جاڭا داۋىردەگى جولدى ويداعىداي باسايىق

       التاي گازەتىنىڭ جالپىلىق اقپارات قۇرالدارى ءتىلشىسى ياڭ ۋيشۋان حابارلايدى . پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ مازمۇنداماسى ايماعىمىزدىڭ مەملەكەت يەلىگىندەگى كاسىپورىنداردىڭ، فينانس كاسىپورىندارىنىڭ، مەكتەپتەردىڭ كادرلار اراسىندا قىزۋ اڭىس قوزعادى. كوپشىلىك ءبىر اۋىزدان بىلاي دەدى: كەزەكتە ءبىز ەكىنشى 100 جىلدىق كۇرەس نىساناسىنا قاراي قادام باستىق، مىندەتىمىز جاپالى، بورىشىمىز داڭقتى، جۇڭگو كوممۋنيستىك پارتياسى دەگەن نە، نە ىستەۋى كەرەك دەگەن ءتۇبىرلى ماسەلەنى ەستە بەرىك ساقتاپ، تاريحتى اينا ەتىپ، بولاشاققا جول اشىپ، قاجىرلىلىقپەن ىستەپ، ەرلىكپەن العا باسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ ۇلەس قوسامىز.

       شينجياڭ التاي ساياحات دامىتۋ توبى شەكتى سەرىكتەستىگى پارتكومىنىڭ شۋجيى، باس جوراسى يۇي گۋاڭپۋ بىلاي دەدى: پارتيانىڭ باسشىلىعىندا جۇڭگو ءبىرىنشى 100 جىلدىق كۇرەس نىساناسىن جۇزەگە اسىرىپ، تاسقىنداعان جىگەرمەن ەكىنشى 100 جىلدىق كۇرەس نىساناسىنا قاراي قادام تاستاۋدا. بۇدان كەيىن جالپى ءماجىلىس رۋحىن مۇقيات ۇيرەنىپ، دايەكتىلەندىرىپ، كاسىپورىننىڭ اناعۇرلىم ويداعىداي دامۋىن جەبەپ، جاڭا دامۋ ساتىسىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جۇلگەسىن قۇرىپ، ايماعىمىزدىڭ وڭىرلىك ساياحاتىنىڭ جوعارى ساپالى دامۋىنا كۇش قوسامىز.

      مەملەكەت تورابى التاي ەلەكترمەن قامداۋ سەرىكتەستىگى پارتكومىنىڭ شۋجيى، ورىنباسار باس ديرەكتورى حۋ چاڭشىڭ تىلشىگە: پارتيا 19 ـ كەزەكتى ورتالىق كوميتەتى التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلاپ، تاريحي سەنىمدى بەكەمدەۋ، تاريحي ۇلى ىستەردى جاراتۋداعى جويقىن كۇشتى ۇيىستىردى. مەملەكەت تورابى التاي ەلەكترمەن قامداۋ سەرىكتەستىگىنىڭ قىزمەتكەرلەرى پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ساياسي دەڭگەيدى جوعارىلاتىپ، ۇلى پارتيا قۇرۋ رۋحىن بارىنشا ساۋلەلەندىردى. كەلەسى قادامدا قىزمەتكەرلەر اقىل-پاراسات پەن كۇش-قۋاتتى ۇيىستىرىپ، تۇتاس جىلداعى قىزمەت نىساناسىن ساپالى، جوعارى ءونىمدى ورىنداپ، ”14-بەسجىلدىق“ جوبانى ويداعىداي باستايمىز،-دەدى.

     جۇڭگو بانكەسى التاي قالالىق ۋاڭحۋ الاڭى تارماق بانكەسىنىڭ جالپىلىق قىزمەت وتەۋ ديرەكتورى ليۋ جيە تىلشىگە: پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنىپ، ايرىقشا شابىت الدىم. فينانس قىزمەتكەرى بولعان مەن ولشەمگە، ۇلگىگە تۋرالانىپ، قايتا-قايتا ىشكەرىلەي ۇيرەنىپ، 100 جىلدىق پارتيا تاريحىنان اقىل-پاراسات پەن كۇش-قۋات قابىلداپ، قايراتتانا العا ۇمتىلۋ سىندى كۇرەسكەرلىك رۋحتى باستان-اياق ساقتاپ، ايماعىمىزدىڭ تيجارات ساۋدا ورتاسىن جالعاستى جاقسارتۋ ءۇشىن ۇلەس قوسامىن،-دەدى.

     بۋىرشىن اۋدانى بۋىرشىن قالاشىعى سىرلىكول جولى باستاۋىش مەكتەپ وقىتۋشىسى رانا ومىربەك قىزى تىلشىگە: وقىتۋشى بولعان مەن پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ اۋەلگى ماقساتتى ۇمىتپاي، ەكپىندى العا ىلگەرىلەپ، وقۋ ـ اعارتۋ قىزمەتىن ويداعىداي ىستەپ، مەملەكەت ەكونوميكاسىن دامىتۋ، مادەنيەتتى گۇلدەندىرۋ ءۇشىن قۇلشىنامىن،-دەدى.

       التاي قالالىق سەنترلى باستاۋىش مەكتەپ وقىتۋشىسى جياڭ يان تىلشىگە: پارتيا 19-كەزەكتى ورتالىق كوميتەتى التىنشى جالپى ءماجىلىسى «ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلداپ، تاريحتى قورىتىندىلاپ، قازىرگى جاعدايدى يگەرىپ، بولاشاققا كوز جىبەردى. بۇدان كەيىنگى قىزمەتتە ءوز قىزمەت ورنىمدا جالعاستى تاباندى بولىپ، وقۋشىلاردى ويداعىداي تاربيەلەپ، ءبىلىم بەرۋمەن بىرگە، يدەيا ءمورال تاربيەسىن ويداعىداي ىستەپ، وقۋشىلارعا ءومىردىڭ العاشقى قادامىن دۇرىس باسۋدى ۇيرەتەمىن،- دەدى.

جاۋاپتى رەداكتور: بەردىقان مۇراتقان ۇلى