جوعارى ساپالى دامۋدىڭ تىڭ داستانىن ءۇرتىس جازايىق

     التاي گازەتىنىڭ جالپىلىق اقپارات قۇرالدارى ءتىلشىسى يان شۋەجيە حابارلايدى . تۋ باعىتقا باستايدى، نىسانا ورتاق تانىمدى ۇيىستىرادى. جاقىندا عانا جابىلعان اۆتونوميالى رايوندىق 10-رەتكى پارتيا قۇرىلتايىندا وتكەن 5 جىلداعى كورنەكتى تابىستارعا ەسەپ جاسالىپ، بۇدان كەيىنگى 5 جىل عىلمي جوسپارلانىپ تىڭ كارتينا سىزىلدى. مۇندا، ”نازاردى باس نىساناعا شوعىرلاندىرىپ، حالىقتى وزەك ەتىپ ەكونوميكانىڭ جوعارى ساپالى دامۋىن ىلگەرىلەتەيىك“ دەپ ايقىن العا قويىلدى.

      اۆتونوميالى رايوندىق 10-رەتكى پارتيا قۇرىلتايىندا العا قويىلعان ۇلى كۇرەس نىساناسى ءبىزدىڭ قاجىماي-تالماي ۇزدىكسىز كۇرەس جاساۋىمىز ارقىلى جۇزەگە اسادى. ايماعىمىزداعى ءار دارەجەلى تاراۋلار (ورىندار) پارتيا قۇرىلتايىنىڭ رۋحىن دايەكتىلەندىرىپ، تياناقتاندىرىپ، اسا كۇشتى ىسكەرلىك، جاۋاپكەرلىك، تالپىنۋشىلىق ارقىلى ءتۇرلى قىزمەتتى تياناقتاندىرۋدى قاز-قالپىندا يگەرىپ، ۇلى نىسانانى كوركەم رەالدىققا اينالدىرۋ قاجەت.

       وتكەنگە قايىرىلا قاراساق، اۆتونوميالى رايوندىق 9 ـ رەتكى پارتيا قۇرىلتايىنان بەرگى 5 جىلدا التاي اسا كەرەمەت كۇرەس ساپارىن باسىپ ءوتتى. پارتيا ورتالىق كوميتەتى مەن اۆتونوميالى رايوندىق پارتكومنىڭ پارمەندى باسشىلىعىندا ايماقتىق پارتكوم پارتيا مۇشەلەرىن، كادرلاردى، بۇقارانى تىعىز ىنتىماقتاستىرىپ، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدىڭ تىڭ جاعدايىن اشتى. ”ساياحات كاسىبىن نەگىزگى تۇلعا ەتىپ، 1-كاسىپتى جەتەلەۋ، 2-كاسىپتى سۇيەمەلدەۋ“ دامۋ وي جەلىسىنە تاباندى بولىپ، 2017-جىلدان بەرى جيىنى 87 ميلليون 900 مىڭ ساياحاتشى (رەت) قابىلداپ، جىلدىق ورتاشا ارتۋ مولشەرى %45 بولدى، اسىرەسە، قىسقى ساياحات قارقىندى دامىپ، جىكپەلەڭ، كوكتوعاي، گەنەرال تاۋى سىندى 3 ءىرى قار شاڭعى دەمالىس رايونى باسەكەلەسە دامىپ، ”جەر ءجانناتى — قاناس، قارلى مەكەن — التاي“، ”ادامزاتتىڭ قار شاڭعى مەكەنى“ ايگىلى ماركاسى بارعان سايىن ايگىلەنىپ، قىسقى ساياحات التاي ەكونوميكاسى دامۋىنىڭ تىڭ ومىرشەڭدىك كۇشىنە اينالدى. وتە-موتە، 2020-، 2021- جىلعى قىس ماۋسىمىندا قابىلداعان ساياحاتشى سانى 6 ميلليون 240 مىڭ ادامعا (رەتكە) جەتىپ، ۇقساس مەزگىلدەگىدەن %67.9 ارتتى. 2020-جىلى ايماقتىڭ ءوندىرىس جالپى ءونىم قۇنى 33 ميلليارد 450 ميلليون يۋانعا، 2014-جىلعىنىڭ 1.45 ەسەسىنە جەتىپ، جىلدىق ورتاشا ارتۋ مولشەرى %6.4 بولدى؛ بەلگىلى كولەمنەن جوعارى ونەركاسىپتە ارتقان قۇن 7 ميلليارد 60 ميلليون يۋانعا جەتىپ، 2014-جىلعىنىڭ 1.23 ەسەسىندەي، جىلدىق ورتاشا ارتۋ مولشەرى %3.5 بولدى؛ 2014-جىلدان 2020-جىلعا دەيىن تۇراقتى مۇلىككە 13 ميلليون 520 مىڭ يۋان قارجى قوسىلىپ، جىلدىق ورتاشا ارتۋ مولشەرى %34.1 بولدى، ايماق ەكونوميكاسىنىڭ دامۋ ساپاسى اناعۇرلىم جوعارى، جىگەرى جالىندى، باياندى بولدى. بۇگىنگى التايدىڭ جاڭا كۇرەس نىساناسىن جۇزەگە اسىرۋعا نەگىزى، قۋاتى، شارت ـ جاعدايى بار، جاڭا ۇلى جەڭىستى قولعا كەلتىرۋ نەگىزى، سەنىمى، قابىلەتى تولىق دەپ ايتا الامىز.

