ايماق ۇيرەنۋ، تالقىلاۋ، اۋىس-كۇيىس جاساۋ ءماجىلىسىن اشتى

 التاي گازەتىنىڭ جالپىلىق اقپارات قۇرالدارى ءتىلشىسى جىڭ ميڭ حابارلايدى. 12-ايدىڭ 8-كۇنى تۇستەن بۇرىن ايماق اۆتونوميالى رايوندىق ايماق، مەڭگەرمە دارەجەلى كادرلاردىڭ پارتيا 19-كەزەكتى ورتالىق كوميتەتى التىنشى جالپى ءماجىلىسى جانە اۆتونوميالى رايوندىق 10-رەتكى پارتيا ۋاكىلدەر قۇرىلتايى رۋحىن ۇيرەنۋ، تالقىلاۋ، اۋىس-كۇيىس جاساۋ ءماجىلىسىن اشتى. ايماقتىق پارتكومنىڭ شۋجيى جاڭ يان ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكوم پارتيا تاريحىن ۇيرەنۋ تاربيەسى 3-ارالاپ جەتەكشىلىك ەتۋ گرۋپپاسىنىڭ باستىعى ما يۇڭشىڭ ماجىلىسكە قاتىناسىپ جەتەكشىلىك ەتتى.

  جەڭىس قادىس ۇلى، ءسابيت قازەز ۇلى، گاۋ جىگو، باقىت ينايات ۇلى، ليۋ نايجۇن، گۇلنۇر نۇرعالي قىزى، ۋاڭ يگۋاڭ، اقجول انەس ۇلى، لان شىڭشين، حى تيانپيڭ قاتارلى ايماق باسشىلارى ماجىلىسكە قاتىناستى.

  گاۋ جىگو، لان شىڭشين، جيان تيڭۋي، ۋاڭ يۇن پىكىر اۋىستىرىپ، ءسوز سويلەدى.

  ماجىلىستە مىنالار اتاپ كورسەتىلدى: پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ كەلەلى تاريحي ءمانىن، ساياسي ءمانىن، نازاريالىق ءمانىن، امالياتتىق ءمانىن، الەمدىك ءمانىن جەتە تانىپ، جالپى ءماجىلىس رۋحىمەن يدەيانى بىرلىككە كەلتىرىپ، ەرلىك-جىگەردى ۇيىستىرىپ، سەنىمدى بەكەمدەپ، كۇرەس جىگەرىن كۇشەيتىپ، ساياسي تۇجىرىم جاساۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىماي ويداعىداي دايەكتىلەندىرۋ كەرەك. اۆتونوميالى رايوندىق 10-رەتكى پارتيا قۇرىلتايىنىڭ ورنالاستىرۋى بويىنشا پارتيالى كادرلار مەن ءار ۇلت بۇقاراسىن اناعۇرلىم اسقاق رۋحاني كۇيمەن، اناعۇرلىم تاسقىنداعان قىزۋ ىنتامەن ءتۇرلى قىزمەتتى تىڭعىلىقتى ىستەۋگە جۇمىلدىرۋ جانە شابىتتاندىرۋ قاجەت. پارتيالى باسشى كادرلار ساياسي دەڭگەيدى جوعارىلاتىپ، ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىمەن، اۆتونوميالى رايوندىق 10-رەتكى پارتيا قۇرىلتايىنىڭ ورنالاستىرۋلارىمەن باتىل بىرلىككە كەلتىرىپ، سەنىمدى بەكەمدەپ، ۇيتقى تانىمىن بەرىك ورناتىپ، تاريحي جاۋاپكەرلىكتى ارقالاپ، كۇشتى ساياسي جاۋاپكەرلىك سەزىممەن جانە تاريحي بورىشتىلىق سەزىممەن شي جينپيڭ جولداستى ۇيتقى ەتكەن پارتيا ورتالىق كوميتەتىنە بۇلجىماي تىعىز ىلەسىپ، ەرلىكپەن العا باسۋ ءتيىس.

