20 نەشە مەكەمە - ورىن 330 ميلليون يۋان قارجى قوسۋعا ۋادە بەردى

تيانشاندى مەيىرگە بولەۋ ● شەكسىز سۇيىسپەنشىلىك − − مەملەكەتتىك سيپاتتى قوعامدىق ۇيىمداردىڭ شينجياڭعا كومەكتەسۋ ارەكەتى باستالدى

     انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 9 - ايدىڭ 13 - كۇنى ۇرىمجىدەن حابارلايدى. ”تيانشاندى مەيىرگە بولەۋ ● شەكسىز سۇيىسپەنشىلىك − مەملەكەتتىك سيپاتتى قوعامدىق ۇيىمداردىڭ شينجياڭعا كومەكتەسۋ ارەكەتى“ 9 - ايدىڭ 13 - كۇنى باستالدى، 20 نەشە قوعامدىق ۇيىم، قايىر - ساحابات ۇيىمى 330 ميلليون يۋان قارجى قوسىپ، شينجياڭنىڭ قوعام ورنىقتىلىعىنا جانە ەكونوميكالىق، قوعامدىق دامۋىنا دەم بەرۋگە ۋادە بەردى.

  ”بۇل حالىق ىستەرى جۇيەسىنىڭ شينجياڭعا كومەكتەسۋ قىزمەتىندەگى ەرەكشە قيمىلى، قالىڭ قوعامدىق ۇيىمدار، قايىر - ساحابات ۇيىمدار بۇعان بەلسەنە ءۇن قوستى، جابال ات سالىستى“. حالىق ىستەرى مينيسترلىگىنىڭ ورىنباسار مينيسترى گاۋ شياۋبيڭ مىنانى ءبىلدىردى: كوپتەن بەرى بۇكىل ەلدىڭ جەر - جەرىندە قوعامدىق ۇيىمدار، قايىر - ساحابات ۇيىمدارى پارتيا ورتالىق كوميتەتىنىڭ ۇندەۋىنە بەلسەنە ءۇن قوسىپ، حالىق تۇرمىسىن قامتاماسىز ەتۋ جانە جاقسارتۋ، قيىنشىلىعى بار قاۋىمعا قامقورلىق جاساۋ، حالىق ىستەرىنە قىزمەت وتەۋ دەڭگەيىن جوعارىلاتۋ سىندى جاقتاردا كوپتەگەن الەۋمەتتىك يگىلىكتى قايىر - ساحابات قيمىلدارىن ورىستەتىپ، ايتا قالسىن، تابان تىرەپ تۇرا الاتىن، بۇقارا مويىندايتىن شينجياڭعا كومەكتەسۋ تاڭداۋلى نىساندارىنان ءبىر توبىن جارىققا شىعارىپ، شينجياڭنىڭ ەكونوميكالىق، قوعامدىق دامۋىنا بەلسەندى ۇلەس قوستى.

  وسى جولعى شينجياڭعا كومەكتەسۋ ارەكەتىنە قاتىناسقان مەكەمە - ورىنداردىڭ باسىم كوبى جىل بويى شەكارا وڭىردەگى از ۇلت رايوندارىنىڭ حالىق ىستەرى قۇرىلىسىنا نازار اۋدارىپ كەلەدى، مۇندا بالالار ءبولىمى، راكقا قارسى تۇرۋ سىندى ەمدەۋ سالاسىنداعى قايىر - ساحابات ۇيىمدارى دا، ايەلدەر، بالالار ىستەرى، قوعامدىق كوركەمونەر، حالىق يگىلىگى سىندى ىستەردىڭ دامۋىنا دەم بەرەتىن قوعامدىق ۇيىمدار دا، سونداي - اق ءىرى كاسىپورىن، توپتاردىڭ قور قوعامدارى دا بار.

  ”ءبىزدىڭ قۇلشىنىسىمىز ارقىلى شينجياڭداعى قيىنىشلىعى بار وتباسىلارداعى سالماقتى اۋرۋعا شالدىققان بالالارعا ەكونوميكالىق قولداۋ كورسەتۋدى ءارى ەل ىشىندەگى ساپالى ەمدەۋ بايلىعى مەن شينجياڭنىڭ شيپاحانالارىنىڭ بىرگە ارەكەتتەنىپ بىرگە قۇرۋىن ىلگەرىلەتۋدى ءۇمىت ەتەمىز“. اييوۋ قايىر - ساحابات قور قوعامىنىڭ اتقارۋشى باس حاتشىسى لۋان يبين بىلاي دەدى: قور قوعامى حالىق ىستەرى مينيسترلىگىنىڭ قايىر - ساحابات ىستەرىن جەبەۋ جانە قوعامدىق قىزمەت مەكەمەسىنىڭ جەتەكشىلىگىندە، اۆتونوميالى رايوندىق حالىق ىستەرى مەڭگەرمەسىنىڭ قاتىستى جاقتارىمەن كوپ رەت تالقى وتكىزىپ اقىلداسىپ، بيىلدان باستاپ شينجياڭدا 40 ميلليون يۋاننان استام قارجى قوسىپ، 3 جىلعا ءبولىپ اتقارىپ، تۋما جۇرەك اۋرۋى بار بالالاردى ەمدەۋ، قۇتقارۋ - كومەكتەسۋگە جانە شينجياڭدا سەلبەسىپ ەمدەيتىن شيپاحانالاردىڭ بالالار ءبولىمىنىڭ دياگنوز قويۋ، ەمدەۋ قابىلەتىن جوعارىلاتۋعا پايدالانۋدى ۇيعاردى.

  جۇڭگو قوعامدىق كوركەمونەر قوعامى شينجياڭدا جىلۋ اتاپ اتقارعان ”بالالاردىڭ كوركەمونەرلىك ساۋاتىن اشۋ ينجەنەرياسى“ قاتتى بولشەكتەرگە ۇسىنىلىمدى دارىپتەپ قانا قويماستان، جەرگىلىكتى ورىنداعى وقىتۋشىلار قوسىنىن جەتىلدىرۋگە ەرەكشە ءمان بەردى. قوعام پارتيا ياچەيكاسىنىڭ شۋجيى ياڭ چۇنحۇي مىنانى ءبىلدىردى: الداعى ۋاقىتتا ”جۇڭگو قوعامدىق كوركەمونەر قوعامى مارالباسى اۋداندىق جاستار - ورەندەر كوركەمونەرگە باۋلۋ بازاسىن“ قۇرىپ، قۇنى 10 ميلليون يۋاندىق AI زەردەلى تۇعىرى، سيفرلانعان وقىتۋ جۇيەسى قاتارلىلاردى جىلۋعا اتاپ، بۇكىل اۋدانداعى 135 ورتا - باستاۋىش مەكتەپتىڭ سيفرلانعان جاپپاي وقىتۋمەن قامتىلۋىن ىلگەرىلەتەمىز.

  ”ءبىز سىرتقى كۇشتىڭ قولداۋىنان ويداعىداي پايدالانىپ، شينجياڭعا كومەكتەسۋ قارجىسىنىڭ، نىسانىنىڭ، دارىندىلارىنىڭ ەڭ جوعارى ونىمدىلىگىن ويداعىداي ساۋلەلەندىرەمىز“، - دەدى حوتان ايماقتىق حالىق ىستەرى مەكەمەسى پارتيا باسشىلىق گرۋپپاسىنىڭ شۋجيى جۋ جۇنفىڭ.

جاۋاپتى رەداكتور: ءاننا اكىمقان قىزى