تەلەگراف، توراپ الدامشىلىعىنان ساقتانۋ ۇگىت قىزمەتىن ورىستەتتى

  ءوز ٴتىلشىمىز قۇرمانگۇل جەڭىسبەك قىزى ەرىكتى ٴتىلشى جوۋ تاۋ حابارلايدى. تاياۋدا التاي قالاسىنىڭ تۇرعىنى مان فاميليالى التاي قالالىق قوعام حاۋىپسىزدىگى مەكەمەسىنە دەلو مالىمدەپ، توراپتا قارىز اقشا ءبىتىرىپ، 110 مىڭ يۋاننان استام اقشاسىن الداپ العانىن ايتتى.

  حالىق ساقشىلارىنان ۇعىسۋىمىزشا، 11-ايدىڭ باسىندا مان فاميليالى توراپتا قارىز اقشا بەرەتىن توراپ بەتىن ىزدەپ، جەكە ينفورماتسياسىن تولتىرعاننان كەيىن، قارسى جاق تەلەفون سوعىپ، قارىز اقشا قاجەت پە، جوق پا دەپ سۇرايدى، كەيىن ول قارسى جاقتىڭ جىفۋباۋىن قوسقاننان سوڭ، وعان توراپ ادرەسى ارقىلى شياۋمان APP ىن ٴتۇسىرۋدى ايتادى. قارسى جاق ىلگەرىندى-كەيىندى مۇشە بولۋ، بانكە كارتوچكاسىنىڭ ٴنومىرىن قاتە تولتىرۋ، كەپىلدىك اقشا تاپسىرۋ، ەرەجەگە قايشى جۇمىس جۇرگىزۋدى سىلتاۋ ەتىپ، جيىنى 112 مىڭ 899 يۋان الداپ الادى.

  التاي قالالىق قوعام حاۋىپسىزدىگى مەكەمەسى پارتكومىنىڭ مۇشەسى، مىندەتكە ىلىنگەن ورىنباسار باستىعى ياڭ لياڭ بىلاي دەدى : ” ءبىز ينتەرنەت الدامشىلىعىنان ساقتانۋ شارالارىن باستان-اياق ۇگىتتەپ كەلەمىز، الايدا ءىشىنارا بۇقارا قاشان دا الدانادى، ءبىز ۇگىت سەرپىنىن ۇزدىكسىز ارتتىرىپ، ىرىقتىلىقپەن ءىس تىندىرىپ، قىزمەت باسىمدىعىن تولىق ساۋلەلەندىرىپ، بۇقارا اراسىنا بارىپ بەتپە-بەت اڭگىمەلەسىپ، ارالىقسىز قىزمەت كورسەتىپ، قاراستى رايونداعى بۇقارانىڭ تەلەگراف، توراپ الدامشىلىعىنان ساقتانۋ بىلىمدەرىن ىشكەرىلەي تۇسىنۋىنە،تەلەگراف الدامشىلىعىنان ساقتانۋ تانىمىن جوعارىلاتۋىنا، تەلەگراف، توراپ الدامشىلىعىنان ساقتانۋدىڭ تاماشا رايىن قالىپتاستىرۋعا مۇمكىندىك جاسايمىز“.

  تەلەگراف تورابىنداعى زاڭعا قايشى جاڭاشا قىلمىستىق ارەكەتتەرگە سوققى بەرۋ، جونگە سالۋ قيمىلى ورىستەتىلگەننەن بەرى، التاي قالالىق قوعام حاۋىپسىزدىگى مەكەمەسى جوعارى دارەجەلى ورىننىڭ ورنالاستىرۋى مەن تالابىنا ساي، توراپ الدامكوستىگىنە قارسى يكەمدى، الۋان ٴتۇرلى ۇگىت قىزمەتىن جان-جاقتى، كوپ تۇرعىدان ورىستەتتى. 11-ايدىڭ باسىندا التاي قالاسى توراپ الدامكوستىگىنە قارسى ۇگىت قىزمەتى بىرىككەن ٴماجىلىسىن ۇيىمداستىرىپ اشىپ، 27 مۇشە ورىن قىزمەت بارىسىندا جولىققان ماسەلەلەر مەن قيىن ماسەلەلەر جونىندە تالقى جۇرگىزىپ، اۋىس-كۇيىس جاساپ، توراپ الدامكوستىگىنە قارسى تۇرۋ قىزمەتىندەگى ولقىلىقتار مەن جەتەرسىزدىكتەردى قورىتىندىلاپ، رەتتەپ، تەلەگراف الدامكوستىگىنە قارسى تۇرۋ قىزمەتىن ۇدايىلاندىرىپ، تۇزىمدەندىرىپ، فۋنكتسيالىق قىزمەت جاۋاپكەرشىلىگىن ايقىنداپ، بىرگە يگەرىپ، بىرگە باسقارۋ قىزمەت جاعدايىن قالىپتاستىردى.

