15ـ كەزەكتى شينجياڭ قىسقى ساياحات كورمەسىنىڭ دايىندىق جۇمىستارى قاۋىرت جۇرىلۋدە

  اۋا تەمپەراتۋراسىنىڭ تومەندەۋىنە بايلانىستى، جۇرت نازارىن اۋدارعان 15-كەزەكتى شينجياڭ قىسقى ساياحات كاسىبى ساۋدا كورمەسى مەن 2021-جىلعى جۇڭگو باتىس سولتۇستىك ساياحات تيجاراتى جينالىسىنىڭ ٴتۇرلى دايىندىق قىزمەتتەرى قاۋىرت جۇرگىزىلۋدە.15-كەزەكتى شينجياڭ قىسقى ساياحات كورمەسى جانە 2021-جىلعى جۇڭگو باتىس سولتۇستىك ساياحات تيجاراتى جينالىسى 11-ايدىڭ 27-كۇنىنەن 29-كۇنىنە دەيىن، كوكتوعاي اۋدانى مەن ٴۇرىمجى قالاسىندا ٴبىر ۋاقىتتا وتكىزىلەدى، قىسقى ساياحات، قار-مۇز سپورتى سياقتى نىسان ساۋدا تۇعىرىن ۇزدىكسىز قۇرىپ، قىسقى ساياحات پەن قار-مۇز سپورتىنىڭ ومىرشەڭدىك كۇشىن ارتتىرادى.”15-كەزەكتى شينجياڭ قىسقى ساياحات كورمەسى جانە 2021-جىلعى جۇڭگو باتىس سولتۇستىك ساياحات تيجاراتى جينالىسىن وتكىزۋدەگى ماقسات: جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتىپ، ’ 300 ميلليون ادامنىڭ قار-مۇز سپورتىنا قاتىناسۋ‘ ۇندەۋىنە بەلسەنە ٴۇن قوسىپ، 2022-جىلعى بەيجيڭ قىسقى وليمپياداسىنا دەم بەرىپ، ’شينجياڭ جاقسى جەر‘ ماركاسىن ايگىلەۋ. بۇل ج ك پ اۆتونوميالى رايوندىق 10-قۇرىلتايى اياقتاعاننان كەيىن، التاي ايماعى وتكىزگەن بۇكىل شينجياڭداعى كولەمى ەڭ ۇلكەن مادەنيەت ـ ساياحات، ساۋدا قيمىلى بولىپ، اۆتونوميالى رايوندىق پارتكومنىڭ، ۇكىمەتتىڭ التاي ايماعىنا دەگەن وسكەلەڭ سەنىمىن تولىق ايگىلەدى. ٴبىز ٴبىر جاعادان باس، ٴبىر جەڭنەن قول شىعارىپ، بىرگە قۇلشىنىپ، ەڭ ەرەكشەلىككە يە، ەڭ جاسامپاز، ەڭ ىقپالدى وسى جينالىستى ويداعىداي وتكىزۋگە قۇلشىنامىز“،-دەدى التاي ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ٴۋاليى ليۋ نايجۇن.

  كەزەكتەگى ىندەتتەن ساقتانۋ-تىزگىندەۋ قاجەتىنە نەگىزدەلىپ، بۇل رەتكى جينالىس جەلىدە جانە جەلىدەن تىس ٴوزارا ۇشتاستىرۋ تاسىلىمەن وتكىزىلەدى.كوكتوعاي اۋدانى 11-ايدىڭ 10-كۇنى، 15-كەزەكتى شينجياڭ قىسقى ساياحات كورمەسى مەن 2021-جىلعى جۇڭگو باتىس سولتۇستىك ساياحات تيجاراتى جينالىسىن ۇستىنە العان قوناقجايلاردىڭ قىزمەتكەرلەرىن جان-جاقتى تاربيەلەدى، وسىدان بۇرىندا كوكتوعاي اۋدانىنىڭ ورگان ىستەرىنە قىزمەت وتەۋ ورتالىعى قوناق ٴۇي قىزمەتكەرلەرىن تاربيەلەۋدى تالاي رەت ورىستەتكەن بولاتىن. سونىمەن بىرگە، كوكتوعاي اۋدانى شينجياڭنىڭ قىسقى ساياحات كورمەسىنىڭ الدىنداعى ازىق ـ تۇلىك حاۋىپسىزدىگىن قامتاماسىز ەتۋ قىزمەتىن كۇش سالا جاقسى ىستەدى.كوكتوعاي اۋداندىق بازار باقىلاۋ-باسقارۋ مەكەمەسى اس-سۋ كاسىپورىندارىن نازاريالىق جاقتان تاربيەلەپ، ناق مايداندا تەكسەرۋ جۇرگىزىپ، جينالىس كەزىندە جولاۋشىلاردىڭ ازىق-تۇلىك حاۋىپسىزدىگىنە تاماشا نەگىز قالادى.قازىر كوكتوعاي اۋداندىق كوركەمونەر ۇيىرمەسىنىڭ بارلىق ارتيستەرى قاربالاس جاتتىعۋ جاساپ، تارتىمدى كونسەرت نومىرلەرىن قويۋعا قۇلشىنۋدا. ” ٴبىز 11-ايدىڭ 27-كۇنى كەشتە كوكتوعاي قالاشىعى تاراتى قىستاعىندا بۇكىل ەلدىڭ جەر-جەرىنەن كەلگەن ساياحاتشىلارعا الاۋ سالتاناتىن سيلايمىز“،-دەدى كوكتوعاي اۋداندىق كوركەمونەر ۇيىرمەسىنىڭ باستىعى تامارا. سول كەزدە ساياحاتشىلار جەرگىلىكتى ورىننىڭ ەرەكشە ٴدامدى تاعامدارىنان ٴدام تاتىپ، ۇلتتىق سالت-سانانى سەزىنۋمەن بىرگە، الاۋ ساۋىق كەشىنىڭ ناق مايدانىنا جينالىپ، تارتىمدى ويىنداردى تاماشالاپ، الاۋ ٴبيىن بيلەپ، ٴان ايتىپ، ٴداستۇرلى ۇلتتىق سالت-سانا مادەنيەتىنىڭ قۇدىرەتىن سەزىنەدى.

  اۋدارعان: جانار قاناپيا قىزى

  جاۋاپتى رەداكتور: مەيرامگۇل مۇسىنات قىزى

جاۋاپتى رەداكتور: بەردىقان مۇراتقان ۇلى