شي جينپيڭ جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ماجىلىسىنە قاتىناستى ءارى باسقاردى

  شي جينپيڭ جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ماجىلىسىنە قاتىناستى ءارى باسقاردى

  جۇڭگو مەن شىعىس وڭتۇستىك ازيا ەلدەرى وداعىنىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىن رەسمي جاريالادى

  11 - ايدىڭ 22 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ماجىلىسىنە قاتىناستى ءارى باسقاردى، «تاعدىرلاس بولىپ، مەكەندى بىرگە قۇرايىق» دەگەن تاقىرىپتا ماڭىزدى ءسوز سويلەدى. جۇڭگو مەن شىعىس وڭتۇستىك ازيا ەلدەرى وداعى جۇڭگو - شىعىس وڭتۇستىك ازيا ەلدەرى وداعىنىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىن رەسمي جاريالادى.

  سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  11 - ايدىڭ 22 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ماجىلىسىنە قاتىناستى ءارى باسقاردى، «تاعدىرلاس بولىپ، مەكەندى بىرگە قۇرايىق» دەگەن تاقىرىپتا ماڭىزدى ءسوز سويلەدى. جۇڭگو مەن شىعىس وڭتۇستىك ازيا ەلدەرى وداعى جۇڭگو - شىعىس وڭتۇستىك ازيا ەلدەرى وداعىنىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىن رەسمي جاريالادى.

  سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

  شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى (ءتىلشى ياڭ يجۇن). مەملەكەت ءتوراعاسى شي جينپيڭ 11 - ايدىڭ 22 - كۇنى تۇستەن بۇرىن بەيجيڭدە بەينە ەكران تاسىلىمەن جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ماجىلىسىنە قاتىناستى ءارى باسقاردى. جۇڭگو مەن شىعىس وڭتۇستىك ازيا ەلدەرى وداعى جۇڭگو - شىعىس وڭتۇستىك ازيا ەلدەرى وداعىنىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىن رەسمي جاريالادى.

  شي جينپيڭ «تاعدىرلاس بولىپ، مەكەندى بىرگە قۇرايىق» دەگەن تاقىرىپتا ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: جۇڭگو مەن شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقان 30 جىلدان بەرى وزگەشە بارىستى باسىپ ءوتتى. وسى 30 جىل − ەكونوميكانىڭ جاھاندانۋى ىشكەرىلەي دامىعان، حالىقارالىق ارنادا تەرەڭ وزگەرىس بولعان 30 جىل، جۇڭگو مەن شىعىس وڭتۇستىك ازيا ەلدەرى وداعى ءداۋىر ورايىن يگەرىپ، ەكى جاقتى قارىم - قاتىناستىڭ ارشىندى دامۋىن جۇزەگە اسىرعان 30 جىل. ءبىز قىرعي قاباقتىق سوعىستىڭ تۇمانىنان ارىلىپ، ءوڭىردىڭ ورنىقتىلىعىن بىرگە قورعادىق. ءبىز شىعىس ازيا ەكونوميكاسىنىڭ ءبىر تۇلعالانۋىنا جەتەكشىلىك ەتىپ، بىرگە دامۋدى، گۇلدەنۋدى جەبەپ، 2 ميللياردتان استام حالىقتى اناعۇرلىم جاقسى تۇرمىسقا كەنەلتتىك. ءبىز تاتۋ كورشىلىك دوستىقتىڭ، سەلبەسىپ تەڭ يگىلىككە كەنەلۋدىڭ نۇرلى داڭعىل جولىمەن ءجۇرىپ، كۇن سايىن نىعايعان تاعدىرلاس ورتاق تۇلعاعا قادام تاستاپ، ادامزاتتىڭ العا باسۋ ىستەرىن ىلگەرىلەتۋگە ماڭىزدى ۇلەس قوستىق.

  شي جينپيڭ بىلاي دەپ باسا دارىپتەدى: بۇگىن ءبىز جۇڭگو مەن شىعىس وڭتۇستىك ازيا ەلدەرى وداعىنىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىن رەسمي جاريالادىق. بۇل ەكى جاقتىڭ قارىم - قاتىناس تاريحىنداعى جاڭا بەلەس، ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە، دامۋىنا جاڭا قوزعاۋشى كۇش ۇستەيدى.

