ساياسي كەڭەس ايماقتىق قىزمەت كوميتەتى اڭگىمە ءماجىلىس وتكىزدى

  التاي گازەتىنىڭ جالپىلىق اقپارات قۇرالدارى ءتىلشىسى ياڭ ۋيشۋان حابارلايدى. 11-ايدىڭ 19-كۇنى ساياسي كەڭەس ايماقتىق قىزمەت كوميتەتى 4-ماۋسىمداعى كەڭەس اڭگىمە ءماجىلىسىن وتكىزىپ، «جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىن ىشكەرىلەي توعىستىرايىق» ارناۋلى تاقىرىبىن توڭىرەكتەي وتىرىپ كەڭەس وتكىزىپ، اۋىس-كۇيىس جاسادى. ايماقتىق پارتكومنىڭ شۋجيى جاڭ يان ماجىلىسكە قاتىناستى ءارى ءسوز سويلەدى. ساياسي كەڭەس ايماقتىق قىزمەت كوميتەتى پارتگرۋپپاسىنىڭ شۋجيى گاۋ جىگو ماجىلىسكە قاتىناستى، ساياسي كەڭەس ايماقتىق قىزمەت كوميتەتى پارتگرۋپپاسىنىڭ ورىنباسار شۋجيى، مەڭگەرۋشىسى باقىت ينايات ۇلى ءماجىلىستى باسقاردى.

  وسى رەتكى ءماجىلىستىڭ ماقساتى ـــ باس شۋجي شي جينپيڭنىڭ جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن، 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جانە اۆتونوميالى رايوندىق 10-رەتكى پارتيا قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىن دامىتۋدىڭ تىڭ جاعدايىن قۇلشىنا اشۋ. بيىل ساياسي كەڭەس ايماقتىق قىزمەت كوميتەتى ”جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىن ىشكەرىلەي توعىستىرۋدى جەبەۋدى“ «ساياسي كەڭەس ايماقتىق قىزمەت كوميتەتى پارتگرۋپپاسىنىڭ 2021-جىلعى قىزمەت تۇيىنىنە» كىرگىزىپ بيىلعى ماڭىزدى كەڭەس تاقىرىبى رەتىندە جەبەدى. ساياسي كەڭەس ايماقتىق قىزمەت كوميتەتى باس بولىپ، ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسى، دەنساۋلىق ساقتاۋ جانە سالاماتتىق كوميتەتى قاتارلى قاتىستى تاراۋلاردىڭ (ورىنداردىڭ) نەگىزگى جاۋاپتىلارىنان تەكسەرۋ-زەرتتەۋ گرۋپپاسىن قۇرىپ، ءبىر ءبولىم اۋداندارعا (قالاعا) بارىپ، جوعارىدا ايتىلعان تاقىرىپ جونىندە تەكسەرىپ-زەرتتەپ، كوزدەن كەشىردى. ماجىلىستە ايماقتاعى قاتىستى تاراۋلاردىڭ (ورىنداردىڭ) جاۋاپتىلارى پىكىر الماستىرىپ ءسوز سويلەدى. التاي قالاسىنىڭ، بۋرىلتوعاي اۋدانىنىڭ ساياسي كەڭەس ۋاكىلدەرى ماجىلىستە ءسوز سويلەدى، ساياسي كەڭەس ايماقتىق قىزمەت كوميتەتىنىڭ جانە اكىمشىلىك مەكەمەسىنىڭ قاتىستى باسشىلارى نەگىزگى تاقىرىپتا ءسوز سويلەدى جانە جاۋاپ قايتاردى، گاۋ جىگو پوزيتسيا ءبىلدىردى.

