداي - اق قارتقا اۋرۋ تاريحى ارحيۆىن تۇرعىزىپ ٴارى بايلانىس جاساۋ ٴتاسىلىن قالدىردى.

  ۇعىسۋعا قاراعاندا، ”ەمدەۋ بازارى سالاماتتى بولۋ“ ەگىنشى ـ مالشىلارعا تەگىن دياگنوز قويۋ قيمىلى جياڭيىن قالاسىنىڭ قورعاس اۋدانىنا باعىتتامالى كومەكتەسۋ الدىڭعى شەپ قىزمەت گرۋپپاسى شينجياڭعا كومەكتەسۋ ەمدەۋ اترەتىنىڭ ”ۇيىرمە قۇراۋ فورماسىنداعى“ شينجياڭعا كومەكتەسۋ نىساندارىنىڭ ٴبىرى ەكەن.

  جياڭ ۋىنلۇڭنىڭ تانىستىرۋىنشا، وسى رەتكى تەگىن دياگنوز قويۋدا 200دەن استام ەگىنشى ـ مالشىعا دياگنوز قويۋ-ەمدەۋ جاعىنان قىزمەت وتەپ، قۇنى 4000 يۋاننان اساتىن ٴدارى ـ دارمەك تەگىن تاراتىلعان. ٴتۇيىندى ناۋقاستار جونىندە شينجياڭعا كومەككە كەلگەن شيپاگەرلەر بەلگىلى مەرزىمدە ۇيلەرىنە بارىپ قايتالاي تەكسەرۋ جۇرگىزىپ، ەمدەۋ قىزمەت وتەۋىن ”ٴۇيدىڭ ماڭىنا“ شىنايى جەتكىزگەن.

  اۋدارعان: قادىر ماقان

جاۋاپتى رەداكتور: بەردىقان مۇراتقان ۇلى