”شينجياڭ جاقسى جەر − شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى“ اشىلدى

  انار بۇلت/ شينجياڭ گازەتىنىڭ ءتىلشىسى ليۋ مىڭمىڭ 10 - ايدىڭ 14 - كۇنى ۇرىمجىدەن حابارلايدى. 10 - ايدىڭ 14 - كۇنى مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى باس بولىپ ۇيىمداستىرعان، اۆتونوميالى رايوندىق مادەنيەت جانە ساياحات مەڭگەرمەسى ۇستىنە الىپ وتكىزگەن، شينجياڭعا باعىتتامالى كومەكتەسكەن 19 ولكە، قالانىڭ مادەنيەت جانە ساياحات مەڭگەرمەلەرى (مەكەمە) بىرگە سەلبەسىپ وتكىزگەن ”شينجياڭ جاقسى جەر − شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى“ شينجياڭ اسەمونەر سارايىندا اشىلدى. مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر راۋ چۋان، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن اشىلۋ سالتىندا ارناۋ ءسوز سويلەدى. جۇڭگو بەيزاتتىق مادەنيەت مۇرالارىن قورعاۋ قوعامىنىڭ باستىعى ۋاڭ شياۋفىڭ اشىلۋ سالتىنا قاتىناستى.

  راۋ چۋان بىلاي دەدى: بەيزاتتىق مادەنيەت مۇرالارى جۇڭحۋانىڭ تاڭداۋلى، ءداستۇرلى مادەنيەتىنىڭ ماڭىزدى قۇرامداس بولىگى، ەلىمىزدەگى ءار ۇلت حالقىنىڭ قىمباتتى رۋحاني بايلىعى، بۇل جولعى كورمەنىڭ شينجياڭنىڭ تۋىسقان ولكە، رايون، قالالارمەن اۋىس - كۇيىس جاساسىپ، ءوزارا كومەكتەسۋىن ونان ارى جەبەپ، كوركەم شينجياڭ جونىندەگى حيكايالاردى اناعۇرلىم جاقسى بايانداپ، جۇڭحۋانىڭ تاڭداۋلى، ءداستۇرلى مادەنيەتىن جالعاستىرۋدا، اسقاقتاتۋدا، سوتسياليستىك وزىق مادەنيەتتى دامىتۋدا، جۇڭحۋا ۇلتى ورتاق تۇلعا تانىمىن بەرىك ورناتۋدا بەلسەندى رول اتقاراتىندىعى ءسوزسىز.

  تيان ۋىن بىلاي دەدى: شينجياڭنىڭ بەيزاتتىق مادەنيەت مۇرالارىنىڭ ءتۇرى ءار الۋان، مازمۇنى باي، ونىڭ مايەكتى مادەني ءمانى ۇلتتاردىڭ كەڭىنەن ارالاسقان، جاپپاي ىشتەسكەن، ىشكەرىلەي توعىسقان شىنايى تاريحىنا كۋا بولىپ، كوپ نەگىزدى ءبىر تۇلعالى جۇڭحۋا مادەنيەتىنىڭ شينجياڭدا ءبارىن تۇگەل قامتىپ، ءوزارا توعىسىپ نۇر شاشقان دامۋ جۇلگەسىن دالەلدەدى. بۇل جولعى كورمەنىڭ شينجياڭدا وتكىزىلۋى پارتيا مەن مەملەكەتتىڭ شينجياڭ قىزمەتىنە كوڭىل بولگەندىگى جانە قولداۋ كورسەتكەندىگى، جۇڭحۋانىڭ تاڭداۋلى، ءداستۇرلى مادەنيەتىن جالعاستىرۋدا، مادەنيەتپەن شينجياڭدى نارلەندىرۋ ينجەنەرياسىن اتقارۋدى ىلگەرىلەتۋدە، جۇڭحۋا ۇلتى ورتاق تۇلعا تانىمىن بەرىك ورناتۋدا مۇنان دا زور رول اتقاراتىندىعى داۋسىز.

جاۋاپتى رەداكتور: قارلىعاش ءماۋلىت قىزى