اكىمشىلىك مەكەمەسى 83-رەتكى ۇنەمىلىك ىستەر ءماجىلىسىن اشتى

  التاي گازەتىنىڭ جالپىلىق اقپارات قۇرالدارى ءتىلشىسى حۋ جۇنشيۋ حابارلايدى. 11-ايدىڭ 16-كۇنى ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى جەڭىس قادىس ۇلى اكىمشىلىك مەكەمەسىنىڭ 83-رەتكى ۇنەمىلىك ىستەر ءماجىلىسىن باسقارىپ اشتى، قازىنالىق باقىلاۋ قىزمەتى جاعدايىنان جاسالعان مالىمەت تىڭدالدى، «التاي ايماعىنىڭ وتكەل ەكونوميكالىق بەلدەۋىن دامىتۋدىڭ ارناۋلى جوسپارى (2021 — 2035-جىلدارى» قاتارلى 8 ءتۇيىندى جوسپار مەن ايماقتىڭ جاراتىلىستىق اپات شۇعىل جاعدايىنا توتەپ بەرۋ، ءبىر جاقتى ەتۋ بىرلەسكەن مەحانيزمى، ايماقتىڭ 3-توپتاعى جايلىم ەكولوگيالىق ورتاسىن قورعاۋعا قوسىمشا قاراجات بەرىپ سيلاۋ ساياساتىن اتقارۋ جوباسى قاتارلى ىستەردى اقىلداستى، ماجىلىستە تاعى باسقا دا قاتىستى قىزمەتتەرگە ورنالاستىرۋ جاسالدى.

  ماجىلىستە مىنالار اتاپ كورسەتىلدى: «التاي ايماعىنىڭ وتكەل ەكونوميكالىق بەلدەۋىن دامىتۋدىڭ ارناۋلى جوسپارىن (2021 — 2035-جىلدارى)» جاساۋدا 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ىشكى قۇرلىققا ەسىك اشۋ مەن شەكارا بويىنداعى ەسىك اشۋدىڭ بيىك بەلەسىن تۇلعالاۋ سىندى ماڭىزدى بايىمداۋىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10-رەتكى پارتيا قۇرىلتايىنىڭ رۋحىن دايەكتىلەندىرىپ، تياناقتاندىرىپ، ”ءبىر پورت“، ”ەكى رايون“، ”بەس ۇلكەن ورتالىق“ جانە ”وتكەل ەكونوميكالىق بەلدەۋى“ قىزمەت ورنالاستىرۋىن جاپپاي يگەرىپ، جاڭا ۇستانىم، جاڭا جاعداي، جاڭا تالاپ بويىنشا ايماعىمىزداعى وتكەلدىڭ ”ءتۇيىن“ مەن ”دانەكەرلىك“ رولىن ساۋلەلەندىرىپ، ەسىك اشۋ ۇلكەن ارناسى قۇرىلىسىن جەدەلدەتىپ، ىشكى قۇرلىقتىق كوپ ساتىلى ەسىك اشۋ تۇعىرىن قۇرىپ، وتكەل ەكونوميكاسىنىڭ جوعارى ساپالى دامۋىن جەبەۋ كەرەك.

  ماجىلىستە مىنالار باسا دارىپتەلدى: باس شۋجي شي جينپيڭنىڭ ءوندىرىس حاۋىپسىزدىگى، شۇعىل جاعدايعا توتەپ بەرۋدى باسقارۋ، اپاتتان ساقتانۋ، اپات شىعىن ازايتۋ جونىندەگى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ، ۇكىمەتتىڭ جانە ايماقتىق پارتكومنىڭ ءوندىرىس حاۋىپسىزدىگى قىزمەتى جونىندەگى تالاپتارىن جاپپاي تياناقتاندىرىپ، شۇعىل جاعدايعا توتەپ بەرۋدى باسقارۋ دەڭگەيىن، اپاتتان ساقتانۋ، اپات شىعىنىن ازايتۋ قۋاتىن ۇزدىكسىز جوعارىلاتۋ كەرەك.

  ماجىلىستە «التاي ايماعىنىڭ ءوندىرىس حاۋىپسىزدىگىنىڭ ”14- بەسجىلدىق“ جوسپارى»، «التاي ايماعىنىڭ شۇعىل جاعدايعا توتەپ بەرۋ جۇيەسى قۇرىلىسىنىڭ ”14- بەسجىلدىق“ جوسپارى» قاتارلى جوسپارلار قارالىپ ماقۇلداندى، ايماقتىڭ كوز الداعى ءوندىرىس حاۋىپسىزدىگى جاعدايىنا جان-جاقتىلى تالداۋ جاساۋ ارقىلى ءوندىرىس حاۋىپسىزدىگىنىڭ بۇدان كەيىنگى جەتەكشى يدەياسى، نەگىزگى پرينسيبى، جوسپار نىساناسى، نەگىزگى مىندەتى، ءتۇيىندى ينجەنەريا، قامتاماسىزداندىرۋ شاراسى قاتارلىلار تۇراقتاندىرىلىپ، ايماق ەكونوميكاسىنىڭ، قوعامىنىڭ جوعارى ساپالى دامۋىنا تاماشا حاۋىپسىز ورتا جاراتىلدى.

  ماجىلىستە مىنالار تالاپ ەتىلدى: ”تۇنىق سۋ، جاسىل تاۋ — باعا جەتپەس بايلىق، قار-مۇزدىڭ ءوزى اسىل قازىنا“، ”ورتانى قورعاۋدى ماڭداي الدى ورىنعا قويۋ، ەكولوگيالى ايماق قۇرۋ“ ۇستانىمىن بەرىك ورناتىپ، تاۋ، سۋ، ورمان، اتىز، كول، جايلىم، قۇمدىق ەكولوگياسىن جونگە سالۋعا تاباندى بولىپ، ايماقتىڭ ەكولوگيالىق ورتا جاعىنداعى كورنەكتى ماسەلەلەرىن ويداعىداي شەشۋ كەرەك. ماجىلىستە «التاي ايماعىنىڭ ەكولوگيالىق ورتانى قورعاۋ ”14- بەسجىلدىق“ جوسپارى (2021-2035-جىلدارى)»، «التاي ايماعىنىڭ 3-توپتاعى جايلىم ەكولوگيالىق ورتاسىن قورعاۋعا قوسىمشا قاراجات بەرىپ سيلاۋ ساياساتىن اتقارۋ جوسپارى» قارالىپ ماقۇلدانىپ، ايماقتىڭ ەكولوگيالىق ورتانى قورعاۋ دەڭگەيى مەن جاپپاي دوڭگەلەك داۋلەتتى قوعامدى قۇرۋ نىساناسىنىڭ ءوزارا سايكەسۋىن قۇلشىنا ىلگەرىلەتتى.

  ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ءۋاليى ياڭ ۋىنگۋاڭ، اكىمشىلىك مەكەمەسىنىڭ قىزمەت ورنىندا بار باسشىلارى، ورىنباسار باس حاتشىلارى ماجىلىسكە قاتىناستى. ايماقتاعى قاتىستى تاراۋلاردىڭ (ورىن) نەگىزگى جاۋاپتىلارى، ەكى ۋاكىل مەن ءبىر مۇشە، قاتىستى اقپارات قۇرالدارىنىڭ تىلشىلەرى ماجىلىسكە سىرتتاي قاتىناستى.

جاۋاپتى رەداكتور: بەردىقان مۇراتقان ۇلى