جالپى ءماجىلىستىڭ رۋحىن ناقتى ارەكەتتە تياناقتاندىرايىق

  التاي گازەتىنىڭ ۇسىنىس ەتىلگەن ءتىلشى حۋ جينلياڭ حابارلايدى. بىرنەشە كۇننەن بەرى، كوكتوعاي اۋدانىنداعى ءار ۇلت كادرلارى مەن بۇقارا گازەت، تەلەۆيزور، راديو، ينتەرنەت قاتارلىلار ارقىلى پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇزدىكسىز ىشكەرىلەي ۇيرەندى. كوپشىلىك بىلاي دەدى: اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جالپى ءماجىلىستىڭ كەلەلى ءمانىن جەتە تانىپ، ”ءتورت تانىمدى“ ۇزدىكسىز كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باتىلدىقپەن العا باسىپ، جاۋاپكەرلىك ارقالاپ، ىسكەرلىك كورسەتىپ، ءىس جۇزىندىك ارەكەتىمىز ارقىلى جالپى ءماجىلىس رۋحىنىڭ تەرەڭ تامىر تارتۋىنا كەپىلدىك ەتەمىز.

  كوكتوعاي اۋداندىق مادەنيەت-دەنەتاربيە، راديو-تەلەۆيزيا جانە ساياحات مەكەمەسىنىڭ باستىعى گۋ فاڭ بىلاي دەدى: پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ اشىلۋى جۇرت جۇرەگىن جەلپىندىرىپ، ەرەكشە شابىت بەردى. جالپى ءماجىلىس مىنالاردى باسا دارىپتەدى: جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، جوعارى ساپالى دامۋدى ىلگەرىلەتۋ كەرەك. ”تۇنىق سۋ، جاسىل تاۋ ـــ باعا جەتپەس بايلىق، قار-مۇزدىڭ ءوزى اسىل قازىنا“ ۇستانىمىن بەرىك ورناتىپ جانە امالياتتا ايگىلەپ، قار-مۇز ساياحاتىن ۇزدىكسىز ويداعىداي دامىتىپ، اۆتونوميالى رايوننىڭ التايدى قىسقى قار-مۇز ساياحاتى ەكونوميكاسىن دامىتۋداعى وزەكتى رايون ەتىپ تۇراقتاندىرۋىن ارقاۋ ەتىپ، كوكتوعاي قار-مۇز ساياحاتى كاسىبىنىڭ دامۋى مەن قۇرىلىسىن ۇزدىكسىز جەدەلدەتەمىز. قىسقى ساياحات ونىمدەرىنىڭ كاسىپ كۇيىن بايىتۋ بارىسىندا قوناق ءۇي، جول، قاتىناس، قالاشىق رايونىن كورىكتەندىرۋ، جارىقتاندىرۋ قاتارلى نەگىزدىك قۇرىلعىلار قۇرىلىسىن اناعۇرلىم جەدەلدەتىپ، قابىلداۋ قۋاتى مەن قىزمەت وتەۋ دەڭگەيىن جوعارىلاتامىز. سونىمەن بىرگە، اناعۇرلىم كوپ ەگىنشى-مالشىنى ءداستۇرلى مادەنيەتپەن ۇشتاستىرىپ، اناعۇرلىم مول ساياحات ونىمدەرىن شىعارىپ، بايۋدىڭ اناعۇرلىم كەڭ جاڭا جولىن اشۋعا جەتەلەيمىز.

  كوكتوعاي اۋدانى كوكتوعاي قالاشىعى تاراتى قىستاعىنىڭ تۇرعىنى شالقار بيموللا ۇلى بىلاي دەدى: پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ اشىلۋى بولاشاقتىق دامۋ جونىندەگى سەنىمىمدى ارتتىردى. بۇدان بىلاي ساياحات كاسىبىنىڭ دامۋىن ۇزدىكسىز ارقاۋ ەتىپ، حالىقتىق قونالقى كاسىبىن دامىتامىن.

  كوكتوعاي اۋدانى قۋەرتىس قالاشىعى مادەنيەت شىعىس جولى الەۋمەتتىك اۋماعىنىڭ 1-شۋجيى ماۋ رۇيرۇي بىلاي دەدى: پارتيا 19-كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان-جاقتى قورىتىندىلاپ، جاڭا داۋىردەگى ۇزاق جورىقتى ويداعىداي باسۋىمىزعا يدەيالىق جانە ارەكەت باعدارىن كورسەتتى. بۇدان كەيىن يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، زەيىن-زەردەنى، كۇش-قۋاتتى شوعىرلاندىرىپ، قايراتتانا العا ۇمتىلىپ، ءورىس اشا جاڭالىق اشىپ، قاجىماي-تالماي كۇرەس جۇرگىزىپ، الەۋمەتتىك اۋماقتى ەگجەي-تەگجەيلى باسقارۋ دەڭگەيىن جوعارىلاتىپ، حالىق تۇرمىسىنا قىزمەت وتەۋ، قامتاماسىز ەتۋ قاتارلى ءتۇيىندى قىزمەتتەردى ارقاۋ ەتىپ، بۇقاراعا ساپالى قىزمەت وتەپ، پارتيالى كادرلار مەن بۇقارانى كورىكتى مەكەندى بىرگە قۇرۋعا، بىرگە جونگە سالۋعا، بىرگە يگىلىكتەنۋگە باستايمىز.

جاۋاپتى رەداكتور: بەردىقان مۇراتقان ۇلى