  شي جينپيڭ بىلاي دەپ اتاپ كورسەتتى: 30 جىلدان بەرگى جۇڭگو مەن شىعىس وڭتۇستىك ازيا ەلدەرى وداعى سەلبەستىگىنىڭ تابىسى ەكى جاقتىڭ وڭىرلىك جاقىندىعىنىڭ، گۋمانيتارلىق ساباقتاستىعىنىڭ وزگەشە شارت - جاعدايىنىڭ ارقاسى، وتە - موتە، بۇل تابىستارعا ءبىزدىڭ ءداۋىردىڭ دامۋ اعىمىنا بەلسەنە سايكەسىپ، دۇرىس تاريحي تالعام جاساۋىمىز ارقىلى قول جەتتى.

  ءبىرىنشى، ءوزارا قۇرمەت ەتىپ، حالىقارالىق قارىم - قاتىناستىڭ نەگىزگى ولشەمىنە تاباندى بولدىق. تەپە - تەڭ مامىلە جاساۋ، بەرەكەلى دە تاتۋ قاتار تۇرۋ ءبىزدىڭ ورتاق تىلەگىمىز. ءبىز بەيبىت قاتار تۇرۋدىڭ بەس پرينسيبى مەن ”باندۇڭ رۋحىن“ الدىمەن دارىپتەدىك، جۇڭگو شىعىس وڭتۇستىك ازيا ەلدەرى وداعىنىڭ تىلدەسۋ سەرىكتەستەرى اراسىندا «شىعىس وڭتۇستىك ازيا دوستىق سەلبەستىك شارتىنا» ەڭ الدىمەن كىردى. ءبىز ءوزارا نازار اۋدارىپ وتىرعان كەلەلى ىستەردە ءبىر - بىرىمىزگە قارايلاسىپ، ءوز دامۋ جولدارىمىزعا قۇرمەت ەتىپ، شىنايى ءتىل تابىسۋ ارقىلى تۇسىنىستىك پەن سەنىمدى ارتتىرىپ، ايىرماشىلىقتاردى ساقتاي وتىرىپ ورتاقتىققا ۇمتىلۋ ارقىلى الاۋىزدىقتار مەن ماسەلەلەردى ۇيلەسىمدى ءبىر جاقتى ەتىپ، ازيانىڭ قۇن كوزقاراسىن بىرگە قورعادىق جانە اسقاقتاتتىق.

  ەكىنشى، سەلبەسىپ تەڭ يگىلىككە كەنەلىپ، بەيبىت دامۋ جولىمەن جۇردىك. مەملەكەتتىڭ تىنىشتىعى مەن حالىقتىڭ باقىتىن جۇزەگە اسىرۋ ءبىزدىڭ ورتاق نىسانامىز. ءبىز ءوڭىردىڭ بەيبىتشىلىگى مەن ورنىقتىلىعىن باتىل قورعاپ، نازاردى باستان - اياق دامۋ نەگىزگى تاقىرىبىنا شوعىرلاندىرىپ، ەركىن ساۋدا رايونىن الدىمەن قۇرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، «وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىنە» قول قويۋدى بىرگە ىلگەرىلەتىپ، ءوڭىردىڭ توعىسا دامۋى مەن حالىقتىڭ ىرىس - قۇتىن جەبەدىك.

  ءۇشىنشى، ءوزارا قارايلاسىپ، ءبىر - بىرىمىزگە كومەكتەسىپ، تاتۋ، ادال، قايىرىمدى، كەڭ پەيىل بولۋ ۇستانىمىن امالياتتا ايگىلەدىك. ءوزارا كومەكتەسۋ، ءوزارا دەمەۋ ءبىزدىڭ ورتاق ءداستۇرىمىز. ءبىز جاقىن تۋىستارداي ۇنەمى بارىس - كەلىس جاساپ، سۇيىسپەنشىلىك مەيىردى قادىرلەپ، سەنىمدىلىكتى دارىپتەپ، قۋانىشتى بىرگە قۇتتىقتاپ، قيىن ىستەردە ءوزارا قارايلاسىپ كومەكتەستىك. ازيا فينانس داعدارىسى، حالىقارالىق فينانس داعدارىسى، جاڭا تيپتى ايدارشا ۆيرۋس وكپە قابىنۋ ىندەتى سياقتى سىن - سايىستارعا قول ۇستاسا توتەپ بەرۋ ارقىلى تاعدىرلاس ورتاق تۇلعا تانىمىن كۇشەيتتىك.

