مۇنداي جاعدايدا ارىز بەرۋشىنىڭ ءوزى قىلمىس قالىپتاستىرۋى مۇمكىن

  [زاڭ ۇگىتى] جوۋ X ازاماتتىق ىستەر بويىنشا ارىز – شاعىم بەرۋ بارىسىندا كوپ رەت جالعان بايانداۋ جاساپ، دەلوداعى نەگىزگى فاكتتەردى ويدان قيىستىرعان، بۇل ىسپاتتى ويدان قيىستىرۋ، حالىق سوتىنىڭ دەلونى تەرگەۋىنە كەدەرگى بولۋ ارەكەتىنە جاتادى، وسى سەبەپتەن حالىق سوتى ازاماتتىق ىستەر ارىز – شاعىم زاڭىنىڭ قاتىستى بەلگىلەمەلەرىنە ساي، وعان اقشالاي ايىپ سالعان.

  مۇنان سىرت، ەلىمىزدىڭ قىلمىستىق ىستەر زاڭىندا بىلاي دەپ بەلگىلەنگەن: فاكتتى ويدان قيىستىرۋ ارقىلى ازاماتتىق ارىز – شاعىم بەرىپ، ءادىليالىق تارتىپكە كەدەرگىلىك جاساسا نەمەسە باسقالاردىڭ زاڭدى ۇقىق – مۇددەسىنە اۋىر زيان جەتكىزسە، 3 جىلدان تومەن مەرزىمدى قاماق جازاسىنا، قاماققا الۋ نەمەسە باقىلاۋعا الۋ جازاسىنا ۇكىم ەتىلەدى ءارى قوسارلاي نەمەسە ايىرىم تۇردە اقشالاي ايىپ سالىنادى؛ زاردابى اۋىر بولعاندار 3 جىلدان جوعارى 7 جىلدان تومەن مەرزىمدى قاماق جازاسىنا ۇكىم ەتىلەدى ءارى اقشالاي ايىپ سالىنادى.

  بۇل دەلودا جوۋ X دەلوعا قاتىستى قارىزدىڭ جوعارى ءوسىمدى قارىزدان تۋىنداعان زاڭعا قايشى بەرەشەك ەكەنى، ونىڭ ۇستىنە A سەرىكتەستىكتىڭ قارىزعا العان نەگىزگى قارجى مەن ونىڭ زاڭدى ءوسىمىن قايتارعانى سىندى فاكتتى قاساقانا جاسىرىپ، حالىق سوتىنا ارىز – شاعىم بەرىپ، A سەرىكتەستىكتەن ءىس جۇزىندە وتەپ بولعان قارىزدى تولەۋدى تالاپ ەتكەن. جوۋ X دىڭ ارەكەتى «ويدان قيىستىرعان فاكت بويىنشا ازاماتتىق ىستەرگە ساياتىن ارىز – شاعىم بەرۋگە» جاتادى، جالعان ارىز – شاعىم دەپ تۇراقتاندىرۋ كەرەك.

  سۋديا بىلاي دەپ قارادى: قارىز بەرۋشى قارسى جاقتىڭ قارىزدى تولىق تولەپ بولعانى سىندى فاكتتى جاسىرىپ، حالىق سوتىنا ازاماتتىق ىستەرگە ساياتىن ارىز – شاعىم بەرگەندىكتەن، ونى زاڭ بويىنشا جازالاۋ كەرەك، قىلمىس كۇمانىنا ساياتىن بولسا، ءجىپ ۇشتارىن دەر كەزىندە بارلاۋ – تەكسەرۋ ورگاندارىنا جوتكەپ بەرۋ كەرەك، كاسىپتىك قارىز بەرۋشى قاتارلىلاردىڭ جالعان ارىز – شاعىم بەرۋ ارقىلى زاڭعا قايشى جوعارى سومادا وسىمگە يە بولۋىنان ساقتانۋ قاجەت.

جاۋاپتى رەداكتور: بەردىقان مۇراتقان ۇلى