جەرگىلىكتى ناۋقاستان 101 ادامعا تىڭنان دياگنوز قويىلدى

  1-ايدىڭ 2-كۇنى ساعات 0 دەن 24 كە دەيىن، 31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس-قۇرىلىس بيڭتۋانىندا تىڭنان 161 ناۋقاسقا دياگنوز قويىلدى. مۇنىڭ ىشىندە شەكارا سىرتىنان كىرگەن ناۋقاس 60 ادام (شاڭحاي قالاسىندا 26 ادام، گۋاڭشي جۋاڭزۋ اۆتونوميالى رايونىندا 7 ادام، گۋاڭدۇڭ ولكەسىندە 6 ادام، ىشكى موڭعۇل اۆتونوميالى رايونىندا 5 ادام، بەيجيڭ قالاسىندا 4 ادام، تيانجين قالاسىندا 2 ادام، فۋجيان ولكەسىندە 2 ادام، حىنان ولكەسىندە 2 ادام، يۇننان ولكەسىندە 2 ادام، جىجياڭ ولكەسىندە ءبىر ادام، شاندۇڭ ولكەسىندە ءبىر ادام، سىچۋان ولكەسىندە ءبىر ادام، شانشي ولكەسىندە ءبىر ادام)، اۋرۋ بەلگىسى جوق جۇعىمدالۋشىدان دياگنوزى تۇراقتانعان ناۋقاسقا وزگەرگەن 7 ادام قامتىلادى (گۋاڭشي جۋاڭزۋ اۆتونوميالى رايونىندا 3 ادام، گۋاڭدۇڭ ولكەسىندە 2 ادام، حىنان ولكەسىندە ءبىر ادام، سىچۋان ولكەسىندە ءبىر ادام)؛ جەرگىلىكتى ورىنداعى ناۋقاس 101 ادام (شانشي ولكەسىندە 92 ادام، مۇنىڭ ىشىندە شي-ان قالاسىندا 90 ادام، شيانياڭ قالاسىندا ءبىر ادام، يان-ان قالاسىندا ءبىر ادام؛ جىجياڭ ولكەسىندە 9 ادام، بارلىعى نيڭبو قالاسىندا). تىڭنان قوسىلعان كوز جۇمعان ناۋقاس جوق. تىڭنان قوسىلعان كۇماندى ناۋقاس جوق.

  سول كۇنى تىڭنان 47 ناۋقاس ساۋىعىپ شيپاحانادان شىقتى، مەديتسينالىق باقىلاۋى كۇشىنەن قالدىرىلعان تىعىز جاناسۋشى 4027 ادام، سالماقتى ناۋقاس الدىڭعى ٴبىر كۇندەگىدەن 6 ادام كوبەيدى.

  شەكارا سىرتىنان كىرگەن دياگنوزى تۇراقتانعان ناۋقاس 850 ادام (مۇنىڭ ىشىندە سالماقتى ناۋقاس 3 ادام)، كۇماندى ناۋقاس جوق. جالپى 11 مىڭ 259 ادامنىڭ دياگنوزى تۇراقتاندى، جالپى 10 مىڭ 409 ادام ساۋىعىپ شيپاحانادان شىقتى، كوز جۇمعان ناۋقاس جوق.

  1-ايدىڭ 2-كۇنى ساعات 24 كە دەيىن 31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس-قۇرىلىس بيڭتۋانىنىڭ بەرگەن مالىمەتىنە نەگىزدەلگەندە، قازىر بار دياگنوزى تۇراقتانعان ناۋقاس 3127 ادام (مۇنىڭ ىشىندە سالماقتى ناۋقاس 22 ادام)، جالپى 94 مىڭ 903 ادام ساۋىعىپ شيپاحانادان شىققان، جالپى 4636 ادام كوز جۇمعان، جالپى 102 مىڭ 666 ادامنىڭ دياگنوزى تۇراقتانعان، قازىر كۇماندى ناۋقاس جوق. جالپى ءبىر ميلليون 431 مىڭ 26 تىعىز جاناسۋشى انىقتالدى، ءالى دە مەديتسينالىق باقىلاۋداعى تىعىز جاناسۋشى 42 مىڭ 313 ادام.

  31 ولكە (اۆتونوميالى رايون، توتە قاراستى قالا) جانە شينجياڭ ءوندىرىس-قۇرىلىس بيڭتۋانىنىڭ بەرگەن مالىمەتىندە تىڭنان قوسىلعان اۋرۋ بەلگىسى جوق جۇعىمدالۋشى 35 ادام، مۇنىڭ ىشىندە شەكارا سىرتىنان كىرگەنى 31 ادام، جەرگىلىكتى ورىندا 4 ادام (حىنان ولكەسىندە 3 ادام، مۇنىڭ ىشىندە شۇيچاڭ قالاسىندا 2 ادام، لوياڭ قالاسىندا ءبىر ادام؛ شاڭحاي قالاسىندا ءبىر ادام، ياڭپۋ رايونىندا)؛ سول كۇنى دياگنوزى تۇراقتانعان ناۋقاس 7 ادام (ءبارى دە شەكارا سىرتىنان كىرگەن)؛ سول كۇنى 16 ادامنىڭ مەديتسينالىق باقىلاۋى كۇشىنەن قالدىرىلدى (شەكارا سىرتىنان كىرگەنى 14 ادام)؛ ٴءالى دە مەديتسينالىق باقىلاۋداعى اۋرۋ بەلگىسى جوق جۇعىمدالۋشى 562 ادام (شەكارا سىرتىنان كىرگەنى 529 ادام).

  شياڭگاڭ، اۋمىن، تايۋان رايونىنىڭ بەرگەن مالىمەتىنەن جالپى 29 مىڭ 813 ادامنىڭ دياگنوزى تۇراقتانعانى تاپسىرىپ الىندى. مۇنىڭ ىشىندە شياڭگاڭ ەرەكشە اكىمشىلىك رايونىنان 12 مىڭ 664 ادام (12 مىڭ 214 ادام ساۋىعىپ شيپاحانادان شىقتى، 213 ادام كوز جۇمدى)، اۋمىن ەرەكشە اكىمشىلىك رايونىنان 79 ادام (77 ادام ساۋىعىپ شيپاحانادان شىقتى)، تايۋان رايونىنان 17 مىڭ 70 ادام ( 13 مىڭ 742 ادام ساۋىعىپ شيپاحانادان شىقتى، 850 ادام كوز جۇمدى).

  اۋدارعان: ساعىنبەك رابات ۇلى

جاۋاپتى رەداكتور: بەردىقان مۇراتقان ۇلى