  جاڭ يان ايماقتاعى قاتىستى تاراۋلاردىڭ (ورىنداردىڭ) «جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىن ىشكەرىلەي توعىستىرۋدى جەبەيىك» دەگەن ارناۋلى تاقىرىپتا ورىستەتكەن تەكسەرۋ ـ زەرتتەۋىن تولىق تۇراقتاندىرىپ مىنالاردى تالاپ ەتتى: ايماقتاعى ءار دارەجەلى قاتىستى تاراۋلار (ورىندار) ”ءىرى سالاماتتىق“ قىزمەتىن ويداعىداي ورىستەتۋدى نىسانا، ”جالپى حالىقتىڭ سالاماتتىعى“ دەڭگەيىن دانەكەر ەتىپ، نەگىزگى ساتىنىڭ ەمدەۋ قوسىنى قۇرىلىسىن ۇزدىكسىز كۇشەيتىپ، نەگىزگى ساتىداعى بۇقارانىڭ ناۋقاستانسا كورىنە الۋىنا، ناۋقاسىن كورسەتە الۋىنا، ناۋقاسىن ويداعىداي ەمدەتە الۋىنا كەپىلدىك ەتۋ كەرەك. عىلمي، ۇيلەسىمدى، قۇرىلعىلارى تولىق بولۋعا كەپىلدىك ەتىپ، شىندىقتى ءىس جۇزىنەن ىزدەپ، جەرگىلىكتى جاعدايعا قاراي ءىس ىستەپ، بۇقارا ۇناتاتىن سپورت قيمىلدارىنىڭ تياناقتانىپ، جەمىس بەرۋىنە مۇمكىندىك ازىرلەۋ قاجەت. مەكتەپتەر دەنەتاربيە قيمىلدارىن جەرگىلىكتى جاعدايعا قاراي ورىستەتىپ، وقۋ-اعارتۋدىڭ تەڭگەرىلمەلى دامۋىن جەبەۋ كەرەك. قاتىستى تاراۋلار (ورىندار) قىسقا ۋاقىت ىشىندە اتقارۋعا بولاتىن جوبانى جەدەل تياناقتاندىرىپ، ۇزاق ۋاقىتتىق جوبانى ويداعىداي جاساپ، حالىق تۇرمىسىنا جاناسىمدى بولۋعا، حالىققا قىزمەت وتەۋگە كەپىلدىك ەتۋ ءتيىس.

  جاڭ يان مىنالاردى اتاپ كورسەتتى: ءار دارەجەلى ساياسي كەڭەس ۇيىمدارى پارتيانىڭ باسشىلىعىن اناعۇرلىم كۇشەيتىپ، ”ءتورت تانىمدى“ ۇزدىكسىز كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”ساياسي كەڭەس ۇيىمى ساياسي ۇيىم، ساياسي كەڭەس ورگانى ساياسي ورگان“ بولۋ تانىمىن نەعۇرلىم كۇشەيتىپ، حالىقتىق ساياسي كەڭەس قىزمەتىنىڭ دۇرىس ساياسي باعىتتى بويلاپ العا باسۋىنا كەپىلدىك ەتۋ كەرەك. ساياسي كەڭەس جورالارى باس شۋجي شي جينپيڭنىڭ ساياسي كەڭەس جورالارى جونىندە العا قويعان ”ساياسي كەڭەستى ءتۇسىنۋ، ءماسليحاتتاسا ءبىلۋ، تارتىپكە بويسۇنۋ، قاعيدانى دارىپتەۋ، مىنەز-قۇلىققا ءمان بەرۋ“ تالابىن مۇقيات امالياتتا ايگىلەپ، ايماقتىڭ دامۋ قاجەتىنە ۇيلەسەتىن ساياسي كەڭەس جورالارى قوسىنىن جەدەل قۇرۋ قاجەت. ءبىرىنشى، كوكەيدە پارتيا بولۋ كەرەك. پارتيانىڭ باسشىلىعىندا اقىل-كەڭەس بەرۋ قىزمەتىن ورىستەتۋدى ەستە بەرىك ساقتاپ، اۆتونوميالى رايوندىق پارتكوم العا قويعان قوعام ورنىقتىلىعى، ىندەتتەن ساقتانۋ-تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانى جوعارى ساپالى دامىتۋ قاتارلى ءتۇرلى ءتۇيىندى قىزمەتتى ويداعىداي ىستەۋ جونىندەگى تالاپتارىن توڭىرەكتەي وتىرىپ مىندەت جاۋاپكەرلىگىن ايقىنداپ، ءتارتىپتى قاتايتىپ، مىندەت جاۋاپكەرلىگىن ويداعىداي ادا ەتىپ، اقىل-كەڭەس بەرىپ، پارتيانىڭ باسشىلىعىندا رولىن اناعۇرلىم ويداعىداي ساۋلەلەندىرۋ كەرەك. ەكىنشى، ساياسي نازاريالىق ورەنى جوعارىلاتۋ ءتيىس. باس شۋجي شي جينپيڭنىڭ حالىقتىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى مەن جەلىلەس ماڭىزدى سوزدەرىنىڭ، نۇسقاۋىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ماڭىزدى ورىنعا قويىپ، نازاريا ۇيرەنۋدى تەرەڭدەتۋ، يدەيانى قارۋلاندىرۋدى كۇشەيتۋ ارقىلى قىزمەتتە جاڭالىق اشۋدى ونان ارى ىلگەرىلەتىپ، ساياسي كەڭەس قىزمەتىنىڭ ساپاسىن جاقسارتۋ كەرەك. ۇيرەنۋدى كۇشەيتۋدى باستان-اياق ساباقتاستىرىپ، ساياسي نازاريانى ىشكەرىلەي ۇيرەنىپ، مۇرات-سەنىمدى بەكەمدەپ، ساياسي كەڭەستىڭ نازارياسىن ىشكەرىلەي ۇيرەنىپ، جەتە ءتۇسىنىپ، جاندى قولدانىپ، نازاريالىق ورەنى ۇزدىكسىز ءوسىرىپ، ساياسي كەڭەس قىزمەتىنىڭ مامانى بولۋ كەرەك. ءۇشىنشى، ءوز باسىنان باستاپ كاسىپتىك ۇيرەنۋدى كۇشەيتىپ، ءوز قىزمەتىن تياناق ەتىپ، اقىل-كەڭەس بەرۋ قابىلەتى مەن دەڭگەيىن جوعارىلاتىپ، حالىقتى وزەك ەتىپ، قىزمەت جاۋاپكەرلىگىن ادا ەتۋ قاجەت. پارتيا مەن مەملەكەتتىڭ وزەكتى مىندەتىن، سونداي-اق قالىڭ حالىق بۇقاراسىنىڭ تاماشا تۇرمىسقا دەگەن تالپىنىسى مەن تالابىن ارقاۋ ەتىپ، شىنايى اقىل-كەڭەس بەرىپ، ايماقتىق پارتكوم مەن اكىمشىلىك مەكەمەسىنىڭ اناعۇرلىم كوپ رەفورما جەتىستىكتەرىنەن قالىڭ حالىق بۇقاراسىنىڭ يگىلىكتەنۋىنە كومەكتەسۋ كەرەك.