  ءتورتىنشى، سيىسىمدى بولىپ، ءوزارا ۇلگى الىپ، اشىق وڭىرشىلدىكتى بىرگە قۇردىق. كوپ نەگىزدى، سيىسىمدى بولۋ ءبىزدىڭ ورتاق گەنىمىز. ءبىز شىعىس ازيا وركەنيەتىنەن اقىل - پاراسات قابىلداپ، ەسىك اشۋ ۇستانىمى ارقىلى وڭىرلىك ەكونوميكانىڭ ءبىر تۇلعالانۋىنا جەتەكشىلىك ەتىپ، تەڭ تۇرعىدا كەڭەسۋ ارقىلى شىعىس وڭتۇستىك ازيا ەلدەرى وداعى جەتەكشىلىك ەتكەن وڭىرلىك سەلبەستىكتى ىلگەرىلەتىپ، سيىسىمدى كوڭىلمەن باسقالاردى قاقپايلامايتىن اشىق دوستار شەڭبەرىن قۇرىپ، بىرگە اقىلداسۋ، بىرگە قۇرۋ، بىرگە كەنەلۋ پرينسيبىن تياناقتاندىردىق.

  شي جينپيڭ بىلاي دەپ اتاپ كورسەتتى: 30 جىلداعى باعالى تاجىريبەلەر جۇڭگو مەن شىعىس وڭتۇستىك ازيا ەلدەرى وداعىنىڭ ورتاق بايلىعى، ەكى جاقتىڭ جالپى بەتتىك ستراتەگيالىق سەرىكتەستىك قاتىناسىن دامىتۋىنا نەگىز قالاپ، بويسۇنۋ ولشەمىن ازىرلەدى. ءبىز ونى بارىنشا قاستەرلەۋىمىز، وعان ۇزاق ۋاقىت تاباندى بولۋىمىز ءارى جاڭا اماليات بارىسىندا ونى ۇزدىكسىز بايىتۋىمىز جانە دامىتۋىمىز كەرەك.

  شي جينپيڭ بىلاي دەپ اتاپ كورسەتتى: ”الىس جول اتقا سىن، ۇزاق ۋاقىت ادامعا سىن“. جۇڭگو بۇرىن شىعىس وڭتۇستىك ازيا ەلدەرى وداعىنىڭ جاقسى كورشىسى، جاقسى دوسى، جاقسى سەرىكتەسى بولدى. قازىر دە، بولاشاقتا دا سولاي بولا بەرەدى. جۇڭگو جاق مىزعىماس تاباندىلىقپەن شىعىس وڭتۇستىك ازيا ەلدەرى وداعىن توڭىرەكتىك ديپلوماتيادا الدىمەن ەسكەرەتىن بەتالىس ەتىپ، مىزعىماس تاباندىلىقپەن شىعىس وڭتۇستىك ازيا ەلدەرى وداعىنىڭ ىنتىماعى مەن شىعىس وڭتۇستىك ازيا ەلدەرى وداعى ورتاق تۇلعاسى قۇرىلىسىنا قولداۋ كورسەتەدى، مىزعىماس تاباندىلىقپەن شىعىس وڭتۇستىك ازيا ەلدەرى وداعىنىڭ وڭىرلىك قۇرىلىمداعى وزەكتى ورنىنا قولداۋ كورسەتەدى، مىزعىماس تاباندىلىقپەن شىعىس وڭتۇستىك ازيا ەلدەرى وداعىنىڭ وڭىرلىك جانە حالىقارالىق ىستەردە اناعۇرلىم زور رول اتقارۋىنا قولداۋ كورسەتەدى.

