اقوتكەلدەگى قويۋ ۇلتتىق سالت-سانا ساياحاتشىلاردى باۋرادى

  التاي گازەتىنىڭ جالپىلىق اقپارات قۇرالدارى ءتىلشىسى جىڭ ميڭ، دۋ پىڭفي، ۋاڭ زىيۋان حابارلايدى. 11-ايدىڭ 19-كۇنى ءبىز اۆتوكولىكپەن بالىق مەكەنى بۋرىلتوعاي اۋدانىنا بارىپ قىس كەزىندەگى وسى شاعىن اۋداننىڭ وزگەشە كوركەمدىگىن سەزىندىك.

  بۋرىلتوعايعا بارعاندا اقوتكەل قىستاعىنا، ءسوزسىز، ات باسىن بۇرىڭىز. جۇڭگو قازاقتارىنىڭ ”ۇلتتىق سالت-سانا 1-قىستاعى“ اتانعان وسى شاعىن قىستاقتىڭ ”سولتۇستىك شينجياڭنىڭ مەرۋەرتى“ ەكەندىگى داۋسىز. بۇل ارادا ءسىز قويۋ ۇلتتىق سالت-سانا مادەنيەتىن سەزىنۋمەن بىرگە، كوركەم كورىنىستى تاماشالاپ، تازا تابيعي ەرەكشە ءدامدى تاعامداردان ءدام تاتاسىز.

  اقوتكەل قىستاعى بۋرىلتوعاي اۋدان قالاشىعىنىڭ شىعىس وڭتۇستىگىندە 8 كيلومەتر قاشىقتىققا ورنالاسقان. 2017-جىلى شينجياڭعا باعىتتامالى كومەكتەسەتىن حيلۇڭجياڭ ولكەسى اقوتكەل قىستاعىنا قارجى قوسىپ، اۋىل-قىستاق ساياحاتىن دامىتۋدى كورىكتى جاڭاشا اۋىل-قىستاق قۇرىلىسىن ىلگەرىلەتۋمەن ورگانيكالى ۇشتاستىرىپ، كەدەيلىكتەن ارىلتۋدان قامال الۋدىڭ ۇلگى قىستاعىن قۇردى.

  بۇل شاعىن قىستاقتا يەلەگەن جەر اۋماعى 200 شارشى مەتردەن اساتىن ۇلتتىق سالت-سانا كورمە سارايى جانە ءبىر كيىز ءۇي بار. قىستاق پارتيا ياچەيكاسىنىڭ شۋجيى داۋرەن راشات ۇلى بىلاي دەدى: ءاسىلى، ءبىزدىڭ مىنا كيىز ءۇيىمىز ايماعىمىز بويىنشا ەڭ ۇلكەن كيىز ءۇي دەسە بولادى، تاماشالايتىندار كوپ بولعاندىقتان، ءبىز كيىز ءۇيدى بۇرىنعىدان دا ۇلكەيتىپ تىكتىك.

  سالت-سانا كورمە سارايىنداعى بەدەرلى مۇسىندەردى كورگەندە ساحاراداعى حالىقتىڭ كوشى-قون تۇرمىسى كوز الدىڭىزعا ەلەستەيدى. وسى بەدەرلى مۇسىندەردەن قازاق حالقىنىڭ ۇلتتىق سالت-سانا مادەنيەتى مەنمۇندالايدى. ماسەلەن، قازاق حالقىنىڭ ءداستۇرلى ۇلتتىق دەنەتاربيەسى ـــ قىز قۋار، كوكپار تارتۋ، ساياتشىلىق قاتارلىلار بار، وسى دەنەتاربيە تۇرلەرىنىڭ بارلىعى ات ءۇستى ونەرى بولعاندىقتان، قازاق حالقى ”ات جالىندا وسكەن ۇلت“ دەگەن اتى بار.

  بۇگىنگى اقوتكەل قىستاعى بايىرعى ۇلتتىق سالت-سانا مادەنيەتىنە مۇراگەرلىك ەتىپ جانە ونى جالعاستىرىپ كەلەدى. كوشپەندى تۇرمىس قازاق حالقىنىڭ بىردەن-ءبىر تىرشىلىك كورۋ ءتاسىلى بولۋدان قالدى. قازىر قازاق ۇلتى پارتيا مەن ۇكىمەتتىڭ حالىققا ءتيىمدى ساياساتىنا سۇيەنىپ، ءتۇرلى شارۋاشىلىقپەن شۇعىلدانىپ، كىرىسىن ارتتىرىپ، اۋقاتتانۋدى ورتاق تانىمىنا اينالدىردى.

