”وسى زامانعى اۋىل شارۋاشىلىعى تاماشا تانىسقىعا اينالدى“

انار بۇلت / شينجياڭ گازەتىنىڭ ءتىلشىسى ميھىرگۇل عوپۇر

  8 - ايدىڭ 16 - كۇنى كوممۋنيستىك جاستار وداعى ەگىس الاڭىنىڭ قىزمەتكەرلەرى قىزاناق جيناۋدا. بۇل ەگىس الاڭىنداعى قازىر بار 240 مىڭ مۋ ەگىستىك جەردە تۇگەلدەي ماشينالاسقان جۇمىس جۇزەگە اسىرىلدى.  سۋرەتتى كوممۋنيستىك جاستار وداعى ەگىس الاڭى بەرگەن

  9 - ايدىڭ 10 - كۇنى، اسپاندا تەڭگەدەي بۇلت جوق. شينجياڭ ءوندىرىس - قۇرىلىس بيڭتۋانى 6 - شىسى كوممۋنيستىك جاستار وداعى ەگىس الاڭىنا بارا قالساڭىز، تىرشىلىك تىنىسى جالىن اتقان القاپتا، شەتسىز دە شەكسىز ماقتا اتىزىندا شوق - شوق ماقتا قاۋاشاعى قۇلپىرا اشىلىپ تۇرعاندىعىن كورەسىز.

  كوممۋنيستىك جاستار وداعى ەگىس الاڭىنا ورنالاسقان شينجياڭ جوڭعار يىنفىڭ اۋىل شارۋاشىلىق ماشينالارى جابدىقتارى شەكتى سەرىكتەستىگىنىڭ تەكسەرۋ - جوندەۋ لاپاسىندا اۆتوماتتى ماقتا تەرۋ ماشينالارى قاز - قاتار ءتىزىلىپ تۇر، جۇمىسشىلار بار زەيىنىمەن تەكسەرىپ جوندەۋدە.”اي سوڭىنان باستاپ ماقتا تەرۋ ماۋسىمى باستالادى، سول كەزدە مىنا تۇرعان ماشينالاردىڭ ونەرىن كورەتىن بولامىز“، - دەدى كوممۋنيستىك جاستار وداعى ەگىس الاڭى پارتكومىنىڭ ورىنباسار شۋجيى، الاڭ باستىعى جاڭ جينچىڭ.

  2014 - جىلى باس شۋجي شي جينپيڭ شينجياڭدا قىزمەت تەكسەرگەن كەزدە جاۋىپ تۇرعان جاڭبىرعا قاراماي كوممۋنيستىك جاستار وداعى ەگىس الاڭىنا كەلىپ، بيڭتۋانداعى كادرلارعا، قىزمەتكەرلەرگە امانداسىپ، اۋىل شارۋاشىلىعىنىڭ ماشينالاسۋ جاعدايىن ۇعىسىپ، ولاردىڭ اۋىل شارۋاشىلىعىن ماشينالاندىرۋ جاعىنداعى عىلمي زەرتتەۋىن، ءوندىرىسىن، قولدانۋ قابىلەتىن تۇراقتاندىرعان بولاتىن.

  وسى سەرىكتەستىككە كەلىپ قىزمەت تەكسەرگەندە بيڭتۋانداعى جاۋاپتى جولداس باس شۋجيگە بيڭتۋاننىڭ اۋىل شارۋاشىلىعىن جالپىلىق ماشينالاندىرۋ سالىستىرماسىنىڭ %93كە جەتكەندىگىن ايتقان ەدى.

  قازىر كوممۋنيستىك جاستار وداعى ەگىس الاڭىنىڭ اۋىل شارۋاشىلىعىن جالپىلىق ماشينالاندىرۋ سالىستىرماسى %100كە جەتىپ، تۇتاس مەملەكەت بويىنشا وزىق دەڭگەيدە تۇرادى.

  بيڭتۋاننىڭ جالپىلىق ناقتى قۋاتىن كۇشەيتۋ، ورنىقتىلىقتى قورعاۋ، شەكارانى كۇزەتۋ قابىلەتىن جوعارىلاتۋ، بيڭتۋان مەن جەرگىلىكتى ورىننىڭ توعىسا دامۋىن جەدەلدەتۋ، بيڭتۋان رەفورماسىن جاپپاي تەرەڭدەتۋ، جوعارى ساپالى بيڭتۋان قوسىنىن قۇرۋ... باس شۋجيدىڭ ىقىلاستى تاپسىرماسى كوممۋنيستىك جاستار وداعى ەگىس الاڭىنداعى كادرلاردى، قىزمەتكەرلەردى جاۋاپكەرشىلىك ارقالاپ، ىسكەرلىك كورسەتۋگە ءسات سايىن شابىتتاندىرىپ كەلەدى.

  ”ءبىز باستان - اياق باس شۋجي نۇسقاعان بەتالىستى بويلاپ، اۋىل شارۋاشىلىعىن وسىزامانداندىرۋ قۇرىلىسىندا تىڭ بەلەسكە قادام تاستاۋدى ۇزدىكسىز ىلگەرىلەتتىك، وتە - موتە، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى ەگىس الاڭىنىڭ اۋىل شارۋاشىلىعىن وسىزامانداندىرۋ دەڭگەيى بارعان سايىن جوعارىلادى، ءبىز ماقتا ءوندىرىسىنىڭ تۇتاس بارىسىن ماشينالاندىرۋدى ءتۇيىن ەتە وتىرىپ، دالمە - ءدال تۇقىم سەبۋدى، ىجداعاتتىلىقپەن وڭدەۋدى %100 جۇزەگە اسىردىق، وسى زامانعى اۋىل شارۋاشىلىعى كوممۋنيستىك جاستار وداعى ەگىس الاڭىنىڭ تاماشا تانىسقىسىنا اينالدى“، - دەدى جاڭ جينچىڭ.

