جيلين قوسىننان شەگىنگەن اسكەريلەر ىستەرى مەكەمەسىنە كومەك اتادى

  ءوز ءتىلشىمىز دۇڭ شىجۇي حابارلايدى. 9-ايدىڭ 12-كۇنى، جيلين ولكەلىك قوسىننان شەگىنگەن اسكەريلەر ىستەرى مەڭگەرمەسىنىڭ ايماقتىق قوسىننان شەگىنگەن اسكەريلەر ىستەرى مەكەمەسىنە شينجياڭعا باعىتتامالى كومەكتەسۋ بويىنشا زاتتىق ماتەريالدارىن تارتۋ ەتۋ سالتى التايداعى قوس جاسامپازدىقتى جەتىلدىرۋ بازاسىندا وتكىزىلدى. جيلين ولكەلىك قوسىننان شەگىنگەن اسكەريلەر ىستەرى مەڭگەرمەسى پارتيا باسشىلىق گرۋپپاسىنىڭ شۋجيى،مەڭگەرمە باستىعى لي حايبين، اكىمشىلىك مەكەمەسىنىڭ ورىنباسار ٴۋاليى شۇي چۋانشي، ايماقتىق قوسىننان شەگىنگەن اسكەريلەر ىستەرى مەكەمەسىندەگى بارلىق كادرلار جىلۋ اتاۋ سالتىنا قاتىناستى.

  لي حايبين بىلاي دەپ اتاپ كورسەتتى : شينجياڭعا كومەكتەسۋ قىزمەتىن جاقسى ىستەۋ-جاپپاي دوڭگەلەك داۋلەتتى قوعام قۇرۋدىڭ كوكەي تەستى قاجەتى ٴارى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى شاراسى، ونان دا ماڭىزدىسى، شينجياڭداعى ٴار ۇلت حالقىنا باقىت جاراتاتىن ۇلى ٴىس. جاقىنعى جىلدارى، جيلين ولكەسى” قان قۇيۋ“ مەن” قان جاساۋدى“ ۇشتاستىرۋعا تاباندى بولىپ، التايدىڭ باسىمدىعى مەن كومەسكى كۇشىن تياناق ەتىپ، جەرگىلىكتى ورىننىڭ ەرەكشە كاسىپ سالاسىنىڭ دامۋىن ىلگەرىلەتتى. جيلين ولكەلىك قوسىننان شەگىنگەن اسكەريلەر ىستەرى مەڭگەرمەسى باس شۋجي شي جينپيڭنىڭ شينجياڭعا كومەكتەسۋ قىزمەتى جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، قوسىننان شەگىنگەن اسكەريلەر ىستەرى مينيسترلىگىنىڭ شينجياڭعا كومەكتەسۋ قىزمەتى ٴماجىلىسىنىڭ رۋحىن مۇقيات تياناقتاندىرىپ، شينجياڭعا كومەكتەسۋ قىزمەتىن كەلەلى ساياسي مىندەت، ماڭىزدى ساياسي جاۋاپكەرشىلىك رەتىندە ارقالاپ، قۇلشىنا ىلگەرىلەتتى.

  وسى رەتكى جىلۋ اتاۋ سالتى جيلين ولكەلىك قوسىننان شەگىنگەن اسكەريلەر ىستەرى مەڭگەرمەسىنىڭ باعىتتامالى كومەكتەسۋ قىزمەتىنىڭ شىت جاڭا باستاماسى بولىپ، ەكى جەردىڭ باسىمدىقتار ارقىلى ٴبىرىن-ٴبىرى تولىقتاۋىن، سەلبەسىپ تەڭ يگىلىككە كەنەلۋىن اناعۇرلىم ٴدال يگەرىپ، ەكى جەردىڭ كومەك بەرۋ قىزمەتىنىڭ جاڭا كەزەڭگە ٴوتۋىن ىلگەرىلەتۋدى ٴۇمىت ەتتى.

