مەملەكەتتىك بازار باقىلاۋ - باسقارۋ جۇيەسىنىڭ شينجياڭعا باعىتتامالى كومەكتەسۋ قىزمەتى جونىندەگى بەينە ەكران ءماجىلىسى اشىلدى

  انار بۇلت / شينجياڭ گازەتىنىڭ ءتىلشىسى ليۋ شياڭ 12 - ايدىڭ 14 - كۇنى ۇرىمجىدەن حابارلايدى. 12 - ايدىڭ 14 - كۇنى تۇستەن بۇرىن مەملەكەتتىك بازار باقىلاۋ - باسقارۋ جۇيەسىنىڭ شينجياڭعا باعىتتامالى كومەكتەسۋ قىزمەتى جونىندەگى بەينە ەكران ءماجىلىسى اشىلدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز، مەملەكەتتىك بازار باقىلاۋ - باسقارۋ باس مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى جاڭ گۇڭ ماجىلىسكە قاتىناستى ءارى ءسوز سويلەدى. مەملەكەتتىك بازار باقىلاۋ - باسقارۋ باس مەكەمەسىنىڭ ورىنباسار باستىعى تاڭ جۇن ءماجىلىستى باسقاردى.

  ەركىن تۇنياز بىلاي دەپ اتاپ كورسەتتى: ۇزاق ۋاقىتتان بەرى بۇكىل ەلدىڭ بازار باقىلاۋ - باسقارۋ جۇيەسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭعا باعىتتامالى كومەكتەسۋدى كەلەلى ساياسي مىندەت ەتۋگە تاباندى بولىپ، شينجياڭعا كومەكتەسۋ باياندى مەحانيزمىن ۇزدىكسىز اقاۋسىزداندىرىپ، كەمەلدەندىرىپ، شينجياڭنىڭ بازار باقىلاۋ - باسقارۋ قابىلەتىن جوعارىلاتۋىنا ۇدايىلاندىرا جەتەكشىلىك ەتىپ، كومەكتەسىپ، جاڭا داۋىردەگى بازار باقىلاۋ - باسقارۋ ىستەرىنىڭ شينجياڭنىڭ ورنىقتىلىعىنا، دامۋىنا دەم بەرۋىنىڭ جاڭا جاعدايىن اشتى. ءبىز پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ جانە 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، مەملەكەتتىك بازار باقىلاۋ - باسقارۋ باس مەكەمەسىنىڭ شينجياڭعا كومەكتەسۋ قىزمەتىن ويداعىداي ىستەۋىنە بەلسەنە، ىرىقتى تۇردە سايكەسىپ، ەكى جاقتىڭ ونان ارى سەلبەستىك اياسىن كەڭەيتۋىن، سەلبەستىكتى تەرەڭدەتۋىن ىلگەرىلەتۋىمىز كەرەك. بۇكىل رايونداعى ءار دارەجەلى بازار باقىلاۋ - باسقارۋ تاراۋلارىنىڭ نەگىزگى تۇلعالىق رولىن تولىق ساۋلەلەندىرىپ، بازار باقىلاۋ - باسقارۋ جۇيەسىنىڭ شينجياڭعا كومەكتەسۋ جەتىستىگىن ۇزدىكسىز بەكەمدەپ، كەڭەيتىپ، جاڭا داۋىردەگى بۇكىل ەلدىڭ بازار باقىلاۋ - باسقارۋ جۇيەسىنىڭ شينجياڭعا باعىتتامالى كومەكتەسۋ قىزمەتىندە تىڭ ناتيجەگە قول جەتكىزۋىن ىلگەرىلەتۋىمىز كەرەك. جاڭا جاعدايدى، جاڭا تالاپتاردى ءداپ باسىپ يگەرىپ، باقىلاۋ - باسقارۋ سەرپىنىن ارتتىرىپ، باقىلاۋ - باسقارۋ ءتاسىلىن جاڭالاپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ”شينجياڭ ساپاسى“ وڭىرلىك الەۋمەتتىك سارا ماركا قۇرىلىسىن بەلسەنە جەبەپ، رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋىمىز كەرەك.

