وزەكتى رايون قۇرىلىسىن ىلگەرىلەتۋدە ۇزدىكسىز تىڭ تابىستارعا قول جەتكىزەمىز

  باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە سويلەگەن ماڭىزدى ءسوزى رايونىمىزدا قىزۋ اڭىس قوزعادى

  انار بۇلت / شينجياڭ گازەتىنىڭ تىلشىلەرى

  تاياۋدان بەرى رايونىمىزدا قوعامنىڭ ءار سالاسى باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەندى. كوپشىلىك مىنالاردى ءبىلدىردى: ىشكەرىلەي ۇيرەنىپ، ءتۇسىنىپ، مۇقيات دايەكتىلەندىرىپ، تياناقتاندىرىپ، جوعارى ولشەمدى، باياندى، حالىق تۇرمىسىنا ءتيىمدى بولۋدى نىسانا ەتىپ، اناعۇرلىم جوعارى سەلبەستىك دەڭگەيىن، اناعۇرلىم جوعارى ۇسىنىلىم ونىمدىلىگىن، اناعۇرلىم جوعارى قامداۋ ساپاسىن، اناعۇرلىم جوعارى دامۋ سەرپىمدىلىگىن جۇزەگە اسىرۋعا قۇلشىنىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ىلگەرىلەتۋدە ۇزدىكسىز تىڭ تابىستارعا قول جەتكىزەمىز.

  ”قاشقار ايماعى وڭتۇستىك شينجياڭنىڭ سىرتقا ەسىك اشۋداعى ماڭىزدى ءوڭىرى رەتىندە، وسى بىرنەشە جىلدا قاشقار ەكونوميكالىق اشۋ رايونى، قاشقار كەشەندى قورعامالى باجى رايونى، شەكارا وتكەلى سياقتى ەسىك اشۋ دانەكەرلەرىنىڭ كومەسكى قۋاتىن اشۋ ارقىلى ەسىك اشۋ دەڭگەيىن ۇزدىكسىز جوعارىلاتتى“، - دەدى قاشقار كەدەن مەكەمەسىنىڭ باستىعى ۋاڭ چۋانجيە، - قاشقار كەدەن مەكەمەسى باس شۋجي شي جينپيڭنىڭ 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، كەدەن مەكەمەسىنىڭ كاسىپ رەفورماسىن ىشكەرىلەي ىلگەرىلەتىپ، ساۋدانى قولايلىلاستىرۋ شارالارىن تياناقتاندىرىپ، كاسىپورىنداردىڭ ”ءبىر بەلدەۋ، ءبىر جول“ بويىنداعى مەملەكەتتەردەگى بازارىن ۇزدىكسىز كەڭەيتۋىنە دەم بەرەدى. سونىمەن بىرگە شەكارا اتتاعان ەلەكتروندىق ساۋدا، قارجى قۇراۋ سيپاتتى جالعا بەرۋ سياقتى سىرتقى ساۋدانىڭ جاڭا كاسىپ كۇيىن جەتىلدىرۋدى جانە سۇيەمەلدەۋدى بار كۇشپەن جاقسى ىستەپ، كوپ ءتۇرلى تاسىمال ءتاسىلى قاتار ءومىر سۇرەتىن، كوپ ءتۇرلى ساۋدا ءتاسىلى بىرگە ساقتالاتىن، كوپ كاسىپورىندار قاتىناساتىن كوپ نەگىزدى سىرتقا باعىتتالعان ەكونوميكانىڭ دامۋ ارناسىن قۇرىپ، اشىق ەكونوميكانىڭ جوعارى ساپالى دامۋىن جۇزەگە اسىرادى.

  ءۇرىمجى حالىقارالىق اۋەجاي بولىمشە سەرىكتەستىگى پارتكومىنىڭ ورىنباسار شۋجيى گاۋ ميڭيۇي مىنالاردى ءبىلدىردى: ءۇرىمجى ديۋوپۋ حالىقارالىق اۋەجايى ”ءبىر بەلدەۋ، ءبىر جول“ قۇرىلىسىنداعى ماڭىزدى توراپ قاقپاسى اۋەجايى رەتىندە جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنىڭ ماڭىزدى ورايىن مىقتاپ يگەرىپ، دامۋ نەگىزىن ونان ارى بەكەمدەپ، ”شينجياڭنىڭ ىشىندە تور قالىپتاستىرۋ، شىعىس پەن باتىسقا قانات جايۋ، وڭتۇستىك پەن سولتۇستىككە كەڭەيتۋ، شار تاراپقا ۇلاسۋ“ سىندى اۋە جەلىسىن ورنالاستىرۋ قۇرىلىسىن ۇزدىكسىز جەدەلدەتىپ، تىنىش اۋەجاي، جاسىل اۋەجاي، زەردەلى اۋەجاي، گۋمانيتارلىق اۋەجاي سىندى ”ءتورت تيپتى اۋەجاي“ قۇرىلىسىن تەزدەتىپ، قولايلى، جوعارى ءونىمدى اۋە قاتىناس تورىن قالىپتاستىرىپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋدى“ جۇزەگە اسىرادى.

