ورتالىق كوميتەت كەڭسەسى، مەملەكەتتىك كەڭەس كەڭسەسى <<استىق ۇنەمدەۋ ارەكەتى جوباسىن>> باسىپ تاراتتى

  شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «استىق ۇنەمدەۋ ارەكەتى جوباسىن» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن بىرلەستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  «جوبادا» بىلاي دەپ اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى استىقتى ۇنەمدەپ، شىعىندى ازايتۋ قىزمەتىنە ايرىقشا ءمان بەرىپ، كەشەندى شارا قولدانىپ، استىقتىڭ شىعىندالىپ ىسىراپ بولۋىن ازايتىپ، استىقتى ىسىراپ ەتۋ سىندى ناشار سالتتى باتىل تەجەۋ كەرەكتىگىن باسا دارىپتەدى. سوڭعى جىلدارى وڭىرلەر، تاراۋلار پارتيا ورتالىق كوميتەتىنىڭ قاتىستى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ۇنەمشىل بولۋ، ازىق - تۇلىكتى ىسىراپ ەتۋگە قارسى تۇرۋ قىزمەتى سەرپىنىن ۇزدىكسىز ارتتىرىپ، بەلسەندى ونىمدىلىكتەرگە قول جەتكىزدى، الايدا، ىسىراپ ەتۋ ماسەلەسىنە ءالى دە نەمقۇرايدى قاراۋعا بولمايدى، استىقتىڭ تۇتاس كاسىپ تىزبەگىنىڭ ءارقايسى بۋىندارىندا استىقتى ۇنەمدەۋدى، شىعىندى ازايتۋدى كۇشەيتۋدىڭ مىندەتى اۋىر.

  «جوبادا» العا قويىلعان جالپى تالاپ مىناداي: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇيەلى جونگە سالۋدان، زاڭمەن جونگە سالۋدان، باياندى جونگە سالۋدان جازباي، پارتكوم باسشىلىق ەتۋگە، ۇكىمەت جەتەكشىلىك ەتۋگە، كاسىپتەر جەتەكتەۋگە، جۇرتشىلىق ات سالىسۋعا تاباندى بولىپ، ءتۇيىندى سالالاردى جانە شەشۋشى بۋىنداردى كورنەكتىلەندىرىپ، قاتاڭ ءتۇزىم تەجەمىن كۇشەيتىپ، استىقتىڭ تۇتاس كاسىپ تىزبەگىنىڭ ءارقايسى بۋىندارىندا استىقتى ۇنەمدەۋدە، شىعىندى ازايتۋدا ناقتى ونىمدىلىككە قول جەتكىزۋدى ىلگەرىلەتىپ، مەملەكەتتىڭ استىق حاۋىپسىزدىگىن قامتاماسىز ەتۋدىڭ اناعۇرلىم جوعارى دەڭگەيلى، اناعۇرلىم جوعارى ساپالى، اناعۇرلىم جوعارى ءونىمدى، اناعۇرلىم باياندى جۇيەسىن جەدەل قۇرۋعا بەرىك نەگىز قالاۋ كەرەك.

  2025 - جىلعا دەيىن، استىقتىڭ تۇتاس كاسىپ تىزبەگىنىڭ ءارقايسى بۋىندارىنداعى استىقتى ۇنەمدەپ، شىعىندى ازايتۋ شارالارىن اناعۇرلىم قاتايتىپ، ناقتىلاندىرىپ، ەگجەي - تەگجەيلىلەندىرىپ، استىقتى ۇنەمدەپ، شىعىندى ازايتۋدا اناعۇرلىم كورنەكتى ونىمدىلىككە قول جەتكىزۋدى ىلگەرىلەتىپ، استىقتى ۇنەمدەپ، شىعىندى ازايتۋ ءتۇزىم جۇيەسىن، ولشەم جۇيەسىن جانە باقىلاۋ - ولشەۋ جۇيەسىن نەگىزىنەن ورناتىپ، ۇدايىلانعان باياندى جونگە سالۋ مەحانيزمىن نەگىزىنەن اقاۋسىزداندىرىپ، ”اس اسىرماۋ ارەكەتىن“ ىشكەرىلەي ورىستەتىپ، ازىق - تۇلىكتى ىسىراپ ەتۋ ماسەلەسىن ءونىمدى تەجەپ، استىقتى ۇنەمدەۋدى، ىسىراپ ەتۋگە قارسى تۇرۋدى تۇتاس قوعامدا سالتقا اينالدىرۋ كەرەك.

  «جوبا» اۋىل شارۋاشىلىعىنىڭ ءوندىرىس بۋىنىنداعى استىقتى ۇنەمدەۋدى، شىعىندى ازايتۋدى كۇشەيتۋ، استىق ساقتاۋ بۋىنىنداعى شىعىندى ازايتۋدى كۇشەيتۋ، استىق تاسىمال بۋىنىنداعى شىعىندى ازايتۋ بويىنشا قامتاماسىز ەتۋدى كۇشەيتۋ، استىق مانەرلەۋ بۋىنىنداعى استىقتى ۇنەمدەپ، شىعىندى ازايتۋدى جەدەل ىلگەرىلەتۋ، اس - سۋ تۇتىنۋ بۋىنىنداعى ىسىراپشىلدىقتى باتىل تەجەۋ، استىقتى ۇنەمدەپ، شىعىندى ازايتۋدا عىلىم - تەحنيكالىق جاڭالىق اشۋدى بار كۇشپەن ىلگەرىلەتۋ، استىقتى ۇنەمدەپ، شىعىندى ازايتۋ ۇگىت تاربيەسىنىڭ جەتەكتەۋىن كۇشەيتۋ، قامتاماسىز ەتۋ شارالارىن كۇشەيتۋ جونىندە ايقىن تالاپتاردى ورتاعا قويدى.

جاۋاپتى رەداكتور: قارلىعاش ءماۋلىت قىزى