  كوشە، الەۋمەتتىك اۋماقتارداعى نەگىزگى باسشىلاردان ٴوزى ونەگە بولىپ، وتباسىلارىن ارالاپ ۇگىت جۇرگىزۋدى باستاماشىلدىقپەن ورىستەتۋدى، سونىمەن بىرگە قۋزاۋ-جەتەكشىلىك ەتۋدى، تەكسەرۋدى كۇشەيتىپ، جەرگىلىكتى جاعدايعا قاراي شارا قولدانىپ بارلىق قىزمەتكەرلەردى ساقتانۋ، «جالپى حالىقتى اتتانىسقا كەلتىرۋ » قىزمەت جاعدايىن جان-جاقتى، كوپ سالادا جۇزەگە اسىرىپ، قاراستى رايونداعى بۇقارانىڭ ساقتانۋ تانىمىن بار كۇشپەن جوعارىلاتۋدى تالاپ ەتتى.

  بۇدان سىرت، التاي قالالىق قوعام حاۋىپسىزدىگى مەكەمەسى قىلمىستىق ىستەر ساقشى ۇلكەن اترەتىنىڭ حالىق ساقشىلارى ماڭايىنداعى ناقتى دەلولارعا ۇشتاستىرىپ، قالا تۇرعىندارىنا تەلەگراف، توراپ الدامشىلىعىنىڭ زيانىن، كۇردەلىلىگىن، الۋان تۇرلىلىگىن ٴتۇسىندىرىپ، ۇگىت قاعازدارىن تاراتۋ ارقىلى تەلەگراف الدامكوستىگىنىڭ تيپتىك دەلو مىسالدارى جونىندەگى ۇگىت فيلمدەرىن تاراتىپ، بۇقاراعا « مەكتەپ اۋلاسى قارىز اقشاسى »، توراپتا قوسىمشا مىندەت وتەۋشى بولۋ، قوعام حاۋىپسىزدىگى، پروكۋراتۋرا، سوت مەكەمەسى قىزمەتكەرىنىڭ اتىن جامىلۋ، توراپ قارىز اقشاسى سياقتى ۇنەمى كەزدەسەتىن الدامشىلىق تاسىلدەرىن تەرەڭ ۇعىندىرىپ، ساقتانۋ وي جەلىسىن، ىستەن كەيىنگى وڭاۋ شارالارىن قالاي جوعارىلاتۋدى ٴتۇيىندى تۇردە ٴتۇسىندىرىپ، ۇگىت-لەكسيا مازمۇنىنىڭ شىن مانىندە قۇلاققا، ساناعا، جۇرەككە ۇيالاۋىنا مۇمكىندىك جاسادى.

    سونىمەن بىرگە، التاي قالالىق قوعام حاۋىپسىزدىگى مەكەمەسىندەگى بارلىق حالىق ساقشىلارى، كومەكشى ساقشىلار « ميلليون ساقشى ون مىڭداعان وتباسىنا جەتكىزۋ» قيمىلى ارقىلى وتباسىلارىن ارالاپ ۇگىت ماتەريالدارىن تاراتۋ، تەلەگراف، توراپ الدامكوستىگىنىڭ ٴتۇرى مەن ەرەكشەلىگىن ۇگىتتەۋ ارقىلى بۇقاراعا باعىتتامالى تۇردە ۇگىت جۇرگىزىپ، قالىڭ بۇقارانىڭ تەلەگراف، توراپ الدامكوستىگىنىڭ جولىن ايقىن تانىپ، تەلەگراف الدامكوستىگىنە قارسى ۇگىتتىڭ قامتۋ كولەمى مەن ٴبىلۋ مولشەرىن ۇزدىكسىز جوعارىلاتىپ، قالىڭ تۇرعىنداردى تەلەگراف، توراپ الدامشىلىعىنان اۋلاق بولۋعا تاربيەلەپ جانە جەتەكتەپ، ٴوز مال-مۇلكىن قورعاۋ قابىلەتىن كۇشەيتتى.

  ” ٴبىز تىنىش ۇگىت قيمىلىن بەلسەنە ورىستەتىپ، قالا رايونىنداعى ساۋدا سارايى، ەرەن بازار سياقتى ادامدار شوعىرلانعان ورىنداردا ۇگىت تاقتالارىن قويىپ، ۇگىت سۋرەتتەرىن جاپسىرۋ سياقتى فورمالارمەن ارى-بەرى وتكەن بۇقاراعا تەلەگراف، ينتەرنەت الدامكوستىگىنە قارسى تۇرۋ ەسكەرتۋىن ۇگىتتەپ، بۇقارانىڭ زاڭمەن جونگە سالۋ تانىمىن، حاۋىپسىزدىكتى ساقتاۋ تانىمىن جانە ٴوزىن-ٴوزى قورعاۋ قابىلەتىن اناعۇرلىم جوعارىلاتتىق. سونىمەن بىرگە، ساۋدا سارايىنىڭ LED ۇلكەن ەكرانىنا سۇيەنىپ، ٴار كۇنى تەلەگراف الدامكوستىگىنە قارسى ۇگىت كەسكىنىن ارت - ارتىنان تاراتىپ، «بارلىق ساقشى الدامكوستىككە قارسى تۇراتىن »، « جالپى حالىق الدامكوستىككە قارسى تۇراتىن » تاماشا اۋقىم قالىپتاستىردىق“، -دەدى ياڭ لياڭ.

  اۋدارعان جانە جاۋاپتى رەداكتور: مەيرامگۇل مۇسىنات قىزى

جاۋاپتى رەداكتور: بەردىقان مۇراتقان ۇلى