  شۇي چۋانشي بىلاي دەدى: كوپ جىلدان بەرى، جيلين ولكەسىنىڭ شينجياڭعا كومەكتەسۋشىلەرى التاي ايماعىنداعى ٴار ۇلت كادر-جۇرتشىلىعىمەن تىزە قوسا وتىرىپ، ۇدەرە العا تارتىپ، حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، كاسىپ سالاسىنىڭ دامۋىن ىلگەرىلەتىپ، اۋىل-قىستاقتىڭ گۇلدەنۋىنە دەم بەرىپ، جۇمىسقا ورنالاستىرىپ، كىرىستى ارتتىرۋدى جەبەپ، اناعۇرلىم تىنىش، كوركەم، باقىتتى جاڭا التاي قۇرۋعا بەرىك نەگىز قالاپ، ۇلەس قوستى. شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك ٴماجىلىستىڭ رۋحىن جەتەكشى ەتىپ، بوساڭسىماي، بويكۇيەزدىككە سالىنباي، وڭىرلىك ەكونوميكانىڭ، قوعامنىڭ جوعارى ساپالى دامۋىن بار كۇشپەن ىلگەرىلەتىپ، شينجياڭعا باعىتتامالى كومەكتەسۋدىڭ ونىمدىلىگىن مۇمكىندىكتىڭ بارىنشا ساۋلەلەندىرىپ، ٴىس جۇزىندىك ارەكەتىمىز ارقىلى كومەك قابىلداۋشى ەكى جەردەگى پارتكومعا، ۇكىمەتكە قاناعاتتانارلىقتاي جاۋاپ قايتارامىز.

  ۇعىسۋعا قاراعاندا، جيلين ولكەلىك قوسىننان شەگىنگەن اسكەريلەر ىستەرى مەڭگەرمەسى بۇكىل ولكەدەگى قوسىننان شەگىنگەن اسكەريلەر ىستەرى جۇيەسىنىڭ بايلىق كۇشىن بىرىكتىرۋ ارقىلى قوعامدىق كۇشتەردى بەلسەنە جۇمىلدىرىپ، كوپ ٴتۇرلى شارانى قاتار قولدانىپ، باعىتتامالى كومەكتەسۋ قىزمەتىن ورىستەتكەن. التاي ايماعىنىڭ قوسىننان شەگىنگەن اسكەريلەر قىزمەتىنىڭ ٴىس جۇزىندىك جاعدايىمەن ۇشتاستىرىپ، «جيلين ولكەلىك قوسىننان شەگىنگەن اسكەريلەر ىستەرى مەڭگەرمەسىنىڭ شينجياڭعا باعىتتامالى كومەكتەسۋ قىزمەت جوباسىن» جاساپ، جاريالاپ، شينجياڭعا باعىتتامالى كومەكتەسۋ قىزمەتى جونىندە عىلمي جوبا-ورنالاستىرۋ جاسادى؛ قاتىستى تاراۋلاردىڭ قولداۋىنا يە بولىپ، شينجياڭداعى قوسىننان شەگىنگەن اسكەريلەر كاسىپورىندارىن جيلين ولكەسىنە بارىپ ەكونوميكا ـ ساۋدا اۋىس-كۇيىسىن ورىستەتۋگە ۇسىنىس ەتىپ، قيىنشىلىعى بار قوسىننان شەگىنگەن اسكەريلەرگە كومەكتەسۋ قىزمەتىن ورىستەتتى؛ قوعامدىق كۇشتەردى بەلسەنە جۇمىلدىرىپ، التاي ايماقتىق قوسىننان شەگىنگەن اسكەريلەر ىستەرى مەكەمەسىنە قۇنى 150 مىڭ يۋاندىق قىزىل تۋ جەڭىل اۆتوموبيلىن ۇكىمەت قىزمەتىنە جۇمساۋعا تارتۋ ەتتى.

  جىلۋ اتاۋ سالتىندا، جيلين ولكەسى قوسىننان شەگىنگەن اسكەريلەر مەن اسكەري قۇربانداردىڭ وتباسىنداعىلارعا قامقورلىق جاساۋ قوعامى مەن التاي ايماقتىق قوسىننان شەگىنگەن اسكەريلەر ىستەرى مەكەمەسى جىلۋ اتاۋ كەلىسىمىنە قول قويدى، ايماقتىق قوسىننان شەگىنگەن اسكەريلەر ىستەرى مەكەمەسى جيلين ولكەسىنە قوسىننان شەگىنگەن اسكەريلەر مەن اسكەري قۇربانداردىڭ وتباسىنداعىلارعا قامقورلىق جاساۋ قوعامىنا داڭق كۋالىگى مەن العىس كۋالىگىن بەردى.

  اۋدارعان: جانار قاناپيا قىزى

جاۋاپتى رەداكتور: ءاننا اكىمقان قىزى