  شي جينپيڭ بىلاي دەپ اتاپ كورسەتتى: تاياۋدا جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلادى، جۇڭگو حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا كوكىرەك كەرنەگەن نىق سەنىممەن العا ىلگەرىلەۋدە. جۇڭگونىڭ دامۋى ءوڭىر مەن دۇنيە جۇزىنە اناعۇرلىم كوپ وراي بەرىپ، قۋاتتى قوزعاۋشى كۇش ۇستەيدى. جۇڭگو شىعىس وڭتۇستىك ازيا ەلدەرى وداعىمەن بىرگە ۇلكەن اۋقىمدى يگەرىپ، كەدەرگىلەردى الاستاپ، ورايدان بىرگە يگىلىكتەنىپ، گۇلدەنۋ - كوركەيۋدى بىرگە جاراتىپ، جالپى بەتتىك ستراتەگيالىق سەرىكتەستىك قاتىناستى تىڭعىلىقتى تياناقتاندىرىپ، اناعۇرلىم تىعىز جۇڭگو - شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرۋعا قاراي تىڭ قادام تاستاۋدى قالايدى.

  شي جينپيڭ بولاشاقتاعى جۇڭگو مەن شىعىس وڭتۇستىك ازيا ەلدەرى وداعى قارىم - قاتىناسى جونىندە 5 ءتۇرلى ۇسىنىس العا قويدى.

  ءبىرىنشى، بەيبىت مەكەندى بىرگە قۇرۋ. بەيبىتشىلىك − ءبىزدىڭ ەڭ ۇلكەن ورتاق مۇددەمىز، سونداي - اق ءار ەل حالقىنىڭ ەڭ ۇلكەن ورتاق تىلەگى. ءبىز وڭىرلىك بەيبىتشىلىكتى ورناتۋشى جانە قورعاۋشى بولىپ، پىكىرلەسۋگە، قارسىلاسپاۋعا، سەرىكتەسۋگە، وداقتاسپاۋعا تاباندى بولىپ، بەيبىتشىلىككە حاۋىپ توندىرەتىن جانە ونى بۇلدىرەتىن ءار ءتۇرلى ۇنامسىز فاكتورلارعا قول ۇستاسا توتەپ بەرۋىمىز كەرەك. شىن مانىندەگى كوپ جاقتىلىقتى امالياتتا ايگىلەپ، حالىقارالىق جانە وڭىرلىك ىستەردى كوپشىلىك اقىلداسىپ ىستەۋگە تاباندى بولۋىمىز كەرەك. جۇڭگو جاق زورەكەرلىك پەن وكتەمدىك ساياسيعا باتىل قارسى تۇرادى، توڭىرەكتەگى كورشى ەلدەرمەن ۇزاق ۋاقىت دوس، تاتۋ ءوتۋدى، ءوڭىردىڭ باياندى بەيبىتشىلىگىن بىرگە قورعاۋدى قالايدى. جۇڭگو جاق شىعىس وڭتۇستىك ازيا ەلدەرى وداعىنىڭ يادرولىق قارۋسىز رايون قۇرۋ قۇلشىنىسىن قولدايدى، «شىعىس وڭتۇستىك ازيا يادرولىق قارۋسىز رايون شارتى» كەلىسىمناماسىنا ەرتەرەك قول قويۋدى قالايدى.

  ەكىنشى، تىنىش مەكەندى بىرگە قۇرۋ. جاڭا تيپتى ايدارشا ۆيرۋس وكپە قابىنۋ ىندەتى دۇنيە جۇزىندە مۇلدە حاۋىپسىز وقشاۋ ارال جوق ەكەنىن، جالپى بەتتىك حاۋىپسىزدىك قانا شىنايى حاۋىپسىزدىك ەكەندىگىن تاعى ءبىر مارتە دالەلدەدى. جۇڭگو جاق ”جۇڭگو - شىعىس وڭتۇستىك ازيا ەلدەرى وداعى سالاماتتىق قالقانى“ سەلبەستىك باستاماسىن ىسكە قوسۋدى قالايدى: بۇل شىعىس وڭتۇستىك ازيا ەلدەرى وداعى مەملەكەتتەرىنە جاڭا تيپتى ايدارشا ۆيرۋس ۆاكسيناسىنان تاعى 150 ميلليون دوزانى تەگىن جاردەمگە بەرۋدى؛ شىعىس وڭتۇستىك ازيا ەلدەرى وداعىنىڭ ىندەتكە قارسى اتتانۋ قورىنا تاعى 5 ميلليون دوللار قوسىپ، ۆاكسينانى بىرلەسىپ ءوندىرۋ جانە تەحنيكانى وتكەرمەلەۋ سەرپىنىن ارتتىرىپ، شەشۋشى ءدارى - دارمەكتەردى زەرتتەۋ - جاساۋ سەلبەستىگىن ورىستەتۋدى؛ شىعىس وڭتۇستىك ازيا ەلدەرى وداعىنىڭ نەگىزگى ساتى الەۋمەتتىك دەنساۋلىق ساقتاۋ جۇيەسى قۇرىلىسىن جانە دارىندى باۋلۋدى كۇشەيتۋىنە كومەكتەسۋدى قامتيدى. ورتاق، كەشەندى، سەلبەسەتىن، باياندى حاۋىپسىزدىك كوزقاراسىنا تاباندى بولىپ، قورعانىس ىستەرى، لاڭكەستىككە قارسى تۇرۋ، تەڭىزدە بىرلەسىپ ىزدەۋ - قۇتقارۋ جانە جاتتىعۋ، مەملەكەت اتتاعان قىلمىستارعا سوققى بەرۋ، اپات كەزىندەگى باسقارۋ سياقتى سالالارداعى سەلبەستىكتى تەرەڭدەتۋ كەرەك. نانحاي تەڭىزىنىڭ ورنىقتىلىعىن بىرگە قورعاپ، نانحاي تەڭىزىن بەيبىتشىلىك تەڭىزىنە، دوستىق تەڭىزىنە، سەلبەستىك تەڭىزىنە اينالدىرۋ كەرەك.

