«ىزدەنۋ» جۋرنالى شي جينپيڭنىڭ «‹ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارى› جونىندەگى تۇسىنىگىن» جاريالايدى

  شينحۋا اگەنتتىگى، 11 – ايدىڭ 30 – كۇنى، بەيجيڭ. 12 – ايدىڭ 1 – كۇنى باسپادان شىعاتىن «ىزدەنۋ» جۋرنالىنىڭ 23 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «‹ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارى› جونىندەگى تۇسىنىگىن» جاريالايدى.

  شي جينپيڭ بىلاي دەپ اتاپ كورسەتتى: پارتيامىز ەجەلدەن تاريحي تاجىريبەلەردى قورىتىندىلاۋعا باسا ءمان بەرىپ كەلەدى. پارتيا ورتالىق كوميتەتى بىلاي دەپ قارادى: پارتيا قۇرىلعانىنىڭ 100 جىلدىعى سىندى ماڭىزدى تاريحي ساتتە، پارتيا مەن حالىق ٴبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستاپ وتىرعان كەلەلى تاريحي كەزەڭدە، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاۋ بۇكىل پارتيانىڭ يدەيانى ونان ارى بىرلىككە كەلتىرۋىن، ەرىك - جىگەردى بىرلىككە كەلتىرۋىن، ارەكەتتى بىرلىككە كەلتىرۋىن ىلگەرىلەتىپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ جاڭا ۇلى جەڭىسىنە قول جەتكىزۋ جونىنەن كەلەلى رەال ماڭىزعا جانە تەرەڭ تاريحي ماڭىزعا يە.

  شي جينپيڭ بىلاي دەپ اتاپ كورسەتتى: پارتيا ورتالىق كوميتەتى بىلاي دەپ قارادى: پارتيانىڭ 100 جىلدىق كۇرەسىنىڭ ايبىنى اسقاق، ۋاقىت ارالىعى ۇزاق، شارپيتىن كولەمى كەڭ، زەرتتەۋگە ٴتيىستى ماسەلەلەر كوپ. جالپى العاندا، تاريحتى قورىتىندىلاۋ، زاڭدىلىقتى يگەرۋ، سەنىمدى بەكەمدەۋ، بولاشاقتى بەتكە الۋ تالابى بويىنشا، پارتيا باسىپ وتكەن شۇعىلالى بارىستى ويداعىداي قورىتىندىلاۋ، پارتيانىڭ حالىقتى ىنتىماقتاستىرىپ جانە باستاپ قول جەتكىزگەن شۇعىلالى تابىستارىن ويداعىداي قورىتىندىلاۋ، پارتيانىڭ توڭكەرىستى، قۇرىلىستى، رەفورمانى ىلگەرىلەتۋدەگى باعالى تاجىريبەلەرىن ويداعىداي قورىتىندىلاۋ، پارتيا 18 - قۇرىلتايىنان بەرگى پارتيا مەن مەملەكەت ىستەرىنىڭ ۇدەرە العا تارتۋ نازارياسى مەن امالياتىن ويداعىداي قورىتىندىلاۋ كەرەك.

  شي جينپيڭ بىلاي دەپ اتاپ كورسەتتى: پارتيا ورتالىق كوميتەتى بىلاي دەپ قارادى: پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاعاندا، ديالەكتيكالىق ماتەرياليزم مەن تاريحي ماتەرياليزمنىڭ ادىستەمەسىندە تاباندى بولىپ، دۇرىس پارتيا تاريحى كوزقاراسىندا تاباندى بولىپ، ۇلى تاريح كوزقاراسىن ورناتىپ، تاريحتى تەرىستەۋشىلدىككە تۋدى ايقىن ۇستاي وتىرىپ قارسى تۇرۋ كەرەك.

  شي جينپيڭ بىلاي دەپ اتاپ كورسەتتى: وسى رەتكى جالپى ٴماجىلىستىڭ قارارىن دايىنداۋدا، پارتيا ورتالىق كوميتەتى مىنا تۇيىندەردى ايرىقشا ويداعىداي يگەرۋ جونىندە ايقىن تالاپ قويدى. ءبىرىنشى، نازاردى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋعا شوعىرلاندىرىپ، بۇكىل پارتيانىڭ اقىل - پاراساتتى ۇشتاۋىن، ىنتىماقتى نىعايتۋىن، سەنىمدى بەكەمدەۋىن، جىگەردى اسقاقتاتۋىن ىلگەرىلەتۋ كەرەك. ەكىنشى، جۇڭگوشا سوتسياليزمنىڭ جاڭا ٴداۋىرى دەگەن ماڭىزدى ٴتۇيىندى كورنەكتىلەندىرىپ، بۇكىل پارتيانى سەنىمدى ونان ارى بەكەمدەۋگە جەتەكتەپ، نازاردى ىستەپ وتىرعان ىستەرىمىزگە شوعىرلاندىرىپ، اناعۇرلىم اسقاق بەينەمەن جاڭا جورىققا قادام تاستاپ، جاڭا داۋىرگە ۇلەس قوسۋ كەرەك. ءۇشىنشى، كەلەلى ىستەردى، ماڭىزدى ماجىلىستەردى، ماڭىزدى ادامداردى باعالاۋدى پارتيا ورتالىق كوميتەتىنىڭ قورىتىندىلارىمەن ٴوزارا ۇشتاستىرۋعا ٴمان بەرىپ، پارتيا ورتالىق كوميتەتىنىڭ پارتيانىڭ 100 جىلدىق كۇرەسى جونىندەگى جاڭا تانىمىن ايگىلەۋ كەرەك. شي جينپيڭ قارار نۇسقاسىن دايىنداۋدىڭ بارىسى، نەگىزگى جۇلگەسى جانە باستى مازمۇنى جونىندە تۇسىنىك جاسادى.

جاۋاپتى رەداكتور: بەردىقان مۇراتقان ۇلى