وسى رەتكى ىندەت جاعدايى سوڭعى كەزەڭگە ءوتتى

 جالپى تۇلعالىق جاقتان سوڭعى كەزەڭگە ءوتتى

  مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ 11-ايدىڭ 20-كۇنى، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپارات جاريالاۋ ماجىلىسىندە بىلاي دەدى: قازىرگە دەيىن وسى رەتكى جەرگىلىكتى ىندەت جاعدايى شارپىعان ولكەلەر ىشىندە، 8 ولكەدە ءۇرتىس 14 كۇننەن استام ۋاقىت دياگنوزى تۇراقتانعان جەرگىلىكتى ناۋقاس بايقالمادى. ىجينا، حيحى، داليان سياقتى شەكاراداعى وتكەل قالالاردىڭ ىندەت جاعدايى ءارى تەز، ءارى ءونىمدى تۇردە تەجەلدى. كوپتەگەن ولكەلەر ءبىر رەتكى جاسىرىن مەزگىلىندىك ۋاقىتتا-اق ىندەت جاعدايىن شاۋجايلاپ ۇلگىردى. بۇكىل ەل بويىنشا وسى رەتكى ىندەت جاعدايى جالپى تۇلعالىق جاقتان سوڭعى كەزەڭگە ءوتتى.

  ەلىمىزدىڭ جاڭا تيپتى ايدارشا ۆيرۋس ۆاكسيناسىن ەگۋ جۇمىسى 1 ميلليارد 225 ميلليون ادامدى قامتىدى

  مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى ۋ لياڭيوۋ 11-ايدىڭ 20-كۇنى، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپارات جاريالاۋ ماجىلىسىندە بىلايشا تانىستىردى: 11-ايدىڭ 19-كۇنىنە دەيىن، ەلىمىزدىڭ جاڭا تيپتى ايدارشا ۆيرۋس ۆاكسيناسىن ەگۋ جۇمىسى 1 ميلليارد 225 ميلليون ادامدى قامتىدى. ۆاكسينا ەگۋ جۇمىسىنىڭ تۇتاس بارىسىن اياقتاتقان ادام سانى 1 ميلليارد 76 ميلليون ادام بولىپ، ادامدار توبىنىڭ قامتىمى جەكە-جەكە %86.9 جانە %76.3 كە جەتتى، ال، ۆاكسينانىڭ كۇشەيتپەلى دوزاسىن ەكتىرگەن ادام سانى 65 ميلليون 730 مىڭ ادامعا جەتىپ، جاڭا تيپتى ايدارشا ۆيرۋستىڭ تارالۋىن توسۋ، سالماقتى اۋرۋلاردىڭ تۋىلۋىنان ساقتانۋ قاتارلىلاردا ماڭىزدى رول اتقاردى.

  ىندەتتىڭ سىرتتان كىرۋىنەن ساقتانۋدىڭ ءبىرىنشى قورعانىس شەبىن ويداعىداي قورعاۋ كەرەك

  مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى مي فىڭ 11-ايدىڭ 20-كۇنى، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپارات جاريالاۋ ماجىلىسىندە بىلاي دەدى: تاياۋدا بۇكىل جەر شارىنداعى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە شالدىققاندىعىنا تىڭنان دياگنوز قويىلعان ادام سانى ءۇرتىس 5 اپتا بويىنا ءورشۋ كۇيىندە بولدى دا، ەلىمىزدىڭ ىندەتتىڭ سىرتتان كىرۋىنەن ساقتانۋ قىسىمى دا ۇزدىكسىز ارتتى. قازىر اتقارىلىپ وتىرعان ىندەتتەن ساقتانۋ شارالارىن جالعاستى بەكەمدەۋ جانە تياناقتاندىرۋمەن بىرگە، شەكارا وتكەلى رايوندارىنىڭ ساقتانۋ-تىزگىندەۋ قۋاتى قۇرىلىسىن كۇشەيتىپ، ىندەتتىڭ سىرتتان كىرۋىنەن ساقتانۋدىڭ ءبىرىنشى قورعانىس شەبىن ويداعىداي قورعاپ، «تورتتە ەرتە بولۋ» تالابىن تياناقتاندىرىپ، ىندەت جاعدايى بايقالا قالعاندا-اق كوزىن قۇرتىپ وتىرۋدى باتىل ورىنداپ، بۇقارانىڭ ءوندىرىسى مەن تۇرمىسىنا جاسايتىن ىقپالىن مۇمكىندىكتىڭ بارىنشا ازايتۋ كەرەك.

جاۋاپتى رەداكتور: بەردىقان مۇراتقان ۇلى