جابايى شوشقانىڭ سانى كۇرت ارتتى! كوپ جەر اۋلاۋ ارقىلى سانىن تىزگىندەۋ بۇيرىعىن شىعاردى

     جۋىرداعى جىلداردان بەرى، تابيعي ورماندى قورعاۋ، ەگىستىك جەردى قايتارىپ، ورمان وتىرعىزۋ، تابيعي قورىقتاردى قۇرۋ جانە جابايى حايۋاناتتاردى، وسىمدىكتەردى قورعاۋ قاتارلى ءبىرقىدىرۋ ينجەنەريالاردىڭ اتقارىلۋىنا بايلانىستى، جابايى حايۋاناتتار تىرشىلىك ەتەتىن ەكولوگيالىق ورتانىڭ ساپاسى ۇزدىكسىز جاقساردى، جابايى شوشقا قاتارلى جابايى حايۋاناتتار سانى ۇزدىكسىز ارتتى.

    ەندى ءبىر جاعىنان ايتقاندا، جابايى شوشقانىڭ كوبەيۋ قۋاتى كۇشتى، قاتارعا قوسىلۋ مولشەرى جوعارى، ۇيلەسۋ اۋماعى كەڭ، الايدا، جابايى شوشقانىڭ جولبارىس، قابىلان، ايۋ قاتارلى قاس جاۋلارىنىڭ سانى ءبىرشاما از بولعاندىقتان، كەيبىر جەرلەردە جابايى شوشقانىڭ سانى كۇرت ارتقان. تەك سىچۋان ولكەسى تۇڭجياڭ اۋدانىندا، العاشقى ساناققا قاراعاندا، 2020 – جىلى بۇكىل اۋدان بويىنشا جابايى شوشقانىڭ سانى 20000 نان اسقان.

    جىل باسىنان بەرى، مەملەكەتتىك ورمان شارۋاشىلىعى جانە جايىلىم مەكەمەسى جياڭشي قاتارلى 14 ولكەدە جابايى شوشقانىڭ زيانىنان ساقتانۋ جانە ونى تىزگىندەۋ قىزمەتىن جان – جاقتى سىناق ەتۋدى ورىستەتىپ، جەر – جەردەن جابايى شوشقانىڭ زياندىلىعىنا تەكسەرۋ جانە ساراپتاۋ جۇرگىزۋدى، اۋلاۋ، جوتكەپ تەجەۋ ارەكەتتەرىن ۇيىمداستىرىپ ورىستەتۋدى تالاپ ەتكەن.

     شانشي ولكەلىك ورمان شارۋاشىلىعى مەكەمەسى 7 – ايدا حابارلاندىرۋ شىعارىپ، جابايى شوشقانى اۋلاۋ ۋاقىتىن بۇرىنعى 8 ايدان 2 ايعا قىسقارتقان؛ سىچۋان ولكەسى تۇڭجياڭ اۋدانى 2021 – جىلدىڭ سوڭىنا دەيىن 750 جابايى شوشقانى اۋلاۋدى جوسپارلاعان؛ انحۇي ولكەسى جينجاي اۋدانى جەرگىلىكتى ورىنداعى قىستاق تۇرعىندارىنان ۇيىمداسقان 20 ادامدىق اۋلاۋ اترەتىن ۇيىمداستىرىپ، كەلەسى جىلى 1 – ايدىڭ 31 – كۇنىنەن بۇرىن 200 جابايى شوشقانى اۋلاۋ سىندى شەكتى سانداعى نىسانانى ورىنداۋدى جوسپارلاعان.

جاۋاپتى رەداكتور: بەردىقان مۇراتقان ۇلى