تۇيە ٴسۇتى جۇڭگواۋىل شارۋاشىلىق ونىمدەرى نىشاندىق ماركاسىنا ەندى

   ءوز تىلشىمىز دۇڭ شىجۇي حابارلايدى. 12-ايدىڭ 28-كۇنى ءتىلشىنىڭ شينجياڭ ۋاڭيۋان بيو عىلىم-تەحنيكا توبى شەكتى سەرىكتەستىگىنەن ۇعىسۋىنشا، تاياۋدا چىڭدۋدا وتكىزىلگەن 7-كەزەكتى جۇڭگو اۋىل شارۋاشىلىق ماركاسىنىڭ جىلدىق سيلىق تاراتۋ سالتاناتى جانە جۇڭگو اۋىل شارۋاشىلىق ونىمدەرىنىڭ 100 مىقتى نىشاندىق ماركاسىن جاريالاۋ سالتىندا، ۋاڭيۋان تۇيە ٴسۇتى ”2021-جىلعى جۇڭگو اۋىل شارۋاشىلىق ونىمدەرىنىڭ 100 مىقتى نىشاندىق ماركاسى“ اتاعىنا يە بولعان.

  اۋىل شارۋاشىلىق سالاسىنداعى مامانداردان، قوعام باسشىلارىنان، بەدەلدى مەديالاردىڭ ۋاكىلدەرىنەن ۇيىمداسقان كاسىپتىك باعالاۋ ۇيىرمەسى ”ايگىلى ماركا ارقىلى اۋىل شارۋاشىلىعىن الۋەتتەندىرۋ، اۋىل-قىستاقتى گۇلدەندىرۋ“ نەگىزگى تاقىرىبىندا، ماركانىڭ ىقپال كۇشى، ٴونىمنىڭ وزەكتى ابزالدىلىعى، اۋىزعا ءىلىنۋى، كەدەيلەردى سۇيەمەلدەۋ ونىمدىلىگى سياقتى جاقتارمەن ۇشتاستىرىپ، سايلاۋعا قاتىناسقان ماركالاردى جان-جاقتىلى باعالاپ، تاڭداۋلىلارىن تاڭداپ، ەڭ سوڭىندا جۇڭگونىڭ اۋىل شارۋاشىلىق ونىمدەرىنىڭ 100 مىقتى ماركاسىن باعالاپ شىقتى.

  ۋاڭيۋان تۇيە ٴسۇتى قۇمدى شولدەگى شەكارا ٴوڭىردىڭ ەرەكشە ماركاسى رەتىندە ” جۇڭگونىڭ اۋىل شارۋاشىلىق ونىمدەرىنىڭ 100 مىقتى نىشاندىق ماركاسى“ تىزىمدىگىنەن داڭقپەن ورىن الدى، بۇل ۋاڭيۋان تۇيە ٴسۇتىنىڭ اۋىز جۇزىندە، ساپادا جانە جاڭالىق اشۋدا ۇلگى سيپاتتى اۋىل شارۋاشىلىق ماركاسىنا اينالعاندىعىن بىلدىرەدى. تۇيە ٴسۇتى قازاق مالشىلارىنىڭ نەشە مىڭ جىلدان بەرگى باعالى قورەكتىكپەن قامدايتىن تاعامى، ۋاڭيۋان توبىنىڭ تەز قارقىنمەن دامۋىنا بايلانىستى، تۇيە ٴسۇتى سىندى شاعىن ٴسۇت ونىمدەرى بۇكىل جەر شارىنا تەز ارادا ايگىلى بولدى، سونداي-اق مول العاشقى قورەكتىك جانە وزىق تەحنولوگيا جانە كوركەم ماركا قورابىنا سۇيەنىپ، كوپشىلىكتىڭ قارسى الۋىنا يە بولدى.

  ۋاڭيۋان توبى” ٴبىر ستاكان جاقسى تۇيە ٴسۇتىن ٴوندىرۋ ءۇشىن،5 جىل زەرتتەپ 10 جىل تاباندى بولۋ“ سىندى ايگىلى ماركاداعى اۋەلگى ماقساتتى، شەكارا وڭىردەگى مالشىلاردى بىرگە اۋقاتتانۋعا باستاۋ بورىشىن باستان-اياق بەرىك ساقتاپ، ناقتى تياناقتاندىرىپ، سولتۇستىك شينجياڭداعى 5600 دەن استام مالشى وتباسىن كەدەيلىكتەن ارىلتتى، ٴارى 3 جىل بۇرىن اۋقاتتانۋ نىساناسىن جۇزەگە اسىردى.

  ۋاڭيۋان توبى 2007-جىلى قۇرىلعاننان بەرى، ۋاڭيۋان تۇيە ٴسۇتى ماركا ونىمدەرىن جەلىدە جانە جەلىدەن تىس ساتۋ تورابىن ۇزدىكسىز كەمەلدەندىرىپ، عىلمي زەرتتەۋ كۇشى ارقىلى ٴوندىرىس امالياتىن ىلگەرىلەتىپ، تۇتاس كاسىپ تىزبەگى بويىنشا تيجارات جۇرگىزۋ جاعدايىن قالىپتاستىردى. قازىر ۋاڭيۋان توبى بۇكىل ەل بويىنشا 2000 نان استام ارناۋلى ساتۋ دۇكەنىن، ٴىرى ساۋدا دۇكەندەرىن، ەرەن بازارلاردى ارناۋلى ساتۋ دۇكەندەرىن اشىپ، شياڭگاڭ مەن تايۋاندى قامتىعان بۇكىل ەل بويىنشا ساتۋ تورابىن، سونداي ـ اق ا ق ش، جاڭا زەلانديا سياقتى شەتەلدەگى 50 نەشە ساتۋ تورابىن قۇرىپ، ەل ٴىشى ـ سىرتىنا ٴوتىمدى بولدى.

  ” كەلەسى قادامدا ۋاڭيۋان تۇيە ٴسۇتى عىلىم ـ تەحنيكا ارقىلى كاسىپ نەگىزىن ۇزدىكسىز مولايتىپ، جاڭالىق اشۋ ارقىلى كاسىپ سالاسىنىڭ دامۋىنا جەتەكشىلىك ەتىپ، ايگىلى ماركانىڭ قۇنىن جوعارىلاتىپ، مالشىلاردىڭ اۋقاتتانۋ، كىرىسىن ارتتىرۋ ٴورىسىن كەڭەيتىپ، بۇكىل ەل بويىنشا ەڭ ساپالى، ماركاسى ايگىلى، ونىمدىلىگى ەڭ جاقسى تۇيە ٴسۇتى باسىمدىعى بار رايون بولۋعا قۇلشىنامىز“،ـ دەدى شينجياڭ ۋاڭيۋان بيو عىلىم-تەحنيكا توبى شەكتى سەرىكتەستىگىنىڭ باسالقاسى چىن گاڭلياڭ.

جاۋاپتى رەداكتور: بەردىقان مۇراتقان ۇلى