اۋىل- قىستاق ساياحاتى بۇقاراعا باقىتتى تۇرمىس سيلادى

  ەرىكتى تىلشىلەر شالقار، اقىل حابارلايدى. ەندى عانا وتكەن مەملەكەت مەرەكەسىىندە، « ەرتىس ءبىرىنشى قىستاعى » داڭقىنا يە كوكتوعاي اۋدانى كوكتوعاي قالاشىعىنىڭ تاراتى قىستاعى ساياحاتتىڭ قاۋىرت مەزگىلىن قارسى الدى. جاقىنعى جىلداردان بەرى، كوكتوعاي اۋدانى نەگىزدىك قۇرىلعىلاردى ۇزدىكسىز كەمەلدەندىرىپ، ساياحاتتىق قىزمەت وتەۋ ساپاسىن جوعارلاتىپ، تاۋ قويناۋىنداعى مالشى قاۋىم ساياحاتتىڭ كىرىسىنەن يگىلىكتەنىپ، دوڭگەلەك داۋلەتتىلىككە قادام تاستادى.

  جاقىننان بەرى تاراتى قىستاعىنىڭ تۇرعىنى شالقاردىڭ وتباسىنداعىلار وتە قاربالاس بولدى، تاراتى قىستاعىنىڭ اتى ايگىلى بولعاننان بەرى قىستاققا كەلەتىن، ونىڭ ۇيىنە كەلەتىن ساياحاتشىلاردىڭ اياعى ۇزىلمەدى.

  كوكتوعاي قالاشىعى تاراتى قىستاعىىنىڭ تۇرعىنى شالقار بيموللا ۇلى بىلاي دەدى : ” قازىر قىستاقتا ماشينا توقتاتۋ الاڭى، دارەتحانا بار، كەلەسى قادامدا ۇكىمەتتىڭ جوسپارى ءار سەمياعا دارەتحانا مەن مونشاحانا سالدىرىپ بەرمەكشى، قازىر ءار وتباسىنا كەلەتىن ساياحاتشى مولشەرى 10 نان 100 ادامعا ، ءار كۇنگى كىرىسىمىز 1500 يۋانعا جەتتى .

  جاقىنعى جىلداردان بەرى، تاراتى قىستاعى حالىقتىق تۇسەلحانا، كەشكى كورنىستى تاماشالاۋ، ءدامدى تاعامداردانءدام تاتۋ قاتارلى وزگەشە قيمىلدار ارقىلى جەرگىلىكتى ەگىنشى مالشىلاردىڭ كىرىسىن ارتتىردى. بيىلعى مەملەكەت مەرەكەسى مەزگىلىندە، تاراتى قىستاعى ءبىر ىسپىرا قيمىل وزدىرىپ ساياحاتشىلاردى كەلىپ سەرۋەندەۋگە باۋرادى.

  كوكتوعاي قالاشىعى تاراتى قىستاعىنىڭ قىستاق تۇرعىنى نۇرجان بىلاي دەدى : ” بۇل جەرگە ساياحاتتاپ كەلۋشىلەر كوپ، سوندىقتان ءبىز ۇيدەگى ەرەكشە ءونىمدەردى دە اكەلىپ بازارعا سالدىق، ساۋدامىزدا كۇسەت، قىستاقتىڭ ورتاسى وتە دۋماندى“ .

  شانشيلىق ساياحاتشى شى ياڭ بىلاي دەدى : ”مەن بۇل جەرگە كەلگەندەگى العاشقى اسەرىم وزگەشە، وتە كوڭىلدى بولدىم ، بۇل جەر ۇلتتىق ەرەكشەلىككە يە، كورنىسى دە كوركەم ەكەن“ .

  بۇرىن تاراتى قىستاعىنداعى 180 نەشە قازاق وتباسى نەگىزىنەن ءداستۇرلى ەگىن، مال شارۋاشىلىعىنا سۇيەنەتىن، كىرىسى جالاڭ ەدى. 2016 -جىلدىڭ 8 -ايىندا، تاراتى قىستاعى مەمىلەكەتتىك اۋىل شارۋاشىلىق مينيستىرلىگى جاعىنان « ءبىر قىستاقتا ءبىر ونىمنەن ۇلگى كورسەتەتىن قىستاق »، اﯙتونوميالى رايوندىق ۇلت ىستەرى كوميتەتى جاعىنان ەرەكشە قالاشىق بولىپ بەلگىلەندى. بيىل جىل باسىنان بەرى، تاراتى قىستاعى ءبىر ىسپىرا ساياساتتار ارقىلى جول، ساياحاتشىلارعا قىزمەت وتەۋ ورتالىعى، ساياحاتتىق الەۋمەتتىك دارەتحانا، ماشينا توقتاتۋ الاڭى، جول باستاۋ تاقتاسى، قىستاقتاعى ۇيلەر قاتارلى نەگىزدىك قۇرىلعى قۇرلىستاردى كەمەلدەندىرىپ، ساياحات كاسىبىن ارقاۋ ەتىپ، اۋىل - قىستاقتىڭ كاسىپ قۇرىلىمىن رەتتەۋدى ىلگەرىلەتتى.

اۋدارعان: مەرەي باقىتبەك قىزى (پراكتيكانت)

جاۋاپتى رەداكتور: قارلىعاش ءماۋلىت قىزى