پارتيا تاريحىن ءتۇسىنىپ، العا ىلگەرىلەۋدىڭ كۇش-قۋاتىن توپتادى

  التاي گازەتىنىڭ جالپىلىق اقپارات قۇرالدارى ءتىلشىسى ياڭ ۋيشۋان حابارلايدى.

  بىرنەشە كۇننەن بەرى، پارتيا 19-كەزەكتى ورتالىق كوميتەتىنىڭ التىنشى جالپى ءماجىلىسى ايماقتاعى پارتيالى كادرلار مەن بۇقارا اراسىندا كۇشتى اڭىس قوزعادى. كوپشىلىك بىلاي دەدى: پارتيا 19-كەزەكتى ورتالىق كوميتەتىنىڭ التىنشى جالپى ءماجىلىسى پارتيامىزدىڭ قاجىرلىلىقپەن كۇرەس جاساپ ءار قايسى تاريحي كەزەڭدە قول جەتكىزگەن كەلەلى تاريحي جەتىستىكتەرىن ىشكەرىلەي، جان-جاقتىلى، جۇيەلى قورىتىندىلاپ، ەمتيحان بەرۋدىڭ جاڭا جولىن ويداعىداي باسۋىمىزعا باعىت سىلتەدى. كەزەكتە جانە بۇدان بىلايعى ءبىر مەزگىلدە جالپى ءماجىلىس رۋحىن ىشكەرىلەي ۇيرەنىپ دايەكتىلەندىرۋدى، اسىرەسە، باس شۋجي شي جينپيڭنىڭ ماڭىزدى ءسوزى رۋحىن كەلەلى ساياسي مىندەت ەتىپ، پارتيامىزدىڭ 100 جىلدىق كۇرەسىندەگى كەلەلى تابىستار مەن تاريحي تاجىريبەلەردى ىشكەرىلەي تانىپ، پارتيامىزدىڭ 100 جىلدىق تاريحىنان كۇش-قۋات قابىلداپ، اۋەلگى ماقسات پەن بورىشتى اناعۇرلىم باتىلدىقپەن، سانالىلىقپەن امالياتتا ايگىلەپ، جاڭا ءداۋىردىڭ تىڭ جورىعىندا تىڭ بەينە، تىڭ ىسكەرلىك كورسەتەمىز.

  حالىق قۇرىلتايى ايماقتىق قىزمەت كوميتەتى پارتگرۋپپاسىنىڭ ورىنباسار باس حاتشىسى، كەڭسە مەڭگەرۋشىسى حۋاڭ شىڭ بىلاي دەدى: جۇڭگو كوممۋنيستىك پارتياسى بۇكىل ەلدەگى ءار ۇلت حالقىن قاجىرلىلىقپەن ىستەپ، ەرلىكپەن العا ىلگەرىلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ىنتىماقتاستىرىپ باستادى. بۇدان كەيىن پارتيا 19-كەزەكتى ورتالىق كوميتەتىنىڭ التىنشى جالپى ءماجىلىسىن، ورتالىقتىڭ ۇلت قىزمەتى ءماجىلىسىن، اۆتونوميالى رايوندىق 10-رەتكى پارتيا قۇرىلتايى رۋحىن ىشكەرىلەي ۇيرەنۋ، دايەكتىلەندىرۋدى ۇزاق ۋاقىتتىق كەلەلى ساياسي مىندەت ەتىپ، ايماقتىڭ حالىق قۇرىلتايى قىزمەتىنىڭ جوعارى ساپالى دامۋىن بۇلجىتپاي جەبەپ، جاڭا داۋىردەگى حالىق قۇرىلتايى قىزمەتىندە جاۋاپكەرلىك سەزىمدى، بورىشتىلىق سەزىمدى اناعۇرلىم كۇشەيتىپ، حالىق قۇرىلتايى ايماقتىق قىزمەت كوميتەتىنىڭ جاڭا جاعدايىن كۇش سالا اشۋىمىز كەرەك.

