12 جاستاعى بالادان 77 مىڭ يۋاندى الداپ اكەتكەن

  شينحۋا اگەنتتىگىنىڭ ءتىلشىسى جوۋ ۋىنچۇڭ 11 – ايدىڭ 18 – كۇنى چۇڭچيڭنان حابارلايدى. توپقا قوسىلىپ، ينتەرنەت ويىنىن بەزەندىرۋ دەتالىن تەگىن ساتىپ الۋعا بولادى دەگەن اقپارات الدامكوستەردىڭ شىرعاسى بولۋى مۇمكىن. جۋىردا چۇڭچيڭ قالالىق قوعام حاۋىپسىزدىگى مەكەمەسى با-نان بولىمشە مەكەمەسى كامەلەتكە تولماعاندارعا باعىتتالعان ينتەرنەت، تەلەگراف ارقىلى الدامكوستىك جۇرگىزۋ دەلوسىن انىقتاعان، كامەلەتكە تولماعان بالا QQ توبىنا قوسىلىپ، ينتەرنەت ويىنىن بەزەندىرۋ دەتالىن تەگىن الۋعا بولادى دەگەن جارناماعا سەنىپ، وسىنىڭ سالدارىنان اتا – اناسىنىڭ بانكە كارتۋچكاسىنداعى اقشانى الدامكوستەر ۇرلاپ اكەتكەن.

  چۇڭچيڭ قالالىق قوعام حاۋىپسىزدىگى مەكەمەسى با-نان بولىمشەسى لۇڭجوۋ – ۋان ساقشى باسقارماسىنىڭ حالىق ساقشىسى لو ساقشى وفيتسەرىنىڭ ايتۋىنشا، بيىل 8 – ايدا اتالعان ساقشى باسقارماسى قاراماعىنداعى رايونداعى تۇرعىندار مالىمدەگەن دەلونىڭ ءجىپ ۇشىن تاپسىرىپ الادى، ايتۋعا قاراعاندا، مالىمدەۋشىنىڭ 12 جاستاعى قىزى ينتەرنەتتەگى كەسكىندە ايتىلعان جارناماعا سەنىپ، QQ توبىنا قوسىلىپ، ينتەرنەت ويىنىن بەزەندىرۋ دەتالىن الماق بولعان، ناتيجەدە اتا – اناسىنىڭ 77 مىڭ يۋان اقشاسى ۇرلانعان.

  تەكسەرۋگە قاراعاندا، زيانعا ۇشىراۋشى QQ توبىنا قوسىلعان سوڭ، توپتاعى ينتەرنەت ويىنىن بەزەندىرۋ دەتالىن «جولداۋشى» وعان: «بۇل قيمىل باستىسى ەرەسەكتەرگە ارنالعان، كامەلەتكە تولماعاندار بەزەندىرۋ دەتالىن ىسكە قوسۋ كودىنا يە بولۋ ءۇشىن، اتا – اناسىنىڭ نەمەسە قامقورشىسىنىڭ ۋيچاتىمەن ەكى ولشەمدى كودتى جايمالاۋى كەرەك»، — دەگەن. ينتەرنەتتەگى ويىندى بەزەندىرۋگە اسىققان بالا قولفونمەن تاپسىرما ورىندايمىن دەگەندى سىلتاۋ ەتىپ، اناسىنىڭ قولفونىن سۇراپ العان. سوڭىنان، «جولداۋشى» جىبەرگەن تالاپتارعا ساي، ەكى ورىندى كودتى جايمالاۋ سياقتى تالاپتاردى ورىنداعان، ناتيجەدە مەڭگەرۋدىڭ دۇرىس بولماعانى جونىندە ەسكەرتۋ كەلىپ، تىركەلگىنىڭ مۇزداتىلعانى ايتىلعان. بالا اتا – اناسىنىڭ ءبىلىپ قويۋىنان الاڭداعان ورايدان پايدالانىپ، «جولداۋشى» وعان «تەحنيكالىق شەشىم ەتۋ قىزمەتكەرىنىڭ» QQ ءنومىرىن قوسىپ، الىستان مەڭگەرۋ ارقىلى شەشىم ەتۋگە بولاتىنىن ايتقان. قىلمىس كۇماندىسى دەرەۋ الىستان مەڭگەرۋ ارقىلى بالانىڭ شەشەسىنىڭ نەسيە كارتۋچكاسى مەن حۋابەي تىركەلگىسىنەن پايدالانىپ، ونى 77 مىڭ يۋان زيانعا ۇشىراتىپ كەتكەن.

  ساقشى جاقتىڭ تەكسەرۋ ارقىلى بايقاۋىنشا، چۇڭچيڭدا وسى تەكتەس الدامكوستىك دەلوسى كوپ رەت تۋىلعان، زيانعا ۇشىراۋشىلاردىڭ كوبى 9 جاستان 14 جاسقا دەيىنگى كامەلەتكە تولماعان بالالار.

   لو ساقشى وفيتسەرىنىڭ تانىستىرۋىنشا، اتالعان قىلمىس كۇماندىسى تۇراعىن ۇنەمى وزگەرتىپ وتىرعان ءارى سىمسىز ينتەرنەت اتىن وزدىگىنەن قالىپتاستىراتىن قۇرىلعى ارقىى سەگنال قاينارىنىڭ ورنىن وزگەرتىپ، قوعام حاۋىپسىزدىگى ورگانىنىڭ سوققى بەرۋىنەن تاسالانعان. جۋىردا با-نان ساقشى جاعى لي X باستاعان الدامكوستىك توبىنداعى 3 ادامدى قولعا ءتۇسىرىپ، ناق مايداندا دەلوعا قاتىستى 518 مىڭ 800 يۋان اقشانى، سونداي – اق الدامكوستىككە پايدالانعان 70 نەشە قولفوندى قولعا تۇسىرگەن. قازىر دەلوعا قاتىستى ادامداردىڭ بارلىعىنا ساقشى جاق قىلمىستىق ىستەر بويىنشا ءماجبۇرلى شارالار اتقارعان، دەلو قازىر ىشكەرىلەي تەكسەرىلۋدە.

جاۋاپتى رەداكتور: بەردىقان مۇراتقان ۇلى