  ماجىلىستە مىنالار باسا دارىپتەلدى: ساياسي دەڭگەيدى جوعارىلاتىپ، پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جانە اۆتونوميالى رايوندىق 10-رەتكى پارتيا قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭىزدى ساياسي مىندەت ەتىپ، تاياۋدا اشىلعان جەلىلەس ماجىلىستەردىڭ رۋحىمەن، اسىرەسە، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىمەن ۇشتاستىرىپ، ۇيرەنۋ، ۇگىتتەۋ، ۇگىت-لەكسيا جاساۋ، تاربيەلەۋ، جالپىلاستىرۋ، زەرتتەۋ-تالقىلاۋ قيمىلدارىن ىشكەرىلەي ورىستەتىپ، ايماق بويىنشا جوعارىدان تومەنگە دەيىن ۇيرەنۋ، دايەكتىلەندىرۋدىڭ تاماشا رايىن قالىپتاستىرىپ، ۇگىتتەۋ، دايەكتىلەندىرۋ ورلەۋىن كوتەرۋ كەرەك. ءار دارەجەلى پارتكوم (پارتگرۋپپا) پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى پارتكومنىڭ (پارتگرۋپپانىڭ) نازاريا ۇيرەنۋ وزەكتى گرۋپپاسىنىڭ ۇيرەنۋىنىڭ ماڭىزدى مازمۇنى ەتۋى؛ ءار دارەجەلى تاراۋلار تاربيەلەۋ كۋرسى، ۇيرەنۋ كۋرسى سياقتى فورمالار ارقىلى باسشى كادرلاردى تۇگەلدەي كەزەكپەن تاربيەلەۋى، پارتيالى كادرلاردى جۇيەلى تاربيەلەۋى؛ پارتيا مەكتەبىنىڭ (اكىمشىلىك شۋەيۋانىنىڭ) نەگىزگى شەپتىك رولىن تولىق ساۋلەلەندىرىپ، بۇكىل ايماقتاعى پارتيالى كادرلار مەن نەگىزگى ساتىداعى بۇقارانى تاربيەلەۋ، جەتەكشىلىك ەتىپ تاربيەلەۋمەن قامداۋى؛ ءار دارەجەلى باسشىلىق القا باستاماشىلدىقپەن ارناۋلى تاقىرىپتىق پارتيا ساباعىن ءوتىپ، پارتيالى كادرلاردىڭ ىشكەرىلەي ۇيرەنۋىنە، جەتە تۇسىنۋىنە، جەتىك يگەرۋىنە كومەكتەسۋ؛ ىشكەرىلەي پىكىر الماستىرىپ، تالقى جۇرگىزىپ، ارناۋلى تاقىرىپتا تالقى ورىستەتۋ، نازاريالىق ماقالا جازۋ قاتارلى تاسىلدەر ارقىلى يدەيانى شىنايى بىرلىككە كەلتىرىپ، ورتاق تانىمدى ۇيىستىرىپ، ۇيرەنۋدى، دايەكتىلەندىرۋدى ىشكەرىلەي كوكەيگە ۇيالاتۋدى، ناقتىلاندىرۋدى جەبەۋ قاجەت.

