شي جينپيڭ پورتۋگاليانىڭ زۇڭتۇڭى دەسوۋساعا كوڭىل ايتۋ تەلەگرامماسىن جولدادى

پورتۋگاليانىڭ بۇرىنعى زۇڭتۇڭى سامپايونىڭ قايتىس بولۋىنا بايلانىستى

  شينحۋا اگەنتتىگىنىڭ 9 - ايدىڭ 13 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 12 - كۇنى پورتۋگاليانىڭ بۇرىنعى زۇڭتۇڭى سامپايونىڭ قايتىس بولۋىنا بايلانىستى پورتۋگاليانىڭ زۇڭتۇڭى دەسوۋساعا كوڭىل ايتۋ تەلەگرامماسىن جولدادى.

  شي جينپيڭ كوڭىل ايتۋ تەلەگرامماسىندا بىلاي دەپ اتاپ كورسەتتى: سامپايو مىرزا پورتۋگاليانىڭ ۇزدىك ساياساتكەرى جانە باسشىسى، حالىقارالىق قوعامدا اسا جوعارى ابىرويعا يە. ول زۇڭتۇڭ بولىپ تۇرعان مەزگىلدە اۋمىن جۇڭگونىڭ قۇشاعىنا ءساتتى ورالدى، جۇڭگو مەن پورتۋگاليا جان - جاقتى ستراتەگيالىق سەرىكتەستىك قارىم - قاتىناس ورناتتى. ول زۇڭتۇڭدىق مىندەتىنەن بوساعاننان كەيىن،

  ءباز - باياعىسىنداي ۇزاق ۋاقىت جۇڭگو - پورتۋگاليا قارىم - قاتىناسىنا كوڭىل ءبولىپ، ەكى ەلدىڭ اۋىس - كۇيىسىن، سەلبەستىگىن قولدادى. مەن جۇڭگو مەن پورتۋگاليا قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، ەكى ەلدىڭ ءداستۇرلى دوستىعىن ساۋلەلەندىرىپ، ءار سالاداعى سەلبەستىكتى تەرەڭدەتىپ، ەكى ەل مەن ەكى ەل حالقىن باقىتقا كەنەلتۋدى قالايمىن.

جاۋاپتى رەداكتور: ءاننا اكىمقان قىزى