تاۋىق باعىمشىلىعى اۋىل-قىستاقتىڭ گۇلدەنۋىنە دەم بەردى

  ءوز ءتىلشىمىز قۇرمانگۇل جەڭىسبەك قىزى حابارلايدى. 11-ايدىڭ 10-كۇنى ءتىلشى قىزىلتاس قالاشىعىنىڭ دولاتى قىستاعىنا بارعاندا، ليميىن ءۇي قۇستارى باعىمشىلىعى كاسىپتىك سەلبەستىك كووپەراتيۆىنىڭ جاڭادان اۆتوماتتى تاۋىق فەرماسىن قۇرعاندىعىن، وتىز مىڭنان استام تاۋىق «جايلى شارباقتا» باعىلىپ، سۋىن، جەمىن، جىلۋىن اۆتوماتتى تەڭشەپ، ساڭعىرىعىن اۆتوماتتى تازالاپ، ءداستۇرلى تاۋىق باعۋ ۇلگىسىن تۇبەگەيلى وزگەرتىپ، اۋىل-قىستاقتى كوركەيتۋدىڭ تىڭ پاراعىن اشقانىن كوردى.

  بيىل جىل باسىنان بەرى، قىزىلتاس قالاشىعى پارتيا تاريحىن ۇيرەنۋ تاربيەسىمەن ۇشتاستىرىپ، «بۇقارا ءۇشىن ناقتى ءىس ىستەيمىن» اتىنداعى امالياتتىق قيمىلدى بەلسەنە ورىستەتىپ، ساياساتتىق قولداۋ، قارجىلاي كومەكتەسۋ تاسىلدەرى ارقىلى سەلبەستىك كووپەراتيۆتەرىن قۇرىپ، «پارتيا قۇرىلسى +سەلبەستىك كووپەراتيۆى »ۇلگىسىن قولدانىپ، شاراۋاشىلىق جۇرگىزۋ ۇستانىمندا جاڭالىق اشىپ، تاۋىق باعۋدى عىلمي جولمەن جۇرگىزدى. قازىر، بۇل اۆتوماتتاندىرىلعان تاۋىق باعۋ زاوۆتىنىڭ يەلەگەن جەر كولەمى 35مۋ، ءتۇرت تاۋىق قوراسى بار بولىپ، جالپى 12ميلليون يۋان قارجى قوسىلدى. مۇنىڭ ىشىندە، ۇكىمەت 9 ميلليون يۋان، جەكەلەر ءوزى توپتاعان قارجى 300 يۋان. ” تاۋىق فەرماسىنداعى ءبىر قوراعا 35مىڭ تاۋىق باعۋعا، كۇنىنە 2 جارىم توننا اينالاسىندا جۇمىرتقا الۋعا بولادى، قازىر التاي قالاسىنىڭ بازار قاجەتىن قاناعاتتاندىرۋدا “،-دەدى التاي قالاسى قىزىلتاس قالاشىعى ليميىن ءۇي قۇستارى باعىمشىلىعى كاسىپتىك سەلبەستىك كووپەراتيۆىنىڭ القا باستىعى يۇي شيىن. بۇدان سىرت، سوڭعى مەزگىلدە كاسىپتىڭ سەلبەستىك كووپەراتيۆى « تيجارات كووپەراتيۆى +شارۋا وتباسى +ورىن »سىندى تاۋىق ءوندىرىس ۇلگىسىن بەلسەنە قاراستىرىپ، سەلبەستىك كووپەراتيۆى باعۋدى نەگىز ەتۋ، شارۋالاردى بىتىراندى باعۋدى قوسىمشا ەتۋگە جەتەكتەۋ ءتاسىلى ارقىلى كووپەراتيۆ قوسىنىن ۇزدىكسىز ۇلعايتتى. سونىمەن بىرگە، سەلبەستىك كووپەراتيۆى تومەن كىرىستى قىستاق تۇرعىندارىن جۇمىس ورىنىمەن قامداپ، بۇقارانى اۋقاتتانۋ جولىنا باستادى .

