ىندەت جۇقتىرعان ٴبىر ادام 200 ادامدىق تويعا بارعان

  2022-جىلى 1-ايدىڭ 2-كۇنى، ءتىلشى مىنا ءبىر جاعدايدى ۇعىستى: لوياڭ قالاسى شين-ان اۋدانىنداعى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىن تەكسەرۋدە بولىمدى بولعان بىرەۋ 12-ايدىڭ 24-كۇنىنەن 25-كۇنىنە دەيىنگى ۋاقىتتا نانياڭ قالاسىنا بارىپ، نانجاۋ اۋدانى شىمىن اۋىلى يۋەگوۋ قىستاعىنداعى ليۋ فاميليالىنىڭ ۇيلەنۋ تويىنا قاتىناسقان، وسى بارىستا ول ۋولۇڭ رايونى ۋولۇڭگوۋ كورىنىس رايونى شياۋجاي كوشەسىنە قونالقىعا تۇسكەن ءارى ۇيلەنۋ توي سالتىنا قاتىناسقان. نانجاۋ اۋدانى، ۋولۇڭ رايونى ۇيلەنۋ تويى سىندى ادام توپتالاتىن قيمىلداردى باسقارۋ-مەڭگەرۋدە پارمەندى بولماعاندىقتان، نانياڭ قالالىق «كوزقاراس قابىلەتى قۇرىلىسى، ستيل قۇرىلىسى جىلى» باقىلاۋ-تەكسەرۋ گرۋپپاسى جاۋاپقا تارتۋ ءتارتىبىن ىسكە قوسىپ، قاتىستى ورىندار مەن قىزمەتكەرلەردىڭ جاۋاپكەرشىلىگىن قۋزاستىرىپ، جاۋاپقا تارتتى.

  2021-جىلى 12-ايدىڭ 31-كۇنى، نانياڭ قالالىق ىندەتتەن ساقتانۋ-تىزگىندەۋ قولباسشىلىق شتابى مىناداي حابارلاندىرۋ تاپسىرىپ الادى: لوياڭ قالاسى شين-ان اۋدانىنداعى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىن تەكسەرۋدە بولىمدى بولعان ءبىر ناۋقاس 12-ايدىڭ 24-كۇنىنەن 25-كۇنىنە دەيىنگى ۋاقىتتا وسى قالاعا كەلىپ، نانجاۋ اۋدانى شىمىن اۋىلى يۋەگوۋ قىستاعىنداعى ليۋ فاميليالىنىڭ ۇيلەنۋ تويىنا قاتىناسقان، وسى بارىستا ول ۋولۇڭ رايونى ۋولۇڭگوۋ كورىنىس رايونى شياۋجاي كوشەسىنە قونالقىعا تۇسكەن ءارى ۇيلەنۋ توي سالتىنا قاتىناسقان. العاشقى تەكسەرۋگە قاراعاندا، سول كۇنگى تويعا 218 ادام قاتىناسقان بولىپ، بۇل ءىس نانياڭ قالاسىنا وراسان زور ىندەت جۇقتىرۋ جانە تاراتۋ قاتەرىن الا كەلدى. ىندەتتەن ساقتانۋ-تىزگىندەۋ جاۋاپكەرشىلىگىن ونان ارى ناقتىلاندىرىپ، قىزمەت شارالارىن قاتايتۋ ءۇشىن، وسى ۋاقيعانى العاشقى ادىمدا ءبىر جاقتى ەتۋ جاعدايى جونىندە تومەندەگىدەي حابارلاندىرۋ شىعارىلدى:

