پارتيانىڭ سوزىنە ماڭگى قۇلاق اسىپ، جاڭا داۋىرگە ۇلەس قوسايىق

  التاي گازەتىنىڭ جالپىلىق اقپارات قۇرالداردى ءتىلشىسى حۋ جۇنشيۋ، ەرىكتى ءتىلشى يىڭ شينۋي حابارلايدى. جاقىنعى كۇندەردەن بەرى، التايدا تۇراتىن ازاتتىق ارميا مەن قارۋلى ساقشى بولىمدەرىنىڭ كوماندير-جاۋىنگەرلەرى تۇرلى تاسىلىمەن پارتيا 19-كەزەكتى ورتالىق كوميتەتىنىڭ التىنشى جالپى ماجىلىسىندە قاراپ ماقۇلدانعان «ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى قارارىن» مۇقيات ۇيرەندى. كوماندير–جاۋىنگەرلەر ءبىر اۋىزدان بىلاي دەدى: يدەيا مەن ارەكەتتى جالپى ءماجىلىستىڭ رۋحىمەن، پارتيا ورتالىق كوميتەتى مەن باس شۋجي شي جينپيڭنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، مۇرات-سەنىمدى بەكەمدەپ، جاڭا داۋىردەگى شايقاسقا دايىندالۋ، شايقاس جاساۋ قابىلەتىن جەدەل جوعارىلاتىپ، جاڭا داۋىردەگى جاڭا جورىقتا اناعۇرلىم ۇلى جەڭىس پەن داڭققا قول جەتكىزۋگە قۇلشىنامىز.

  التاي بولىمشە اسكەري رايونى ءمالىم شەكارا قورعانىس تۋانى دارقان شەكارا قورعانىس ليانىنىڭ مۇزتاۋ قاراۋىلى جىل بويى جۇڭگو — قازاقستان شەكاراسىنىڭ 1-شەبىندەگى شارلاۋ مىندەتىن ارقالاپ كەلەدى. بۇل قاراۋىل شارلاۋ بارىسىنداعى دەمالىس ارەدىگىنەن تولىق پايدالانىپ جاۋىنگەرلەردى پارتيا 19 ـ كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋگە ۇيىمداستىردى. التاي بولىمشە اسكەري رايونى ءمالىم شەكارا قورعانىس تۋانىنىڭ ساياسي كوميسسارى لي يۇيجۋ بىلاي دەدى: جالپى ءماجىلىس ەكىنشى 100 جىلدىق كۇرەس نىساناسىن جۇزەگە اسىرۋ دابىلىن قاعىپ، كوماندير-جاۋىنگەرلەردى ”ءتورت تانىمدى“ سانالى تۇردە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيالىق نەگىزدى ۇزدىكسىز بەكەمدەپ، حاۋىپ-قاتەردەن قورىقپاۋعا، كەدەرگىلەرگە توتەپ بەرۋگە ىنتالاندىردى.

  ــ جاڭا داۋىردەگى ساياسي كادر بولعان مەن قىزمەتىمدى ويداعىداي ىستەۋمەن بىرگە، اسكەري ادامنىڭ شايقاسقا دايىندالۋ قابىلەتىن جوعارىلاتىپ، وتانىم مەن حالقىمدى قورعايمىن،-دەدى التاي بولىمشە اسكەري رايونى ءمالىم شەكارا قورعانىس تۋانى قىزمەتتى قامتاماسىزداندىرۋ ليانىنىڭ جەتەكشىسى شيان تيانچىڭ.