  ”باس شۋجي شي جينپيڭ گۋمانيتارلىق اۋىس - كۇيىستى تەرەڭدەتىپ، گۋمانيتارلىق اۋىس - كۇيىستىڭ كوپ نەگىزدى ىقپالداستىق ۇلكەن ارناسىن قالىپتاستىرۋ كەرەك دەپ باسا دارىپتەدى“. اۆتونوميالى رايوندىق مادەنيەت جانە ساياحات مەڭگەرمەسى كاسىپ سالاسىن دامىتۋ باسقارماسىنىڭ ورىنباسار باستىعى تاڭ ۋىن مىنالاردى ءبىلدىردى: ”ءبىز باس شۋجيدىڭ تاپسىرماسىن ەستە بەرىك ساقتاپ، شينجياڭنىڭ مادەنيەت جانە ساياحات بايلىعىن تياناق ەتىپ، اۆتونوميالى رايوننىڭ جىبەك جولى ەكونوميكالىق بەلدەۋىنىڭ وزەكتى رايونى مادەنيەت، عىلىم - تەحنيكا جانە وقۋ - اعارتۋ ورتالىعى (عىلىم - تەحنيكا ورتالىعى) قۇرىلىسى جونىندەگى قىزمەت ورنالاستىرۋلارىن جەدەل ىلگەرىلەتۋدى ارقاۋ ەتىپ، 5A دارەجەلى كورىنىس رايونىن قۇرۋ، بەيزاتتىق مادەنيەت مۇرالارىن قورعاۋ، ءداستۇرلى تەحنولوگياعا مۇراگەرلىك ەتۋ سياقتى قىزمەتتەردى ىلگەرىلەتىپ، گۋمانيتارلىق اۋىس - كۇيىستى تەرەڭدەتىپ، گۋمانيتارلىق اۋىس - كۇيىستىڭ كوپ نەگىزدى ىقپالداستىق ۇلكەن ارناسىن قالىپتاستىرۋعا بەلسەنە ۇلەس قوسامىز“.

  جۇڭگو عىلىم اكادەمياسى شينجياڭ بولىمشەسى پارتيا باسشىلىق گرۋپپاسىنىڭ شۋجيى چىن شي بىلاي دەدى: جۇڭگو عىلىم اكادەمياسى شينجياڭ بولىمشەسى ”ءبىر بەلدەۋ، ءبىر جولدى“ بىرگە قۇرۋدى ارقاۋ ەتىپ، ”ءبىر بەلدەۋ، ءبىر جول“ حالىقارالىق عىلىم - تەحنيكا اۋىس - كۇيىس سەلبەستىگىن ونان ارى ورىستەتىپ، عىلىم - تەحنيكا، دارىندى، قىزمەت وتەۋ سياقتى فاكتورلاردىڭ قوس باعىتتا جىلجۋىنا كوپىر ازىرلەيدى.

  شينجياڭ قازىنا - ەكونوميكا داشۋەسى حالىقارالىق ەكونوميكا - ساۋدا شۋەيۋانىنىڭ پروفەسسورى دۋان شيۋفاڭ مىنالاردى ءبىلدىردى: شۋەيۋان ۇكىمەتپەن، كاسىپورىندارمەن سەلبەسۋدى ونان ارى جيىلەتىپ، ”ءبىر بەلدەۋ، ءبىر جول“ قۇرىلىسىنا قىزمەت وتەيتىن ءتىپتى كوپ جوعارى ساپالى دارىندىلاردى باۋليدى، سونىمەن قاتار اقىلماندار قويماسى جانە اقىل - كەڭەس بەرۋ رولىن ءتىپتى جاقسى ساۋلەلەندىرىپ، جەرگىلىكتى ورىن ەكونوميكاسىنىڭ دامۋىنا قىزمەت وتەۋ قابىلەتىمدى جوعارىلاتامىن.

  ”اۆتونوميالى رايونداعى رايونعا قاراستى ەڭ ءىرى جاڭا ەنەرگيا اشۋ كاسىپورنى رەتىندە، ءبىز باس شۋجي شي جينپيڭنىڭ 3 - رەتكى ’ءبىر بەلدەۋ، ءبىر جول‘ قۇرىلىسى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن تاباندىلىقپەن، باتىلدىقپەن دايەكتىلەندىرىپ، تياناقتاندىرىپ، ’ءبىر بەلدەۋ، ءبىر جول‘ قۇرىلىسىنىڭ تاريحي ورايىن مىقتاپ يگەرىپ، جاڭا ەنەرگيا كاسىپ سالاسىن جانە تازا ەنەرگيانى جالپىلاستىرۋدى، قولدانۋدى جەدەلدەتىپ، جىبەك جولى ەكونوميكالىق بەلدەۋىنىڭ وزەكتى رايونىن جوعارى ساپامەن قۇرۋعا كۇش قوسامىز“، - دەدى شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى گاۋ جيانجۇن.

  (ءتىلشى شى شين، قاتىناسقان تىلشىلەر چىن چياڭۋي، ما ينيڭ، ياۋ گاڭ، شيە حۇيبيان، شىن زۋشياۋ)

جاۋاپتى رەداكتور: بەردىقان مۇراتقان ۇلى