  ” تاۋىق فەرماسى بۇدان دا جاقسى جۇمىس جۇرگىزەتىن بولسا، 10 تومەن وتباسىنا كاسپتەنۋ ورايىن جاراتىپ بەرەدى“،-دەدى رىن يۇيشين.قىستاق تۇرعىنى كەنجەگۇل تومەن كىرىستى وتباسى. كۇيەۋىنىڭ ەڭبەك قابىلەتى بولماعاندىقتان، بىر ۇيدەگى ءتورت جاننىڭ تۇرمىستىق شىعىنى ونىڭ ۇساق -تۇيەك جۇمىس ىستەۋىنە سۇيەنەتىن. تاۋىق فەرماسى سالىنعاننان كەيىن، كەنجەگۇل ۇيىنەن ۇزاماي -اق كاسىپ ىستەۋ ورايىنا يە بولدى. ” ەكى بالام وقۋعا تۇسكەننەن كەيىن وتباسىمنىڭ قيىنشىلىعى اۋىرلاي ءتۇستى، جازدا كوپ جۇمىس ىستەپ اقشا تاپقانمەن قىستا كىرىس جوق، وتباسىمىزدىڭ جاعدايىن بىلەتىن قىستاق باسشىلارى جاڭادان اشىلعان تاۋىق فەرماسىنان تاۋىق باعۋ كاسىبىن تاۋىپ بەردى، قازىر ايىنا 3000يۋان ەڭبەكاقى الامىن، وتباسىمنىڭ قيىنشىلىعى شەشىلدى“، -دەدى ول .

  التاي قالاسىنىڭ قىزىلتاس قالاشىعى ەگىنشى-مالشىلاردىڭ كىرىسىن ۇزدىكسىز ارتتىرۋدىڭ وزەكتى مىندەتىن ارقاۋ ەتىپ، قولايلى قاتىناس شارت-جاعدايىنا جانە قورشاعان ورتا باسىمدىلىعىنا سۇيەنىپ، ەرەكشە كاسىپ سالاسىنىڭ، ەگىن-مال شارۋاشىلىعىنىڭ ونىمدىلىگىن ارتتىرۋدى، ەگىنشى-مالشىلاردىڭ كىرىسىن ارتتىرۋدى شىن مانىندە جۇزەگە اسىرىپ، كەدەيلىكتەن ارىلتۋدان قامال الۋدىڭ جەتستىكتەرىن بەكەمدەپ، ەگىنشى -مالشىلاردىڭ ەكونوميكاسىن دامىتۋ جولىن كەڭەيتتى.

قىزىلتاس قالاشىعى پارتكومنىڭ مۇشەسى، ۇنەمىلىك ىستەرگە جاۋاپتى ورىنباسار قالاشىق باستىعى شۇي جيانپىڭ بىلاي دەدى : ” ءبىز جەرگىلىكتى جاعدايعا قاراي تاۋىق شارۋاشىلىعىن دامىتىپ، جەرگىلىكتى باعىمشىلىق سەلبەستىك كووپەراتيۆىنىڭ اۋىل شارۋاشىلىق كاسىپ قۇرىلىمىن رەتتەۋ جانە كاسىپ سالالاندىرىپ دامىتۋداعى نەگىزى قوسىندىق رولىن تولىق ساۋلەلەندىرىپ، تاۋىق شارۋاشىلىعىنىڭ كولەمىن زورايتۋعا جەتەكشىلىك ەتتىك. قازىر، قولدانىلعان اينالىم ءتاسىلى قىزىلتاس قالاشىعىنىڭ توڭىرەگىندەگى بۇقارانىڭ ەگىمشىلىك قۇرىلىمىن رەتكە تۇسىرۋمەن بىرگە، اۋىل-قىستاقتاعى ارتىق ەڭبەككۇشتەردى باسقا سالاعا ويىستىرىپ، ديقانداردىڭ كىرىسىن ارتتىردى“ .

جاۋاپتى رەداكتور: بەردىقان مۇراتقان ۇلى