  ايماقتىق پارتكوم اۋىل-قىستاق قىزمەتى كەڭسەسىنىڭ ورىنباسار مەڭگەرۋشىسى، ايماقتىق اۋىل شارۋاشىلىعى، اۋىل-قىستاق مەكەمەسى پارتگرۋپپاسىنىڭ شۋجيى جۇڭ كايجى بىلاي دەدى: پارتيانىڭ 100 جىلدىق كۇرەسىنەن قالاي جەڭىسكە جەتە العانىمىزدى، بولاشاقتا قايتكەندە وسى سۇبەلى تابىستاردى جالعاستىرا الاتىندىعىمىزدى سەزىندىك. پارتيا 19-كەزەكتى ورتالىق كوميتەتىنىڭ التىنشى جالپى ءماجىلىسى رۋحىن پارتيا تاريحىن ۇيرەنۋ تاربيەسىمەن، اۆتونوميالى رايوندىق 10-رەتكى پارتيا قۇرىلتايى رۋحىن ۇيرەنۋ، دايەكتىلەندىرۋمەن تىعىز ۇشتاستىرىپ، ”بۇقارا ءۇشىن ناقتى ءىس ىستەيمىن“ اتىنداعى امالياتتىق قيمىلدى جالعاستى ويداعىداي يگەرىپ، اۋىل شارۋاشىلىعىنىڭ جوعارى ساپالى دامۋىن جەبەيمىز.

  ايماقتىق ەمدەۋدى قامتاماسىزداندىرۋ مەكەمەسى پارتگرۋپپاسىنىڭ شۋجيى ياڭ شين-ۋ تىلشىگە: پارتيا 19-كەزەكتى ورتالىق كوميتەتىنىڭ التىنشى جالپى ءماجىلىسى پارتيامىزدىڭ 100 جىلدىق كۇرەس بارىسىندا قول جەتكىزگەن كەلەلى جەتىستىكتەرى مەن تاريحي تاجىريبەلەرىن جان-جاقتىلى، جۇيەلى قورىتىندىلاپ، بۇدان بىلايعى قىزمەتىمىزگە باعىت سىلتەدى. كەلەسى قادامدا حالىقتى وزەك ەتۋ سىندى دامۋ يدەياسىنا باستان-اياق تاباندى بولىپ، ۇزدىكسىز جاڭالىق جاراتىپ، ايماقتىڭ ەمدەۋدى قامتاماسىزداندىرۋ ىستەرىنىڭ جوعارى ساپالى دامۋىنا كۇش قوسامىن،-دەدى.

  ايماقتىق پارتكومعا توتە قاراستى ورگان قىزمەتى كوميتەتىنىڭ شۋجيى كۇڭ ۋيۋي تىلشىگە: پارتيا مەن حالىق 100 جىل كۇرەس جۇرگىزىپ جۇڭحۋا ۇلتىنىڭ نەشە مىڭ جىلدىق شۇعىلالى تاريحي پاراعىن جازدى. ساياسي ورگان رەتىندە، بۇدان كەيىن ورگان قىزمەتى كوميتەتى پارتيا 19-كەزەكتى ورتالىق كوميتەتىنىڭ التىنشى جالپى ءماجىلىسى رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ كەلەلى ءمانىن جىعا تانىپ، جالپى جاعدايعا قىزمەت وتەۋ جاعىندا ”باستاماشى“، دامۋعا قىزمەت وتەۋ جاعىندا ”اتويشى“، بۇقاراعا قىزمەت وتەۋ جاعىندا ”ونەگە“ بولىپ، بۇكىل ىنتا-پەيىلىمەن بۇقارا ءۇشىن ناقتى، يگى ىستەر ىستەپ، شينجياڭ قوعامىنىڭ ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى مىعىم كەپىلمەن قامدايدى،-دەدى.

جاۋاپتى رەداكتور: بەردىقان مۇراتقان ۇلى