  ءۇشىنشى، گۇلدەنگەن مەكەندى بىرگە قۇرۋ. مەن تاياۋدا العا قويعان الەمدىك دامۋ باستاماسى شىعىس وڭتۇستىك ازيا ەلدەرى وداعىنداعى مەملەكەتتەردىڭ دامۋ قاجەتىنە ۇيلەسەدى، «شىعىس وڭتۇستىك ازيا ەلدەرى وداعى ورتاق تۇلعاسىنىڭ بولاشاعى 2025»پەن سايكەسىپ ونىمدىلىكتى ارتتىرا الادى. جۇڭگو جاق الداعى 3 جىلدا شىعىس وڭتۇستىك ازيا ەلدەرى وداعىنا تاعى دا ءبىر ميلليارد 500 ميلليون دوللار دامۋ كومەگىن بەرىپ، شىعىس وڭتۇستىك ازيا ەلدەرى وداعىنداعى مەملەكەتتەردىڭ ىندەتكە قارسى اتتانۋىنا جانە ەكونوميكانى قالپىنا كەلتىرۋىنە پايدالانۋدى قالايدى. جۇڭگو جاق شىعىس وڭتۇستىك ازيا ەلدەرى وداعىمەن حالىقارالىق دامۋ سەلبەستىگىن ورىستەتىپ، جۇڭگو - شىعىس وڭتۇستىك ازيا ەلدەرى وداعى دامۋ ءبىلىم تورىن قۇرۋىنا قولداۋ كورسەتىپ، كەدەيلىكتى ازايتۋ سالاسىنداعى اۋىس - كۇيىستى، سەلبەستىكتى كۇشەيتىپ، بىركەلكى، سيىسىمدى دامۋدى جەبەۋدى قالايدى. جۇڭگو - شىعىس وڭتۇستىك ازيا ەلدەرى وداعى ەركىن ساۋدا رايونىنىڭ 3.0 نۇسقاسى قۇرىلىسىن ەرتەرەك باستاپ، ساۋدا مەن قارجى قوسۋدىڭ ەركىن، قولايلى بولۋ دەڭگەيىن جوعارىلاتىپ، سيفرلى ەكونوميكا، جاسىل ەكونوميكا سياقتى جاڭا سالالارداعى سەلبەستىكتى كەڭەيتىپ، ەكونوميكا - ساۋدانى جاڭالىق اشا دامىتۋدان ۇلگى كورسەتۋ باقشا رايونىن بىرگە قۇرۋدى قالايدى. جۇڭگو شىعىس وڭتۇستىك ازيا ەلدەرى وداعىنداعى مەملەكەتتەردىڭ ساپالى ونىمدەرىن اناعۇرلىم كوپ يمپورت ەتۋدى، جۇيەدەن، الداعى 5 جىلدا شىعىس وڭتۇستىك ازيا ەلدەرى وداعىنان 150 ميلليارد دوللارلىق اۋىل شارۋاشىلىق ونىمدەرىن يمپورت ەتۋگە كۇش سالۋدى قالايدى. ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ”ءبىر بەلدەۋ، ءبىر جول“ حالىقارالىق وندىرىستىك قۋات سەلبەستىگىنىڭ جوعارى ساپالى دامۋىنان ۇلگى كورسەتۋ رايونىن ىشكەرىلەي تۇلعالاپ، شىعىس وڭتۇستىك ازيا ەلدەرى وداعىنداعى مەملەكەتتەردىڭ حالىقارالىق قۇرلىق - تەڭىز ساۋداسىنىڭ جاڭا ارناسىن بىرگە اشۋعا ات سالىسۋىن قارسى الادى. جۇڭگو جاق عىلىم - تەحنيكادا جاڭالىق اشۋدى كۇشەيتۋ جوسپارىن باستاپ، شىعىس وڭتۇستىك ازيا ەلدەرى وداعىنا 1000 ءتۇرلى وزىق قولدانىلمالى تەحنيكا بەرەدى، الداعى 5 جىلدا شىعىس وڭتۇستىك ازيا ەلدەرى وداعىنداعى 300 جاس عالىمنىڭ جۇڭگوعا كەلىپ اۋىس - كۇيىس جاساۋىنا قولداۋ كورسەتەدى. سيفرلى جونگە سالۋ بويىنشا تىلدەسۋ ورىستەتىپ، سيفرلى تەحنيكانى جاسامپازدىقپەن قولدانۋدى تەرەڭدەتۋ تۋرالى باستاما كوتەرەدى.