  رەفورمانىڭ ۇزدىكسىز ىلگەرىلەۋى ءداستۇرلى كاسىپورىننىڭ تيبىن وزگەرتىپ، دارەجەسىن جوعارىلاتۋعا دەم بەردى. ”رەفورمادان كەيىن بازار ساياساتى قويا بەرىلدى، سەرىكتەستىكتىڭ ماقتانى ماشينامەن تەرۋ كاسىبى ەندىگارى ءارقايسى شىمەن، تۋانمەن شەكتەلىپ قالماي، شينجياڭنىڭ جەر - جەرىنە كەڭەيىپ، جۇمىس ىستەۋ پەريوتى 20 كۇننەن 2 ايعا دەيىن ۇزارىپ، كاسىپورىننىڭ دامۋ قادامى دا جەدەلدەدى“. شينجياڭ جوڭعار يىنفىڭ اۋىل شارۋاشىلىعى ماشينا جابدىقتارى شەكتى سەرىكتەستىگىنىڭ باسالقاسى ۋ شۋۋي بىلاي دەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى سەرىكتەستىك اۋىل شارۋاشىلىعىن ماشينالاندىرۋ قولدانىلمالى قابىلەتى جاعىنا كۇش سالدى، ماقتا تەرۋگە جالعاستى قىزمەت وتەۋدەن سىرت، ماشينا جالعا بەرۋ، اۋىل شارۋاشىلىعى ماشينالارىن ساتۋ، ماشينا رەمونتتاۋ جانە تەحنيكالىق جاقتان قىزمەت وتەۋ سياقتى كاسىپتەرگە دەيىن كەڭەيتتى ءارى تۇتاس جەلىدەگى تەحنيكتەردى بۋىندارعا ءبولىپ باۋلىدى، وسى ارقىلى وسى زامانعى اۋىل شارۋاشىلىعى كاسىپ سالاسىنىڭ دامۋ قاجەتىنە اناعۇرلىم ويداعىداي سايكەستى.

  1 - كاسىپتى ساپالىلاندىرۋ، 2 - كاسىپتى ەرەكشەلەندىرۋ، 3 - كاسىپتى كۇشەيتۋ ارقىلى اۋىل شارۋاشىلىعى قۇرىلىمى ۇيلەسىمدى ساپالىلاندىرىلدى، بۇگىنگى كۇندەرى كوممۋنيستىك جاستار وداعى ەگىس الاڭى مەملەكەتتىك وسى زامانعى اۋىل شارۋاشىلىعىنان ۇلگى كورسەتۋ رايونى، مەملەكەتتىك اۋىل شارۋاشىلىق عىلىم - تەحنيكاسى باقشا رايونى، مەملەكەتتىك اۋىل شارۋاشىلىعىن جاسىل دامىتۋداعى باستاماشى رايون بولىپ قۇرىلدى. شارۋالار سەلبەستىك كووپەراتيۆى جاڭبىردان كەيىنگى جاۋقازىنداي قاۋلاپ، شارۋالار شاتتىعى ساياجايى، حالىقتىق تۇسەلحانا، ءجۇزىم ءۇزۋ باقشاسى، كوڭىلدى ەگىس الاڭى سياقتى نىساندار ءتارتىپتى ىلگەرىلەتىلدى.

  قارىشتاپ دامىعان كوممۋنيستىك جاستار وداعى ەگىس الاڭى كوپتەگەن جاستاردى باۋراۋدا. ”بيىل 400دەن استام جاس كەزىندەگى مەنىڭ جولىممەن وسى اراعا كەلىپ ەگىس الاڭىنىڭ دامۋىنا ومىرشەڭدىك كۇش ۇستەۋدە“. ۋىن چىنشيا باتىس بولىك جوسپارى ەرىكتىسى رەتىندە، 2014 - جىلى باس شۋجيدىڭ ماڭىزدى ءسوزىن ەت قۇلاعىمەن ەستىگەن بولاتىن، قازىر ول كوممۋنيستىك جاستار وداعى ەگىس الاڭىنا تەرەڭدەي تامىر تارتتى.

  ”ۇلتتىق رۋحتى جانە ءداۋىر رۋحىن اسقاقتاتۋ، توراڭعى رۋحىن جانە بيڭتۋان رۋحىن امالياتتا ايگىلەۋ، ءار دارەجەلى كادرلاردى جاڭا داۋىردە شەكاراعا تامىر تارتۋعا، شەكاراعا ۇلەس قوسۋعا ىنتالاندىرۋ كەرەك“. باس شۋجي شي جينپيڭنىڭ ماڭىزدى ءسوزى ەگىس الاڭىنداعى كادرلاردىڭ، قىزمەتكەرلەردىڭ جۇرەگىنە تەرەڭ ۇيالاعان ەدى.

  ”ءبىز اعا بۋىنداردىڭ تاڭداۋلى ءداستۇرىن جالعاستىرىپ، بورىشتى ورىنداپ، ءداۋىردىڭ ءۇمىتىن اقتاپ، جاستىق ورالدىڭ ءۇمىتىن اقتاپ، پارتيا مەن حالىقتىڭ ىقىلاستى ءۇمىتىن اقتاپ، شەكاراعا تامىر تارتىپ، ءبىر كىسىلىك ۇلەسىمىزدى قوسامىز“، - دەدى ۋىن چىنشيا.

جاۋاپتى رەداكتور: ءاننا اكىمقان قىزى