التاي بولاشاقتا قار-مۇز بايلىعى مول 3-ۇيەككە اينالادى

  ۋي چيڭحۋا

  ۋي چيڭحۋا — قىس مەزگىلىندەگى 2 ءتۇرلى قار شاڭعى جارىسىنىڭ حالىقارالىق تورەشىسى، جۇڭگو عىلىم اكادەمياسىنىڭ جاعراپيا ءىلىمى جانە بايلىق زەرتتەۋ ورنىنىڭ اعا وقىمىستىسى، كەزىندە نەشە ونداعان قار شاڭعى الاڭىن جوبالاۋ، قۇرۋ جانە اينالىمعا سالىپ باسقارۋ قاتارلى ءبىرقىدىرۋ قىزمەتتەرگە ات سالىسقان. قازىر جۇڭشۋە جۇڭيۋان (بەيجيڭ) قارجى قوسۋ، كەڭەس بەرۋ شەكتى جاۋاپكەرلىك سەرىكتەستىگىنىڭ باسالقاسى. ۋي چيڭحۋا «مەملەكەتتىك قار-مۇز سپورتىن دامىتۋ جوسپارى (2025 — 2016) «مەملەكەتتىك قار-مۇز الاڭى قۇرىلعىلار قۇرىلىسى جوباسى (2022 — 2016) قاتارلىلاردى جاساۋعا، «جۇڭگو قار شاڭعى كاسىبى اق تىستى كىتابى» مەن «قار-مۇز كوك تىستى كىتابىن قۇراستىرۋعا، جۇڭگو قار-مۇز كاسىبىن دامىتۋ دوكلادىن» جازۋعا قاتىناسىپ، «الەمدىك قار-مۇز كاسىبى دوكلادىن» اۋدارعان. بەيجيڭ 2022-جىلعى قىسقى وليمپيادا سپورت جارىسىنا ءوتىنىش بەرۋ قىزمەتىنىڭ تۇتاس بارىسىنا ات سالىسقان. قازىر قىسقى وليمپيادا سپورت جارىسى جاڭجياكوۋ قالاسى گۋياڭشۋ جارىس الاڭىندا قىسقى قار شاڭعى جارىس الاڭدارىن تەحنيكالىق جاقتان قامتاماسىزداندىرۋ قىزمەتىنە جاۋاپتى بولىپ ىستەيدى.

  التاي حالىقارالىق دارەجەدەگى قار-مۇز بايلىعىنا يە

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ حابارلايدى. ۋي چيڭحۋا جاستايىنان قار شاڭعى تەبۋگە اۋەس بولىپ، وسى كاسىپپەن اينالىسقانىنا 30 نەشە جىلدىڭ ءجۇزى بولعان. ول بىلاي دەدى: مەن جونىنەن العاندا، قار شاڭعى تەبۋ ءومىر بويى تالپىناتىن جۇمىسىم.

  2017-جىلى 5-ايدان قازىرگە دەيىن ۋي چيڭحۋا باسقا ۇيىرمەدەگىلەرمەن بىرگە التايعا سان رەت كەلىپ قار-مۇز بايلىعى شوعىرلى وڭىرلەردى ارالاپ، تىك ۇشاقپەن كەڭىستىكتەن بارلاۋ جۇرگىزىپ، «التاي ايماعىنىڭ قار-مۇز ساياحات كاسىبىن دامىتۋ جوباسىن» قۇراستىرعان.

  التايدىڭ قار-مۇز بايلىعىنا توقتالعاندا، ۋي چيڭحۋا بىلاي دەدى: التايدا حالىقارالىق دارەجەدەگى قار-مۇز بايلىعى مول، التايدىڭ بوگەنايى بولەك جاعراپيالىق ورىن ابزالدىلىعىنا نەگىزدەلىپ، جوعارى ساپالى اشۋ جانە اينالىمعا سالۋ شارتى استىندا، بولاشاقتا مەملەكەتكە ۋاكىلدىك ەتە الادى. ءتىپتى، الپى تاۋى مەن سولتۇستىك امەريكاداعى روسكي تاۋى سىندى ەكى ۇلكەن قار شاڭعى رايونىنان اسىپ ءتۇسۋى دە مۇمكىن.