  ءتورتىنشى، كورىكتى مەكەندى بىرگە قۇرۋ. جۇڭگو جاق شىعىس وڭتۇستىك ازيا ەلدەرى وداعىمەن كليمات وزگەرىسىنە توتەپ بەرۋ جونىندە تىلدەسۋ ورىستەتىپ، ساياساتتىق پىكىرلەسۋدى جانە تاجىريبەدەن ورتاق يگىلىكتەنۋدى كۇشەيتىپ، باياندى دامۋ جوباسىن ۇشتاستىرۋدى قالايدى. وڭىرلىك ەنەرگيادا بۇرىلىس جاساۋدى بىرگە ىلگەرىلەتىپ، تازا ەنەرگيا سەلبەستىك ورتالىعىن قۇرۋدى تالقىلاپ، تۋىندامالى ەنەرگيا تەحنيكاسىنان ورتاق يگىلىكتەنۋدى كۇشەيتۋ كەرەك. جاسىل فينانس جانە جاسىل قارجى قوسۋ سەلبەستىگىن كۇشەيتىپ، ءوڭىردىڭ تومەن كومىر قىشقىل گازدى باياندى دامۋىنا تىرەك ازىرلەۋ كەرەك. جۇڭگو جاق جۇڭگو مەن شىعىس وڭتۇستىك ازيا ەلدەرى وداعىنىڭ اۋىل شارۋاشىلىعىن جاسىل دامىتۋ ارەكەت جوسپارىن باستاۋدى قالايدى. جۇڭگو - شىعىس وڭتۇستىك ازيا ەلدەرى وداعى مەملەكەتتەرىنىڭ تەڭىز - مۇحيت عىلىم - تەحنيكاسىن بىرلەسىپ زەرتتەۋ - اشۋ ورتالىعىنىڭ ومىرشەڭدىك كۇشىن ارتتىرىپ، كوك ءتۇستى ەكونوميكالىق سەرىكتەستىك قاتىناس ورناتىپ، تەڭىز - مۇحيتتىڭ باياندى دامۋىن جەبەۋدى قالايدى.

