جالپى ٴماجىلىس رۋحىن ۇيرەندى، دايەكتىلەندىردى

  ءوز ءتىلشىمىز قۇرمانگۇل جەڭىسبەك قىزى حابارلايدى. پارتيا 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحى التاي ايماعىنداعى ٴار ۇلت كادرلارى مەن بۇقاراسى اراسىندا ۇزدىكسىز كۇشتى اڭىس قوزعادى. كوپشىلىك جالپى ٴماجىلىستىڭ رۋحىمەن ٴامالياتقا سانالى تۇردە جەتەكشىلىك ەتىپ، سەنىمدى ونان ارى بەكەمدەپ، قيىندىقتاردى جەڭىپ، ٴوز قىزمەتىن تياناق ەتىپ، ۇدەرە العا تارتىپ، التاي ەكونوميكاسىنىڭ جوعارى ساپالى دامۋىنا تىڭ ۇلەس قوساتىندىقتارىن ٴبىلدىرىستى.

  11-ايدىڭ 19-كۇنى، التاي قالاسى قىزىلتاس قالاشىعى سارقامىس قىستاعىنداعى قالىڭ كادرلار مەن بۇقارا ٴبىر اراعا باس قوسىپ، پارتيا 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەندى. جاقىنعى كۇندەرى، التاي قالاسى اۋىل ( قالاشىق ) باسشىلارىن قىستاققا( الەۋمەتتىك اۋماققا ) ءتۇسىرىپ، پارتيا 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇگىتتەپ، ٴاربىر بۇقارانىڭ جۇرەگىنە تەرەڭ ۇيالاتتى.

  التاي راديو-تەلەۆيزيا ستانسياسىنىڭ سارقامىس قىستاعىندا تۇراتىن ٴبىرىنشى شۋجيى، قىزمەت اترەتىنىڭ باستىعى قاينار اسكەرقان ۇلى بىلاي دەدى : ”ٴبىز اۋىل-قىستاقتى گۇلدەندىرۋ جولىندا ۇزدىكسىز قۇلشىنىپ، بۇقارا ٴۇشىن ناقتى، يگى ىستەر ىستەپ، ولاردىڭ تۇرمىسىن ٴتىپتى دە جاقسارتۋعا قۇلشىنامىز“.

  قىستاق تۇرعىنى مامىربەك مايقارىن ۇلى بىلاي دەدى :”قازىر بەيقۇت ۇيدە تۇرىپ، قۇبىر سۋىن ءىشىپ جاتىرمىز، ەگىنشىلىككە قوسىمشا قاراجات تاراتىپ، بالنيتساعا جاتساق ەسەپتەن كوتەرەدى، تۇرمىسىمىز بارعان سايىن جاقسارۋدا، ساقا پارتيا مۇشەسى رەتىندە، پارتيا 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن دەر كەزىندە ۇيرەنىپ، پارتياعا العىس ايتۋ، پارتياعا ىلەسۋ، پارتيانىڭ سوزىنە قۇلاق اسۋ بەكىمىمىزدى اناعۇرلىم بەكەمدەدىك، سونىمەن بىرگە تۇرمىسىمىزدىڭ جىلدان ـ جىلعا جاقسارا تۇسەتىندىگىنە كامىل سەنەمىز“.

  بيىل جىل باسىنان بەرى، ايماق اۋىل-قىستاقتى گۇلدەندىرۋدەن ۇلگى كورسەتەتىن قالاشىق قۇرۋدى العا قويدى، التاي قالاسى قىزىلتاس قالاشىعى اۋىل-قىستاقتى دامىتۋ جوباسى نەگىزىندە، 3 ۇلكەن بازا قۇرۋ، 10 كاسىپ سالاسىن جوعارىلاتۋ، 5 گۇلدەنىپ-كوركەيۋدى جەبەۋ سىندى سەرىكتەسىپ سۇيەمەلدەۋ وي جەلىسىن بەلگىلەدى.

  التاي قالاسى قىزىلتاس قالاشىعى پارتكومىنىڭ ورىنباسار شۋجيى، قالاشىق باستىعى قوجى حالەل ۇلى بىلاي دەدى : ”پارتيا 19-كەزەكتى ورتالىق كوميتەتى التىنشى جالپى ٴماجىلىسىنىڭ رۋحىنىڭ جەتەكشىلىگىندە، اۋىل-قىستاقتى گۇلدەندىرۋ قىزمەتىن بەلسەنە جاقسى ىستەپ، قاتىناسى قولايلى، ورتاسى كوركەم بولۋ سياقتى باسىمدىقتارعا سۇيەنىپ، قىزىلتاس قالاشىعىن جاسىل اۋىل شارۋاشىلىق قوسىمشا ونىمدەرىن ٴوندىرۋ-ساتۋ بازاسى، اۋىل-قىستاق مادەنيەت ساياحاتىنان ۇلگى كورسەتۋ بازاسى، كورىكتى اۋىل-قىستاق قۇرۋدان ۇلگى كورسەتۋ بازاسى سىندى 3 ۇلكەن بازا، 8 ٴىرى كاسىپ ەتىپ قۇرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم جوعارىلاتامىز“.

  اۋدارعان: جانار قاناپيا قىزى

  جاۋاپتى رەداكتور: مەيرامگۇل مۇسىنات قىزى

جاۋاپتى رەداكتور: بەردىقان مۇراتقان ۇلى