  قار-مۇز الەمىندە بيىككە تالپىندى

  ۇعىسۋعا قاراعاندا، 2020-جىلدان 2021-جىلعى قىس مەزگىلىنىڭ ورتاڭعى، سوڭعى مەزگىلىندە بۇكىل ەلدەگى قار الەمى شەڭبەرىندەگى ءبىرشاما كوپ ساندى جوعارى قاتتامداعى قار شاڭعىشىلار كوكتوعاي، گەنەرال تاۋى، قوم جانە ەكاشا قاتارلى قار شاڭعى الاڭىندا جينالاتىن سياقتى، بۇعان ۋي چيڭحۋانىڭ سەنىمى كامىل ەكەن.

  تىلشىلىك بارىسىندا ۋي چيڭحۋا بىلاي دەدى: بەيجيڭنىڭ نانشان قار شاڭعى الاڭىنىڭ باسالقاسى لۋ جيان جۇڭگو قار شاڭعى ساياحاتىنىڭ نەگىزىن قالاۋشى، حالىقارالىق، ەل ىشىندەگى قار شاڭعى كاسىبى جونىندە ىشكەرىلەي زەرتتەۋ جۇرگىزگەن مامان. ول بىلاي دەدى: شينجياڭنىڭ التاي تاۋى سىلەمىندەگى قارلى تاۋدى، مۇزدىقتى، ورمان، كول، وزەن جانە جايىلىمدى تابيعات ءوزى سيلاعان. ەۆروپاداعى الپى تاۋى سىلەمى جانە كاۆكاز تاۋى سىلەمىمەن دەڭگەيلەس كەلەدى، بولاشاقتا جۇڭگونىڭ كولەمدى حالىقارالىق قار شاڭعى تەبۋدەگى كوزدەۋلى جەرى وسى التاي تاۋى باۋرايىندا بولادى.

  بايىرعى تەرى شاڭعىعا مۇراگەرلىك ەتۋدىڭ ءمانى زور

  2019-جىلى 8-ايدا بەيجيڭ 2022-جىلعى قىسقى وليمپيادا سپورت جارىسى باس جوبالاۋ شتابىنىڭ بۇرىنعى باستىعى شۇي دا التايعا كەلىپ تەكسەرۋ جۇرگىزگەندە، ۋي چيڭحۋا ونى باستاپ التاي قالاسىنىڭ حاندىعاتى موڭعۇل ۇلتتىق اۋىلى ءدوندىربۇلاق ۇڭگىرىندەگى جارتاس سۋرەتتەرى مەن بايىرعى تەرى شاڭعىنى كورسەتكەندە، شۇي دا بىلاي دەدى: التاي قار شاڭعىسىنىڭ مادەنيەت جۇلگەسى، ءسوزجوق، قىسقى وليمپيادا سىندى وسىنداي ۇلكەن تەكشەدەن پايدالانىپ، قار شاڭعى تاريحى مەن مادەنيەتىن ۇگىتتەپ، وسى نەگىزدە وسىزامانعى قار شاڭعى سپورتىن دامىتۋى كەرەك.

  ۋي چيڭحۋا تىلشىگە بىلاي دەدى: بەيجيڭ 2022-جىلعى قىسقى وليميپادا سپورت جارىسىنا جولداما الۋ جانە ونى ۇستىنە الىپ وتكىزۋ ـــ ەلىمىزدىڭ قار-مۇز ونەر باسەكەسىنىڭ جاندانۋىن، قار-مۇز كاسىبىنىڭ دامۋىن بەلسەنە جەبەيدى، التايدىڭ قار-مۇز كاسىبى ەندى عانا دامۋعا بەت الىپ كەلە جاتقانىمەن، الايدا، جوعارى باستاما، ءىرى تەكشەدەن پايدالانىپ جەبەسە، بولاشاعى نۇرلى بولارى داۋسىز.

جاۋاپتى رەداكتور: بەردىقان مۇراتقان ۇلى