  بەسىنشى، دوستىق مەكەنىن بىرگە قۇرۋ. بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى جالپى ادامزاتقا ورتاق قۇندىلىقتاردى دارىپتەپ، ىندەتتەن كەيىن ادامداردىڭ بارىس - كەلىسىن تارتىپپەن قالپىنا كەلتىرۋدى بەلسەنە ويلاستىرىپ، مادەنيەت، ساياحات، پاراسات قويماسى، مەديا، ايەلدەر سياقتى سالالارداعى اۋىس - كۇيىستى ۇزدىكسىز ىلگەرىلەتۋ كەرەك. جۇڭگو جاق شىعىس وڭتۇستىك ازيا ەلدەرى وداعىمەن كاسىپتىك وقۋ - اعارتۋ، وقۋ ماعلۇماتىن ءوزارا مويىنداۋ سياقتى سەلبەستىكتەردى كۇشەيتۋدى، جۇڭگو - شىعىس وڭتۇستىك ازيا ەلدەرى وداعى ۇزدىك جاستار وقۋ سيلىعىنىڭ سانىن كوبەيتۋدى قالايدى. كەلەر جىلى ءبىز بەيجيڭ قىسقى وليمپيادا سپورت جارىسى مەن حاڭجوۋ ازيا سپورت جارىسىن ىركەس - تىركەس قارسى الامىز، جۇڭگو جاق وسىنى وراي ەتىپ، شىعىس وڭتۇستىك ازيا ەلدەرى وداعىنداعى مەملەكەتتەرمەن دەنە تاربيە اۋىس - كۇيىسىن، سەلبەستىگىن تەرەڭدەتۋدى قالايدى.

  شي جينپيڭ سوڭىندا بىلاي دەپ باسا دارىپتەدى: جۇڭگودا بۇرىنعىلار: ”ادىلەتتى مۇرات ەتكەندەر جەڭىسكە جەتەدى، حالىققا سۇيەنگەندە ءىس، ءسوز جوق، تابىستى بولادى“ دەگەن ەكەن. حالىقتىڭ تاماشا تۇرمىسقا تالپىنىسىن كوكەيىمىزدە ساقتاپ، بەيبىتشىلىكتى قورعاۋ، دامۋدى جەبەۋ سىندى داۋىرلىك بورىشتى ارقالاپ، قول ۇستاسا العا باسىپ، جالعاستىرا كۇرەس جۇرگىزىپ، اناعۇرلىم تىعىز جۇڭگو - شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرىپ، اناعۇرلىم گۇلدەنگەن، تاماشا ءوڭىر مەن دۇنيە ءجۇزىن بىرگە قۇرايىق!

  شىعىس وڭتۇستىك ازيا ەلدەرى وداعىنا كەزەكتى ءتوراعا ەل برۋنەيدىڭ سۇلتانى حاسسانال باسشىلار ءماجىلىسىن بىرگە باسقاردى. كامبودجانىڭ باس ءۋازىرى حۇڭسىن، يندونەزيانىڭ زۇڭتۇڭى جوكو، لاوستىڭ مەملەكەت ءتوراعاسى تۇڭلۇن، مالايزيانىڭ زۇڭليى يسمايل، فيليپپيننىڭ زۇڭتۇڭى دۋتەرت، سينگاپۋردىڭ زۇڭليى لي شيانلۇڭ، تايلاندتىڭ زۇڭليى بايۇي، ۆيەتنامنىڭ زۇڭليى فان ميڭجىڭ ماجىلىسكە قاتىناستى. شىعىس وڭتۇستىك ازيا ەلدەرى وداعىنىڭ باس حاتشىسى لين يۇيحۇي قاتىناستى.