        جاڭا ساپار جاڭا مىندەتتى ارقالايدى، جاڭا مىندەت جاڭا تالاپتاردى العا قويادى. بولاشاقتاعى 5 جىلدا اۋەلدەسەڭىز، بۇدان دا ۇزاق مەزگىلدە ستراتەگيالىق تۇراقتىلىقتى باستان-اياق ساقتاپ، ستراتەگيالىق جەتەكشىلىكتى كۇشەيتىپ، يدەيا مەن تانىمدى اۆتونوميالى رايوندىق 10-رەتكى پارتيا قۇرىلتايىنىڭ رۋحىمەن بىرلىككە كەلتىرىپ، اقىل-پاراسات پەن كۇش-قۋاتتى اۆتونوميالى رايوندىق 10-رەتكى پارتيا قۇرىلتايىندا تۇراقتاندىرىلعان ستراتەگيالىق وي جەلىگە، نىسانا-مىندەتتەرگە جانە ماڭىزدى شارالارعا شوعىرلاندىرىپ، حالىقتى وزەك ەتكەن دامۋ يدەياسىن باتىل دايەكتىلەندىرىپ، اۆتونوميالى رايوندىق 10 ـ رەتكى پارتيا قۇرىلتايىنىڭ ورنالاستىرۋلارى بويىنشا ءتۇرلى كەلەلى شارالاردىڭ تياناقتانۋىن، ناقتى ونىمدىلىككە جەتۋىن شىنايى مىقتى يگەرىپ، ايماق ەكونوميكاسىنىڭ جوعارى ساپالى دامۋىن ىلگەرىلەتۋىمىز كەرەك.

         بولاشاقتا ايماعىمىز جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىمەن توعىسىپ، ”6635“ ستراتەگياسىن بەلسەنە اتقارىپ، ”ساياحات كاسىبىن نەگىزگى تۇلعا ەتىپ، 1-كاسىپتى جەتەلۋ، 2-كاسىپتى سۇيەمەلدەۋ“ دامۋ وي جەلىسىنە تاباندى بولىپ، وسىزامانعى ساياحات كاسىبىن، وسىزامانعى ەگىن ـ مال شارۋاشىلىعى كاسىبىن، وتكەل ەكونوميكالىق بەلدەۋىن كۇش سالا دامىتادى. ”باستاپ كىرىسەتىن 10 ءىستى“ مىقتى يگەرۋ، وسىزامانعى ساياحات كاسىبىن دامىتۋ، اۋىل-قىستاقتاردى گۇلدەندىرۋدى كۇش سالا ىلگەرىلەتۋ، وتكەل ەكونوميكالىق بەلدەۋىن بەلسەنە قۇرۋ، تۇراقتى مۇلىككە قارجى قوسۋ تەبىنىن كۇشەيتۋ، رەفورمانى جاپپاي ىشكەرىلەتۋدى كورنەكتى يگەرۋ سىندى پارمەندى شارالار ارقىلى دامۋدىڭ ساپاسى مەن ونىمدىلىگىن ۇزدىكسىز جوعارىلاتىپ، جاڭا داۋىردەگى التاي ەكونوميكاسىنىڭ، قوعامىنىڭ جٶعارى ساپالى دامۋىنىڭ تىڭ داستانىن قۇلشىنا جازادى.

          التايداعى ءار ۇلت كادرلارى مەن بۇقاراسى اۆتونوميالى رايوندىق 10-رەتكى پارتيا قۇرىلتايىنىڭ رۋحىنا بەلسەنە ءۇن قوسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، تۇراقتىلىققا تاباندى بولىپ، باتىلدىقپەن جاۋاپكەرلىك ارقالاپ، ىسكەرلىك كورسەتىپ، تاباندىلىقپەن ىستەپ، قاجىرلىلىقپەن كۇرەسىپ، كوركەم بولاشاققا قۇلشىنا قول جەتكىزەدى.

جاۋاپتى رەداكتور: بەردىقان مۇراتقان ۇلى