نارات ساحاراسىنداعى اسىل قازىنا انسامبلى

  انار بۇلت / شينجياڭ گازەتىنىڭ ءتىلشىسى جاڭ شياۋمي

  سارى كۇز، نارات ساحاراسىنىڭ تىنىشتىققا شومعان تاڭى جان سارايىڭدى اشادى، ەل ورنىنان تۇرماي جاتىپ، نارات انسامبلىنىڭ باستىعى، قوسىمشا گيتارشىسى ۋان حايتاۋ انسامبلدىڭ باسقا 7 مۇشەسىن باستاپ ءبىر كۇنگى قاربالاس جاتتىعۋعا كىرىستى.

  مۋزيكاحانا، شاراپحانا، كوشە سياقتى كونسەرت قوياتىن جەرلەردەن وزگەشەلىگى، ولاردىڭ تۇراقتى ءان سالاتىن ورىندارىنىڭ اتى تاۋ ءسانى، مەملەكەتتىك 5A دارەجەلى ساياحات كورىنىس ءوڭىرى قاتارىنا ەنگەن، نارات مەملەكەتتىك ساياحات، دەمالىس اۋماعى اق وزەن جايلاۋىنا بارۋداعى باسقى كورىنىس ورنى. ءبىر تاۋ، 4 كورىنىستى وزەن اڭعارى، جايلىم، جوتا - جون، قارلى تاۋمەن قورشالعان.

  ”جاڭبىرلى ءتۇن سەن كەتتىڭ قوش دەدىڭ، سالقىن سامال سەرىگىم دەپ مەنىڭ...“ «كوكتوعايداعى شوپان»، «ناراتتاعى ومارتاشى قىزدىڭ مونولوگى»، «جايلاۋ كوركى»... ءتول جاسامپازدىق انىنەن قازىرگى كەڭ تارالعان مۋزيكالارعا دەيىن، ولاردىڭ شىرقاعان ءانى ساحارانى جاڭعىرتتى.

  انسامبلدىڭ 8 مۇشەسى تۇگەلدەي ساحارانىڭ ءتول تۋمالارى. 2018 - جىلى 11 - ايدا ۋان حايتاۋ نارات كورىنىس وڭىرىنەن انسامبلى قۇرىلادى ەكەن دەگەندى ەستىپ، چىڭدۋداعى مۋزيكا سەرىكتەستىگىنەن قول ءۇزىپ كۇنەس اۋدانىنا قايتىپ كەلىپ، تىلەكتەس 3 سەرىگىمەن انسامبل قۇرادى. ءبىر ايدان كەيىن، نارات انسامبلى رەسمي ىسكە تۇسەدى.

  بىلتىر 3 مۋزيكانت دومبىرا، قوبىز سياقتى ۇلتتىق مۋزيكا اسپاپتارىن قوسىپ، كونسەرتتەرىنىڭ تارتىمدىلىعىن ونان ارى اسىردى. بىرەۋلەرگە مۋزيكا اسپابى تانىس سەزىلسە، بىرەۋلەرگە مۋزيكا ءۇنى جاقىن سەزىلەدى، ولاردىڭ شىرقاعان ءانىن ەستىپ، بەينە ءبىرىن - ءبىرى بىلەتىن بەيتانىس جانعا جولىققانداي بولدى.

  ءانسامبىل جىل بويى كورىنىس وڭىرىندە تۇرىپ ءان شىرقايدى. 5 - ايدىڭ ورتا شەنىنەن 10 - ايدىڭ ورتا شەنىنە دەيىنگى ويىن قويۋ ماۋسىمىندا ولار ءار كۇنى 5 رەت، ءار جولى جارتى ساعات ويىن قويادى. قىس ماۋسىمىندا ساياحاتشىلاردىڭ قاجەتىنە قاراي ويىن قويادى. جەلىدەن تىس ويىن قويۋدان سىرت، ءانسامبىل دوۋيىن سياقتى تۇعىرلاردا جەلىدە تىكە تاراتادى.

  ”بۇرىن شاراپحانا، مۋزيكا فەستيۆالى سياقتى كوپتەگەن ساحنالاردا ويىن قويىپ ءجۇردىم، ءبىراق ناراتقا كەلگەننەن كەيىن قايتقىم كەلمەي قالارىن ويلامادىم“، - دەدى ۋان حايتاۋ، - ”وسىنداي تابيعي ەكولوگيالىق تاماشا ورتادا ادام ءاندى ءتىپتى دە ەركىن، سەزىممەن شىرقايدى ەكەن“.

  قازىر نارات ءانسامبىلى 20داي ءان - كۇي شىعاردى، «داحى»، «جايلاۋ كوركى»، «ناراتتاعى ومارتاشى قىزدىڭ مونولوگى» سياقتىلاردى قامتيدى، مۇنىڭ ىشىندە ناراتقا قاتىستى ءتول جاسامپازدىق ءانى جەتەۋ.

  ”ويىن قويۋ بارىسىندا، ساياحاتشىلاردىڭ اراسىنان بىزبەن بىرگە قوسىلىپ شىرقاپ كەتەتىن نەمەسە بيگە باساتىندار ۇنەمى كەزىگەدى، انسامبىلدەگىلەرمەن بىرگە ىقپالداسىپ، ۇزاق ۋاقىتقا دەيىن حوشتاسقىلارى كەلمەيدى“، - دەدى باس ءانشى عالىم ءالىمجان، ول بەيجيڭدىك ءبىر ساياحاتشىنىڭ ولاردىڭ كونسەرتىن تاماشالاعاننان كەيىن، ارنايى ءبىر كۇن قالىپ ءان تىڭداعاندىعىنىڭ وزىنە تەرەڭ اسەر قالدىرعاندىعىن ايتتى.

  ولاردىڭ جان كۇيەرلەرىنە اينالعان ساياحاتشىلار دا از ەمەس. كەيبىر ساياحاتشىلار ءانسامبىلدىڭ كونسەرتىن ينتەرنەتتەن كورگەننەن كەيىن، ءوز كوزدەرىمەن كورۋ ءۇشىن ارناۋلى ناراتقا كەلدى؛ كەيبىر ساياحاتشىلار كونسەرت ارەدىگىندە ولارعا ناراتقا كەلگەندە ءتۇسىرگەن بەينە ەكراندارىن نەمەسە سۋرەتتەرىن كورسەتىپ ورتاقتاسىپ، ولاردان جاقىندا تاعى قانداي جاڭا ءان شىعاراسىڭدار دەگەندەردى ىقىلاسپەن ۇعىستى.

  ”ءبىز اۋىلىمىزدى توتەنشە سۇيەمىز“، - دەدى بارابانشى قاستەر تۇرسىنالى، - ”ساياحاتشىلار ءانىمىزدى تىڭداعاننان كەيىن، ناراتتىڭ كوركەم كورىنىستەرى ەستەرىندە قالىپ، ءبىز شىرقاعان ءان كوڭىلدەرىنەن ورىن السا دەپ تىلەيمىز“.

جاۋاپتى رەداكتور: ءاننا اكىمقان قىزى