  ماجىلىستە مىنالار باسا دارىپتەلدى: پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جانە اۆتونوميالى رايوندىق 10-رەتكى پارتيا قۇرىلتايىنىڭ رۋحىن ۇيرەنۋدى، دايەكتىلەندىرۋدى وراي، قوزعاۋشى كۇش ەتىپ، قوعام ورنىقتىلىعى، ىندەتتەن ساقتانۋ ـ تىزگىندەۋ، ءوندىرىس حاۋىپسىزدىگى، ەكونوميكالىق دامۋ سياقتى جاقتاعى قىزمەتتى تىڭعىلىقتى ىستەۋ ءتيىس. ءار دارەجەلى تاراۋلار ورنىقتىلىقتى قورعاۋ سىندى ارقاۋدى قاي ـ قاشان دا مىقتى شيراتىپ، ساقتىق دابىلىن ۇزبەي قاعىپ، ۇنەمى قىراعى بولىپ، تاۋقىمەت تانىمىن شىنايى كۇشەيتىپ، بوساڭسۋ، سالعىرتسۋ، جالىعۋ پيعىلىن باتىل جويىپ، ورنىقتىلىقتى قورعاۋدىڭ ساياسي جاۋاپكەرلىگىن قاي-قاشان دا كوكەيگە ۇيالاتىپ، ارقالاپ، مىقتى يگەرىپ، ارەكەتتە تياناقتاندىرۋ؛ تومەنگى شەكتە ويلاۋدى بەرىك ورناتىپ، حاۋىپ-قاتەر تانىمىن كۇشەيتىپ، يدەيا، شارا، جاۋاپكەرلىك، مەحانيزمدى بوساڭسىتپاۋعا تاباندى بولىپ، ىندەتتەن ساقتانۋ-تىزگىندەۋدە ءارقايسى جاقتىڭ جاۋاپكەرلىگىن ۇزدىكسىز ناقتىلاندىرىپ، 3 ەسىكتى باتىل قورعاپ، 8 ءتۇرلى باقىلاۋ، ساقتاندىرۋ مەحانيزمىن باتىل تياناقتاندىرىپ، زاڭ بويىنشا ساقتانۋ ـ تىزگىندەۋ، عىلمي ساقتانۋ-تىزگىندەۋ، دالمە-ءدال ساقتانۋ-تىزگىندەۋ قابىلەتىن ۇزدىكسىز جوعارىلاتۋ؛ حاۋىپسىز دامۋ ۇستانىمىن بەرىك ورناتىپ، حاۋىپسىز ءوندىرىس جاۋاپكەرلىك ءتۇزىمىن تياناقتاندىرىپ، حاۋىپسىزدىك تانىمىن كۇشەيتىپ، حاۋىپسىزدىكتى باقىلاپ-باسقارۋدى كۇشەيتىپ، حاۋىپسىزدىك شارالارىن اشالاپ، حاۋىپسىزدىك كومەسكى كىناراتتارىن ءبىر-بىرلەپ تەكسەرىپ، حاۋىپسىزدىك شىرعالاڭىنىڭ تۋىلماۋىنا شىنايى كەپىلدىك ەتىپ؛ جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىمەن توعىسىپ، ”ساياحات كاسىبىن نەگىزگى تۇلعا ەتۋ، 1-كاسىپتى جەتەلەۋ، 2-كاسىپتى سۇيەمەلدەۋگە“ تاباندى بولىپ، دامۋدىڭ ساپاسىن ۇزدىكسىز جاقسارتىپ، ونىمدىلىگىن جوعارىلاتۋ كەرەك.

  ماجىلىستە مىنالار تالاپ ەتىلدى: ايماقتىڭ قاتىستى ورنالاستىرۋلارىنا ساي، باستاماشى باسشىلار مەن قاتىستى تاراۋلار (ورىندار) جاۋاپكەرلىكتى شىنايى تياناقتاندىرىپ، كەزەكتەگى ءتۇيىندى قىزمەتتەردىڭ دايەكتىلەنۋىن، تياناقتانۋىن شەگە قاعۋ رۋحىمەن ويداعىداي يگەرۋ كەرەك. ايماقتىڭ ءىس جۇزىندىك جاعدايىنا تىعىز جاناسىپ، قىسقى تاربيەلەۋدى مىقتى يگەرىپ، ءبىر توپ شاڭعى تەبۋ، كونكي تەبۋ جاتتىقتىرۋشىلارىن جانە اتقا مىنگىزەتىن حاۋىپسىزدىك قىزمەتكەرلەرىن، جەتەكشىلەردى تاربيەلەۋ؛ مالدى قىس قىرى مەن كوكتەمنەن امان وتكىزۋ جانە حايۋانات ىندەتىنەن ساقتانۋ-تىزگىندەۋدى ۇزدىكسىز ويداعىداي يگەرىپ، جەم-ءشوپتى زاپاس ساقتاۋ قىزمەتىن ويداعىداي ىستەپ، كوجە-قاتىق وندىرىسىندە ورنىقتى قامداۋعا كەپىلدىك ەتۋ؛ كەشكى ەكونوميكانى زور كۇشپەن دامىتىپ، شينجياڭدىقتاردىڭ التايدى ساياحاتتاۋى، التايلىقتاردىڭ التايدى ساياحاتتاۋى سياقتى ساياحات قيمىلدارىن ويداعىداي ورىستەتۋ؛ قيىنشىلىعى بار بۇقاراعا امانداسا بارىپ، ولاردان حال سۇراپ، مەرەكە كەزىندەگى بازاردى قامداۋ مەن زات باعاسىنىڭ ورنىقتىلىعىن قامتاماسىز ەتىپ، ازىق-تۇلىك حاۋىپسىزدىگىن باقىلاپ-باسقارۋدى كۇشەيتىپ، ەنەرگيامەن قامداۋ قىزمەتىن ويداعىداي ىستەپ، ەگىنشى جۇمىسكەرلەردىڭ زاڭدى ۇقىق-مۇددەسىن قورعاۋ كەرەك.

جاۋاپتى رەداكتور: بەردىقان مۇراتقان ۇلى