  1. نانجاۋ اۋدانى، ۋولۇڭ رايونى ۇيلەنۋ تويى سياقتى ادام توپتالاتىن قيمىلداردى باسقارۋ-مەڭگەرۋدە پارمەندى بولماعان، نانياڭ قالالىق ىندەتتەن ساقتانۋ-تىزگىندەۋ شتابى باسىپ تاراتقان «بۇكىل قالاداعى توي-تومالاق، ءولىم-ءجىتىم، قوناعاسى، باس قوسۋ ىستەرىن ونان ارى ارناعا ءتۇسىرۋ جونىندەگى ۇقتىرۋدى» قاتاڭ تياناقتاندىرماعان. توي سالتىن ۇستىنە الۋشى جاق تالاپ بويىنشا تىزىمگە الدىرماعان، قاراستى جەردىڭ باسقارۋ-مەڭگەرۋى ويداعىداي بولماعان. سوندىقتان، قازىر نانجاۋ اۋدانى مەن ۋولۇڭ رايونىنا بۇكىل نانياڭ قالاسى بويىنشا حابارلاندىرۋ شىعارىپ سىن ايتىلدى، نانياڭ قالالىق «كوزقاراس قابىلەتى قۇرىلىسى، ستيل قۇرىلىسى جىلى» باقىلاۋ-تەكسەرۋ گرۋپپاسى جاۋاپقا تارتۋ ءتارتىبىن ىسكە قوسىپ، قاتىستى ورىندار مەن قىزمەتكەرلەردىڭ جاۋاپكەرشىلىگىن قۋزاستىرىپ، جاۋاپقا تارتادى.

  2. نانجاۋ اۋداندىق ىندەتتەن ساقتانۋ-تىزگىندەۋ قولباسشىلىق شتابى 2021-جىلى 12-ايدىڭ 31-كۇنى تۇستەن كەيىن ىندەت جاعدايىنا ساياتىن مالىمەتتى تاپسىرىپ العان سوڭ، قاتىستى احۋالداردى دەر كەزىندە جوعارىعا مالىمدەمەگەن جانە قاتىستى شارا قولدانباعان. قازىر نانجاۋ اۋداندىق ىندەتتەن ساقتانۋ-تىزگىندەۋ قولباسشىلىق شتابىنا بۇكىل قالا بويىنشا حابارلاندىرۋ شىعارىپ سىن ايتىلدى ءارى نانجاۋ اۋدانىنا قاتىستى ورىندار مەن جەكەلەردىڭ جاۋاپكەرشىلىگىن قۋزاستىرىپ، جاۋاپقا تارتۋدى تاپسىردى.

  3. نانياڭ قالاسىنداعى ءار دارەجەلى تاراۋلار ءبىرى ارقىلى وزگەسىن تۇسپالداۋ نەگىزىندە، بۇل ىستەن ساباق قابىلداپ، ىندەتتەن ساقتانۋ-تىزگىندەۋ قىزمەتىن جاپپاي كۇشەيتىپ، اسىرەسە، ادامداردىڭ توپتالۋىنان ساقتانۋ جاعىندا باسقارۋ-مەڭگەرۋدى شىن مانىندە كۇشەيتىپ، جاۋاپكەرشىلىكتى قاتاڭ تياناقتاندىرۋى كەرەك. «توي-تومالاقتى كەشەۋىلدەتىپ وتكىزۋ، ءولىم-ءجىتىم ىستەرىن قاراپايىمداستىرىپ وتكىزۋ، باس قوسۋدى وتكىزبەۋ» تالابى بويىنشا، مالىمدەپ تىزىمگە الدىرۋدى كۇشەيتىپ، توي-تومالاق، قوناعاسى سياقتى باس قوسۋ قيمىلدارىن قاتاڭ تىزگىندەۋى كەرەك. تاعى دا وسىنداي ماسەلەلەر تۋىلسا، نانياڭ قالالىق ىندەتتەن ساقتانۋ-تىزگىندەۋ قولباسشىلىق شتابى قاتاڭ دا اۋىر تۇردە ءبىر جايلى ەتەدى.

  اۋدارعان: نۇرگۇل قۇمارقان قىزى

جاۋاپتى رەداكتور: بەردىقان مۇراتقان ۇلى