  التاي بولىمشە اسكەري رايونى ءمالىم شەكارا قورعانىس تۋانى قىزمەتتى قامتاماسىزداندىرۋ ليانىنىڭ ينفورماتسيا تەرەزەلىگىنەن ءتىلشى كوماندير-جاۋىنگەرلەردىڭ ارميانى قۇدىرەتتەندىرۋ تورابى، ۇيرەنۋدە قۋاتتى ەل APP ى قاتارلىلاردان پايدالانىپ، پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنگەندىگىن كوردى. التاي بولىمشە اسكەري رايونى ءمالىم شەكارا قورعانىس تۋانى قولباسشىلىق ەتۋ، حابارلاسۋ ليانىنىڭ 4-دارەجەلى باس سەرجانتى ساۋ شياڭ بىلاي دەدى: جالپى ءماجىلىس پارتيامىزدىڭ 100 جىلدىق كۇرەسىنىڭ كەلەلى تابىسى مەن تاريحي تاجىريبەلەرىن قورىتىندىلادى. نەگىزگى ساتىداعى قولباسشى بولعان مەن ءوز قىزمەت ورنىمدا تابان تىرەپ، كاسىپتىك ونەرگە قاجىرلىلىقپەن جاتتىعىپ، جەڭىسكە جەتۋ قابىلەتىمدى جوعارىلاتىپ، ارميانى قۇدىرەتتەندىرۋ، ارميانى كوركەيتۋ ءۇشىن كۇش-قۋاتىمدى ارنايمىن.

  جاقىنعى كۇندەردەن بەرى، قارۋلى ساقشى شينجياڭ باس اترەتىنىڭ التاي تارماق اترەتى ۇيرەنۋ تاسىلىندە جاڭالىق اشىپ، ۇيرەنۋگە جەتەكشىلىك ەتۋ، شوعىرلى ۇيرەنۋ، اۋىس-كۇيىس جاساۋ، ينتەرنەتتە ۇيرەنۋ، راديودا تاراتۋ قاتارلىلار ارقىلى بارلىق كوماندير-جاۋىنگەرلەردى پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋگە ۇيىمداستىردى. قارۋلى ساقشى شينجياڭ باس اترەتىنىڭ التاي تارماق اترەتى قامتاماسىزداندىرۋ ۇلكەن اترەتى ساقشى، مىندەت وتەۋ ورتا اترەتى پارتيا ياچەيكاسىنىڭ شۋجيى چىن جيە بىلاي دەدى: جالپى ءماجىلىستىڭ رۋحىن ۇيرەنگەننەن كەيىن، كوماندير-جاۋىنگەرلەردىڭ پارتيانىڭ سوزىنە قۇلاق اسۋ، پارتياعا ىلەسۋ ساياسي سەنىمى اناعۇرلىم بەكەمدەلدى، قىزمەت ورنىندا تابان تىرەپ، قىزمەتتى تىڭعىلىقتى ىستەۋ تەبىنى اناعۇرلىم كۇشەيدى. ءبىز پارتيانىڭ باسشىلىعىنا بۇلجىماي ىلەسىپ، ەكىنشى 100 جىلدىق كۇرەس نىساناسىنا قاراي ەرلىكپەن العا باسامىز.

  ءبىر كۇندىك جاتتىعۋ اياقتاعاننان كەيىن قارۋلى ساقشى شينجياڭ باس اترەتىنىڭ التاي تارماق اترەتى موتورلى 2-ورتا اترەتىنىڭ جاۋىنگەرى سۇلتانمامۇت قول تەلەفون ارقىلى پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ سالتاناتتى جاعدايىن تاعى ءبىر رەت تىڭدادى. ول بىلاي دەدى: جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان جولىنا قادام تاستادى. بۇل ارميامىزدىڭ جاڭا داۋىردەگى بورىش-مىندەتىن اتقارۋىنا اناعۇرلىم جوعارى تالاپ قويدى. مەن بۇدان بىلاي قۇلشىنا ۇيرەنىپ، قاجىرلىلىقپەن جاتتىعىپ، مەملەكەتتىڭ گۇلدەنىپ-كوركەيۋىنە ۇلەس قوسامىن.

  قارۋلى ساقشى التاي تارماق اترەتىنىڭ ساياسي قىزمەت باسقارماسى ۇگىت، قورعاۋ ءبولىمىنىڭ مايورى، ءبولىم باستىعى حى گوحۋا بىلاي دەدى: ءبىز بۇدان كەيىن پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، مۇرات-سەنىمدى بەكەمدەپ، اۋەلگى ماقساتتى، بورىشتى ەستە بەرىك ساقتاپ، پارتيا تاپسىرعان ءتۇرلى مىندەتتەردى تابىسپەن ورىندايمىز.

جاۋاپتى رەداكتور: بەردىقان مۇراتقان ۇلى