ساياحاتشىلاردى مال باعۋعا ۇسىنىس ەتتى

  9-ايدىڭ 11-كۇنى، بۋرىلتوعاي اۋدانى كيتىڭارشا جايلاۋىنداعى مالشىلار ٴان ايتىپ، ٴبي بيلەپ، ناق مايداندا جەر-جەردەن كەلگەن ساياحاتشىلاردى بۋرىلتوعايدا قوي باعۋ جوسپارىنا قاتىناسۋعا ۇسىنىس ەتىپ، 2022-جىلعى التاي مال شارۋاشىلىق جوسپارىنىڭ شىمىلدىعىن اشتى.

  بۋرىلتوعاي اۋدانى كوكتەم، كۇز ماۋسىمدارىندا كوشى-قون قيمىلىن ورىستەتۋدى توڭىرەكتەي وتىرىپ، ساياحاتشىلار ءۇشىن وتباسى مال فەرماسىن قۇردى. ساياحاتشىلار قارجى شىعارىپ، قوزىنى وزدەرى تاڭداپ الىپ ،”بۇلتتىق مال باعۋ“ بازاسىنا اكەلىپ قوسىپ، بەينە ەكران ارقىلى باعىلۋ جاعدايىن كورىپ وتىرادى، دەمالعاندا التايعا ساياحاتتاپ كەلىپ، وزدەرى مال باعۋىنا دا بولادى. بۇل قيمىل التاي تەگەنە قۇيرىقتى قويىنىڭ ەگىن، مال شارۋاشىلىق ماركاسىن جانە ”التاي مال شارۋاشىلىق جوسپارى“ ساياحات ماركاسىن جاراتىپ، مال شارۋاشىلىعى ارقىلى ساياحاتتى جەبەپ، ساياحات ارقىلى مال شارۋاشىلىعىن بايىتادى.

  باستالۋ سالتىندا، شينجياڭ شىنبي مالياڭ مادەنيەت تاراتۋ شەكتى سەرىكتەستىگى مەن بۋرىلتوعاي اۋدانى كوكاعاش اۋىلى شىباروي قىستاعىنىڭ تۇرعىندار كوميتەتى، مالشىلار 3 جاقتىڭ سەلبەستىك كەلىسىمىنە قول قويىپ، وكىلەتتى ساتۋ، ۋاكىلدىك باسقارۋ، ۋاقىتتىق باعۋ سىندى 3 جاقتىڭ جاۋاپكەرشىلىگىن ايقىنداپ، 2022 -جىلعى التاي مال شارۋاشىلىق جوسپارىن ٴبىر ۋاقىتتا ىلگەرىلەتتى. شىباروي قىستاعىنىڭ ٴبىرىنشى شۋجيى جىگەر بىلاي دەپ تانىستىردى : بۇل قىستاقتا 10 مىڭنان استام قوي باعىلادى، بۇل تيپتىك ٴداستۇرلى مال شارۋاشىلىق قىستاق.بۇدان بىلاي، جايلاۋدىڭ بايلىق باسىمدىعى مەن S 21 جەلىسىنىڭ وڭىرلىك باسىمدىعىنان تولىق پايدالانىپ، S 21 جەلىسىندەگى”قوي باعۋداعى ٴبىرىنشى قىستاقتى“ قۇرىپ، ساياحات ماركاسىن قۇلشىنا جاراتىپ، مالشىلاردىڭ ساياحاتتان يگىلىكتەنۋىنە مۇمكىندىك جاسايمىز.

  شينجياڭ شىنبي مالياڭ مادەنيەت تاراتۋ شەكتى سەرىكتەستىگىنىڭ باس ديرەكتورى ما شۇي بىلاي دەپ تانىستىردى: الدىمەن قوي باعۋ، ونان سوڭ سيىر باعۋ جانە تاۋىق باعۋ سياقتى ەرەكشە ەگىن، مال شارۋاشىلىق ماركالارىن جاراتامىز.

  قازىر التاي ايماعى ”جازدا ىستىقتان تاسالانۋ، قىستا قار ويىندارىن ويناۋ، كوكتەم، كۇزدە كوشى-قوندى تاماشالاۋ، ەكى وزەن، ەكى كول، ٴۇش جول، ماۋسىم سايىن التىن، اسىل تاس، قاس تاسىن تاماشالاۋ “ سىندى ساياحات جاعدايىن جانە ساياحات ونىمدەرى جۇيەسىن بەلسەنە قالىپتاستىردى. التاي قوي باعۋ جوسپارى التاي ايماعىنىڭ كوشى-قون مادەنيەتىن ىشكەرىلەي اشىپ، مال شارۋاشىلىعىن زور كۇشپەن دامىتۋداعى شارالارىنىڭ ٴبىرى سانالادى.

  سۋرەتپەن قامداعان: جياڭ لينزى

اۋدارعان: جانار قاناپيا قىزى

جاۋاپتى رەداكتور: ءاننا اكىمقان قىزى