  شىعىس وڭتۇستىك ازيا ەلدەرى وداعىنداعى مەملەكەتتەردىڭ باسشىلارى جۇڭگو جاقتىڭ شىعىس وڭتۇستىك ازيا ەلدەرى وداعى - جۇڭگو تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ءماجىلىسىن باسقارىپ اشقاندىعىنا العىس ايتىپ، جۇڭگو كوممۋنيستىك پارتياسىنىڭ 100 جىلدىق مەرەيتويىن، سونداي - اق جاپپاي دوڭگەلەك داۋلەتتى قوعام ورناتۋ سياقتى كەرەمەت تابىستارعا قول جەتكىزگەندىگىن قۇتتىقتادى. ولار مىنالاردى ءبىلدىردى: شىعىس وڭتۇستىك ازيا ەلدەرى وداعى مەن جۇڭگو تىلدەسۋ قارىم - قاتىناسىن ورناتقان 30 جىلدان بەرى ەكى جاق ەڭ جان - جاقتى، ەڭ ماندىك مانگە يە، بارىنشا ءوزارا پايدا جەتكىزەتىن، تەڭ يگىلىككە كەنەلەتىن ستراتەگيالىق سەرىكتەستەر بولىپ دامىپ، شىعىس وڭتۇستىك ازيا ەلدەرى وداعى ورتاق تۇلعاسى قۇرىلىسىن پارمەندى جەبەپ، ەكى جاق حالقىنا ناقتى پايدا جەتكىزدى. شىعىس وڭتۇستىك ازيا ەلدەرى وداعى جۇڭگو جاقتىڭ شىعىس وڭتۇستىك ازيا ەلدەرى وداعىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا، ىندەتتەن كەيىن ەكونوميكانى قالپىنا كەلتىرۋدى جەبەۋگە ەڭ الدىمەن پارمەندى قولداۋ كورسەتكەندىگىن القايدى ءارى وعان العىس ايتادى. شىعىس وڭتۇستىك ازيا ەلدەرى وداعى جۇڭگو جاق العا قويعان الەمدىك دامۋ باستاماسىن قارسى الادى، جۇڭگو جاقپەن بىرگە ”ءبىر بەلدەۋ، ءبىر جول“ باستاماسى مەن «شىعىس وڭتۇستىك ازيا ەلدەرى وداعىنىڭ ۇلاسۋ - تۇتاسۋ جالپى تۇلعالىق جوباسىن 2025» جەدەل ۇشتاستىرىپ، سەلبەستىكتىڭ كومەسكى قۋاتىن ونان ارى جارىققا شىعارىپ، ءار سالاداعى ناقتى سەلبەستىكتى تەرەڭدەتىپ، گۋمانيتارلىق اۋىس - كۇيىستى كۇشەيتۋدى قالايدى. شىعىس وڭتۇستىك ازيا ەلدەرى وداعىنداعى مەملەكەتتەر جۇڭگو جاقپەن كوپ جاقتىلىقتى، كوپ جاقتى ساۋدا ءتۇزىلىسىن، سونداي - اق جاپپاي مويىندالعان حالىقارالىق زاڭ پرينسيبىن بىرگە قورعاپ، وڭىرلىك ەكونوميكانىڭ ءبىر تۇلعالانۋىن قول ۇستاسا جەبەپ، كليمات وزگەرىسى سياقتى الەمدىك سىن - سايىستارعا بىرگە توتەپ بەرىپ، جاسىل، باياندى دامۋدى جۇزەگە اسىرۋدى قالايدى. شىعىس وڭتۇستىك ازيا ەلدەرى وداعىنداعى مەملەكەتتەردىڭ باسشىلارى مىنالاردى ءبىلدىردى: شىعىس وڭتۇستىك ازيا ەلدەرى وداعى مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىن رەسمي ورناتۋى ەكى جاقتىڭ قارىم - قاتىناسىنداعى ماڭىزدى تاريحي مانگە يە بەلەس، شىعىس وڭتۇستىك ازيا ەلدەرى وداعى جۇڭگو جاقپەن بىرگە قۇلشىنىپ، جان - جاقتى سەلبەستىكتى كۇشەيتىپ، شىعىس وڭتۇستىك ازيا ەلدەرى وداعى مەن جۇڭگونىڭ قارىم - قاتىناسىنىڭ اناعۇرلىم تاماشا 30 جىلىن قارسى الىپ، ءوڭىردىڭ بەيبىتشىلىگىنە، ورنىقتىلىعىنا جانە گۇلدەنىپ - كوركەيۋىنە اناعۇرلىم زور ۇلەس قوسۋدى قالايدى. بەيجيڭ قىسقى وليمپيادا سپورت جارىسىنىڭ تولىق تابىستى بولۋىن تىلەيمىز.

  باسشىلار ءماجىلىسى «جۇڭگو - شىعىس وڭتۇستىك ازيا ەلدەرى وداعى تىلدەسۋ قارىم - قاتىناسىن ورناتقاندىعىنىڭ 30 جىلدىعىن ەسكە ءتۇسىرۋ باسشىلار ءماجىلىسىنىڭ بىرلەسكەن مالىمدەمەسىن» ماقۇلدادى.

  ديڭ شۋەشياڭ، ياڭ جيەچى، ۋاڭ ي، حى ليفىڭ باسشىلار ماجىلىسىنە قاتىناستى.

جاۋاپتى رەداكتور: بەردىقان مۇراتقان ۇلى