  جاڭ گۇڭ بىلاي دەپ اتاپ كورسەتتى: بۇكىل ەلدىڭ بازار باقىلاۋ - باسقارۋ جۇيەسى ساياسي تانىمدى، كەلەلى جاعداي تانىمىن ونان ارى كۇشەيتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، شينجياڭعا باعىتتامالى كومەكتەسۋ قىزمەتىن ويداعىداي ىستەۋدىڭ ساياسي جاۋاپكەرشىلىگىن شىن مانىندە ارقالاۋ كەرەك. اقىل - پاراسات ارقىلى شينجياڭعا كومەكتەسۋدى كورنەكتى مىقتى يگەرىپ، دارىندىلار ارقىلى شينجياڭعا كومەكتەسۋدى كەڭەيتىپ، شينجياڭنىڭ باۋلۋ قۇرىلعىلارى شارت - جاعدايىن اقاۋسىزداندىرۋىنا، كەمەلدەندىرۋىنە قولداۋ كورسەتىپ، شينجياڭنىڭ بازار باقىلاۋ - باسقارۋ كادرلارىن تاربيەلەۋدى، باۋلۋدى ۇزدىكسىز كۇشەيتىپ، شينجياڭنىڭ بازار باقىلاۋ - باسقارۋ قوسىنى قۇرىلىسىنا دەم بەرىپ، باقىلاۋ - باسقارۋ قابىلەتى مەن دەڭگەيىن جوعارىلاتۋ كەرەك. ساياسات جاعىنان شينجياڭعا كومەكتەسۋدى كۇش سالا ىلگەرىلەتىپ، بازار باقىلاۋ - باسقارۋدىڭ فۋنكتسيالىق باسىمدىعىن جان - جاقتى ساۋلەلەندىرىپ، نازاردى شينجياڭنىڭ ەرەكشە جانە باسىمدىققا يە كاسىپ سالاسىنا شوعىرلاندىرىپ، تومەنگە بەرۋ، باسقارۋ، قىزمەت وتەۋ رەفورماسىن ۇزدىكسىز تەرەڭدەتىپ، ءتۇرلى بازار تۇلعالارىنىڭ ومىرشەڭدىك كۇشىن تولىق قاۋلاتىپ، شينجياڭنىڭ بازار باقىلاۋ - باسقارۋ سالاسىن باسقارۋ جۇيەسىنىڭ ونان ارى جان - جاقتى جوعارىلاۋىن جەبەۋ كەرەك. كاسىپ سالاسى ارقىلى شينجياڭعا كومەكتەسۋدى ناقتى ورىستەتىپ، شينجياڭنىڭ ماقتا كاسىپ سالاسىن ولشەمدەندىرۋ جۇيەسى، كۋالىك بەرۋ جۇيەسى، ساپاعا ساياتىن تەگىن تەكتەۋ جۇيەسى قۇرىلىسىنا ءتۇيىندى قولداۋ كورسەتىپ، شينجياڭنىڭ جىبەك جولى ەكونوميكالىق بەلدەۋى وزەكتى رايون قۇرىلىسىنا، شينجياڭنىڭ ءدارى - دارمەك كاسىپ سالاسىنىڭ جوعارى ساپالى دامۋىنا قولداۋ كورسەتىپ، شينجياڭنىڭ باسقا ولكەلەردىڭ، رايونداردىڭ، قالالاردىڭ كاسىپورىندارىمەن ىقپالداستىق، اۋىس - كۇيىس مىنبەرىن ورناتىپ، شينجياڭ ونىمدەرىنىڭ سىرتقا شىعارىلۋىن، ساتۋ جولىنىڭ كەڭەيۋىن جەبەۋ كەرەك.

  ماجىلىستە «بازار باقىلاۋ - باسقارۋ باس مەكەمەسىنىڭ ”14 - بەسجىلدىق“ مەزگىلىندە شينجياڭنىڭ بازار باقىلاۋ - باسقارۋ قابىلەتىن ونان ارى جوعارىلاتۋىنا قولداۋ كورسەتۋ جونىندەگى ءبىرقانشا شارالارىنىڭ» نەگىزگى مازمۇنى، باس مەكەمەگە توتە قاراستى ورىنداردىڭ، باعىتتامالى كومەكتەسەتىن ولكە، قالالاردىڭ بازار باقىلاۋ - باسقارۋ تاراۋىنىڭ اۆتونوميالى رايونمەن، بيڭتۋانمەن سەلبەستىك كەلىسىمىنە قول قويىسۋ جاعدايى حابارلاندىرىلدى. حىبەي ولكەسىنىڭ، جياڭسۋ ولكەسىنىڭ، حىنان ولكەسىنىڭ، حۋبەي ولكەسىنىڭ، گۋاڭدۇڭ ولكەسىنىڭ، شانشي ولكەسىنىڭ بازار باقىلاۋ - باسقارۋ تاراۋىنىڭ جاۋاپتى جولداستارى پىكىر اۋىستىرىپ، ءسوز سويلەدى.

جاۋاپتى رەداكتور: بەردىقان مۇراتقان ۇلى