  ماجىلىستە مىنالار تالاپ ەتىلدى: ايماقتاعى ءار دارەجەلى ساياسي كەڭەس ۇيىمى، ساياسي كەڭەس جورالارى جانە ساياسي كەڭەس قىزمەتكەرلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا تاريحىن ۇيرەنۋ تاربيەسىمەن ۇشتاستىرىپ، پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن، ورتالىقتىڭ ۇلت قىزمەتى ءماجىلىسىنىڭ رۋحىن، 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جانە اۆتونوميالى رايوندىق 10-رەتكى پارتيا قۇرىلتايىنىڭ رۋحىن، سونداي-اق ءتۇرلى ماڭىزدى ءماجىلىس رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە-ءدال دايەكتىلەندىرۋ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ساياسي تۇرعىنى ۇزدىكسىز جوعارىلاتىپ، جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىن ىشكەرىلەي توعىستىرۋدىڭ ماڭىزدى ءمانىن جەتە تانىپ، پارتكوم مەن ۇكىمەتتىڭ بۇل قىزمەتتى ويداعىداي يگەرۋىنە، شىنايى يگەرۋىنە، ەگجەي-تەگجەيلى يگەرۋىنە، ناتيجە شىعارۋىنا بەلسەنە كومەكتەسۋ كەرەك. يدەيالىق ساياسي جەتەكشىلىكتى كۇشەيتۋدى، ورتاق تانىمدى كەڭىنەن ۇيىستىرۋدى وزەكتى بۋىن ەتىپ، ارناۋلى كەڭەس قۇرىلىمىنىڭ رولىن تولىق ساۋلەلەندىرىپ، دالمە-ءدال اقىل-كەڭەس بەرىپ، قايراتتانا العا ۇمتىلاتىن رۋحاني كۇيمەن جانە ءونىمدى قىزمەتپەن پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ءتۇيىندى قىزمەت ورنالاستىرۋلارىن جانە ايماقتىق پارتكومنىڭ ”6635“ ستراتەگياسىنىڭ ەگجەي-تەگجەيلى تياناقتانۋىن بەلسەنە ىلگەرىلەتۋ، قالاسى اسەم، اۋىل-قىستاعى ىرىستى، كورىنىس رايونى كوركەم، قاتىناسى قولايلى، قۇرىلىمى ساپالى، اشىق ۇستالعان، سيىسىمدى، قىزمەت وتەۋى ماڭداي الدى، كوركەيىپ-گۇلدەنگەن، باي جاڭا داۋىردەگى ەكولوگيالى، وركەنيەتتى التاي قۇرۋ ءۇشىن ساياسي كەڭەستىڭ اقىل-پاراساتى مەن كۇش-قۋاتىن ارناۋ كەرەك.

  ساياسي كەڭەس ايماقتىق قىزمەت كوميتەتىنىڭ قىزمەت ورنىندا بار باسشىلارى، التايدا تۇراتىن اۆتونوميالى رايوندىق، اۆتونوميالى وبلىستىق ساياسي كەڭەس جورالارىنىڭ ۋاكىلدەرى، ساياسي كەڭەس ايماقتىق قىزمەت كوميتەتى جورالارىنىڭ ۋاكىلدەرى، اۋداندىق (قالالىق) ساياسي كەڭەستىڭ نەگىزگى باسشىلارى جانە ايماقتاعى قاتىستى تاراۋلاردىڭ (ورىنداردىڭ) باسشىلارى ماجىلىسكە قاتىناستى.

جاۋاپتى رەداكتور: بەردىقان مۇراتقان ۇلى