  ”ءمولدىر بۇلاق ساياجايى“ ــ اقوتكەل قىستاعىنداعى تۇڭعىش شارۋالار ساياجايى. ءار كۇنى تاڭەرتەڭ كەنجەبەك شارۋالار ساياجايىنىڭ ءىشى-سىرتىن ءبىر رەت تازالاپ، ساياحاتشىلاردى تاماشا بەت-بەينەمەن قارسى الادى. ساياجايعا كىرسەڭىز، ”ەڭ كورىكتى اۋلا“ دەپ جازىلعان جىلجىمالى قىزىلتۋ كوزگە تۇسەدى.

  كەنجەبەك بىلاي دەدى: بۇل قىزىلتۋ مەن ءۇشىن قوزعاۋشى كۇش ءارى قىسىم، بەينەمىز جاقسى بولماسا، ول باسقالاردىڭ ۇيىنە ىلىنەدى. سول ءۇشىن ءار كۇنى قۇلشىنىپ، ساياحاتشىلارعا ەڭ ساپالى قىزمەت وتەيمىز.

   ءار جىلعى شارۋالار ساياجايىنىڭ كىرىسى 100 مىڭ يۋان اينالاسىندا، ساياحاتتىڭ قاۋىرت مەزگىلىندە كۇنىنە 200 ادام قابىلدايمىن. قازىر ءوزىمىز پىسىرعان قارىنكومبە ساياحاتتىڭ ەرەكشە ماركاسىنا اينالدى،- دەدى كەنجەبەك ماقتانىشپەن.

  ساياحاتشىلار سانىنىڭ جىل سايىن ارتۋىنا بايلانىستى، ”شارۋالار ساياجايىن“ اشقان قىستاق تۇرعىندارى دا بارعان سايىن كوبەيدى. قازىر اقوتكەل قىستاعىنداعى 20 عا جۋىق ”شارۋالار ساياجايى“ ساتۋ تورىن قالىپتاستىرىپ، جەر-جەردەگى ساياحاتشىلاردى باۋراۋدا.

  ساياحات كاسىبىنىڭ اقوتكەل قىستاعىندا دامۋى ەلەكتروندىق ساۋدا كاسىبىنىڭ دامۋىن دا جەبەدى. قىستاق تۇرعىنى اينۇر قاماش قىزى قىستاقتاعى اپەكە-سىڭلىلەرىن باستاپ وتباسى، وشاق قاسىنان شىعىپ بازارعا بەت الدى. ولار ءۇنحات دوستىق شەڭبەرى، دوۋيىن قىسقا كەسكىنى، سونداي-اق تىكە تاراتۋ ارقىلى ءسۇرى ەت، ىرىمشىك قاتارلى ەرەكشە ءدامدى تاعامدار مەن ادەمى كەستەلى بۇيىمدارىن ساتىپ، كوپتەگەن ساياحاتشىلار مەن تۇتىنۋشىلاردىڭ نازارىن اۋداردى.

   جاقىنعى جىلداردان بەرى، قىستاق ءار جىلى الاۋ كەشى جانە جۇڭگو شارۋالار مول ءونىم شاتتىعى مەرەكەسىن وتكىزەدى، اۋدانداعى كەيبىر مادەنيەت-ساياحات قيمىلى دا وسى ارادا ورىستەتىلەدى. بۇل باي مازمۇندى قيمىلدار قىستاقتىڭ ساياحات كاسىبىن جانداندىردى. بۇل ءبىزدىڭ اۋىل-قىستاق ساياحاتىن دامىتۋ، اۋىل-قىستاقتى گۇلدەندىرۋ سەنىمىمىزدى بارىنشا بەكەمدەدى،-دەدى ساياسي كەڭەس ايماقتىق قىزمەت كوميتەتىنىڭ اقوتكەل قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ 1-شۋجيى دوسجان شاپەي ۇلى.

  بۇل بەتتەگى سۋرەتتەردى التاي گازەتىنىڭ جالپىلىق اقپارات قۇرالدارى ءتىلشىسى ۋاڭ چياڭ تۇسىرگەن

جاۋاپتى رەداكتور: بەردىقان مۇراتقان ۇلى