جەكەلەردىڭ ينفورماتسياسىن قورعاۋ زاڭى رەسمي اتقارىلدى

   «جەكەلەردىڭ ينفورماتسياسىن قورعاۋ زاڭى» 11 - ايدىڭ 1 - كۇنىنەن باستاپ رەسمي اتقارىلدى. بۇل زاڭ 8 تاراۋ، 74 تارماقتان قۇرالعان، مۇندا جەكەلەردىڭ ينفورماتسياسى مەن جەكەلەردىڭ سەزىمتال ينفورماتسياسىن ٴبىرجاقتى ەتۋ ەرەجەسى ايقىندالىپ، جەكەلەردىڭ ينفورماتسياسىن قورعاۋ جونىندەگى ارىز - شاعىم، اشكەرەلەۋ قىزمەت مەحانيزمى كەمەلدەندىرىلىپ، زاڭعا قايشى ارەكەتتەر قاتاڭ جازالانىپ، ينفورماتسيا حاۋىپسىزدىگى جان - جاقتى قورعالدى. ءارقانداي ۇيىمنىڭ، جەكەنىڭ باسقالاردىڭ جەكە ينفورماتسياسىن زاڭسىز جيناۋىنا، پايدالانۋىنا، وڭدەۋىنە، تاسىمالداۋىنا بولمايدى. باسقالاردىڭ جەكە ينفورماتسياسىن زاڭسىز ساۋدالاۋىنا، بەرۋىنە نەمەسە جاريا ەتۋىنە بولمايدى؛ جەكە ينفورماتسيانى ءبىر جاقتى ەتۋشى جەكەلىك ينفورماتسيادان پايدالانىپ اۆتوماتتى شەشىم جاسايدى، جەكەلەردىڭ ساۋدا باعاسى سياقتى ساۋدا شارت - جاعدايىندا ۇيلەسىمسىز پارىقتى مامىلە جاساۋىنا بولمايدى؛ ماڭىزدى ينتەرنەت تەكشەلەرىنە قىزمەت وتەۋمەن، تۇتىنۋشىلار ەرەكشە سانى كوپ، كاسىپ ءتۇرى كۇردەلى جەكەلىك ينفورماتسيانى ءبىرجاقتى ەتۋشىلەرمەن قامدايدى، جاريا، ءادىل بولۋ پرينسيبىنە بويسۇنۋ كەرەك، تەكشە ەرەجەسىن جاساپ، تەكشە ىشىندە ونىمدەردى نەمەسە قىزمەت وتەۋشىلەردىڭ جەكە ينفورماتسيانى ءبىرجاقتى ەتۋىن ارناعا ءتۇسىرۋ جانە قورعاۋ بورىشىن ايقىنداۋ كەرەك. (ءتىلشى باي ياڭ)

جاۋاپتى رەداكتور: بەردىقان مۇراتقان ۇلى